ᠰᠢ ᠨᠢᠩ ᠤᠨ ᠤᠨ ᠳᠤᠷ ᠤᠮᠠᠷᠠᠳᠤ ᠳᠤᠷ ᠡᠯᠴᠢᠯᠡᠭᠰᠡᠨ ᠵᠢᠷᠤᠭ ᠪᠢᠴᠢᠮᠡᠯ  ︵ᠲᠠᠪᠤ︶
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2019/11/28
                                            ︵ᠰᠦᠩ︶ ᠱᠧᠨ ᠺᠦᠸᠧ     ᠪᠣᠣ ᠾᠧ ᠭᠤᠧᠠᠨ ᠬᠦᠷᠢᠶᠡᠨ ᠢᠨᠦ ᠰᠢᠶᠠᠨ ᠰᠢ ᠭᠤᠧᠠᠨ ᠬᠦᠷᠢᠶᠡᠨ ᠡᠴᠠᠪᠡᠷᠡᠭᠤᠨ ᠡᠮᠦᠨᠡᠰᠢ ᠶᠡᠷᠡᠨ ᠭᠠᠵᠠᠷ ᠵᠠᠶᠢᠳᠠᠢ ᠪᠦᠯᠦᠭᠡ᠃ ᠬᠦᠷᠢᠶᠡᠨ ᠠᠴᠠ ᠬᠤᠶᠢᠰᠢ ᠬᠡᠳᠦᠨ ᠭᠠᠵᠠᠷ ᠵᠠᠮᠨᠠᠪᠠᠰᠤ ᠲᠡᠭᠡᠳᠦ ᠨᠡᠶᠢᠰᠯᠡᠯ ᠬᠦᠷᠬᠦ ᠵᠠᠮ ᠪᠠᠶᠢᠬᠤ ᠪᠦᠯᠦᠭᠡ᠃ ᠪᠠᠷᠠᠭᠤᠨᠰᠢ ᠵᠢᠭᠠᠬᠠᠨ ᠬᠡᠳᠦᠨ ᠭᠠᠵᠠᠷ ᠶᠠᠪᠣᠪᠠᠰᠤ ᠵᠢᠢ ᠾᠧᠢ ᠤᠰᠤᠨ ᠪᠠᠶᠢᠮᠣᠢ᠂ ᠤᠰᠤᠨ ᠠᠨᠤ ᠵᠠᠭᠤ ᠭᠠᠷᠤᠢ ᠠᠯᠬᠤᠮ ᠦᠷᠭᠡᠨ᠂ ᠵᠢᠦᠧᠡᠢ ᠱᠦᠢ ᠤᠰᠤᠨ ᠤ ᠬᠥᠪᠡᠭᠡᠨ ᠳᠤᠷ ᠵᠠᠭᠤ ᠭᠠᠷᠤᠢ ᠡᠷᠦᠬᠡ ᠪᠠᠶᠢᠮᠣᠢ᠂ ᠰᠢᠪᠠᠷ ᠸᠠᠭᠠᠷ ᠤᠨ ᠪᠠᠶᠢᠰᠢᠩ ᠬᠠᠭᠠᠰ ᠬᠠᠭᠠᠰ ᠪᠦᠯᠦᠭᠡ᠃ ᠲᠤᠭᠤᠷᠢᠭᠤᠯᠤᠨ ᠪᠠᠶᠢᠭᠤᠯᠤᠭᠰᠠᠨ ᠬᠤᠳᠠᠨ ᠤ ᠶᠤᠭᠤᠷᠭ᠎ᠠ ᠪᠤᠢ᠂ ᠡᠭᠦᠨ ᠢ ᠾᠧᠢ ᠾᠧ ᠵᠧᠦ ᠬᠡᠮᠡᠮᠦ᠃ ᠵᠧᠦ ᠶᠢ ᠦᠩᠭᠡᠷᠡᠨ ᠪᠠᠷᠠᠭᠤᠨ ᠬᠤᠶᠢᠰᠢ ᠠᠷᠪᠠ ᠭᠠᠷᠤᠢ ᠭᠠᠵᠠᠷ ᠵᠠᠮᠨᠠᠨ ᠲᠠᠬᠢᠨ ᠵᠡᠭᠦᠨ ᠬᠤᠶᠢᠰᠢ ᠵᠠᠮᠨᠠᠨ ᠶᠡᠭᠡ ᠠᠭᠤᠯᠠᠨ ᠤ ᠵᠡᠭᠦᠨ ᠳᠤᠷ ᠭᠠᠷᠤᠮᠤᠢ᠂ ᠳᠠᠬᠢᠭᠠᠳ ᠭᠤᠴᠢ ᠭᠠᠷᠤᠢ ᠭᠠᠵᠠᠷ ᠵᠠᠮᠨᠠᠪᠠᠰᠤ ᠲᠤᠮᠳᠠ ᠲᠤᠰᠬᠤ ᠬᠦᠷᠦᠮᠦᠢ᠃ ᠲᠤᠰᠬᠤ ᠠᠴᠠ ᠪᠠᠷᠠᠭᠤᠨᠰᠢ ᠬᠡᠳᠦᠨ ᠭᠠᠵᠠᠷ ᠲᠤᠷ ᠶᠡᠭᠡ ᠠᠭᠤᠯᠠᠨ ᠤ ᠤᠷᠭᠢᠯ ᠳᠤᠷ ᠬᠠᠭᠤᠴᠢᠨ ᠴᠠᠶᠢᠵᠠ ᠠᠮᠣᠢ᠂ ᠶᠠᠨ ᠸᠠᠩ ᠴᠧᠩ ᠬᠤᠳᠠ ᠬᠡᠮᠡᠮᠦ᠃ ᠲᠣᠰᠬᠤ ᠶᠢ ᠤᠷᠤᠭᠤᠳᠠᠨ ᠪᠠᠷᠠᠭᠤᠨ ᠬᠤᠶᠢᠰᠢ ᠭᠤᠴᠢ ᠭᠠᠷᠣᠢ ᠭᠠᠵᠠᠷ ᠶᠠᠪᠤᠪᠠᠰᠤ ᠨᠢᠦ ᠱᠠᠨ ᠤᠷᠳᠤᠨ ᠪᠣᠯᠣᠮᠣᠢ᠂ ᠲᠡᠭᠰᠢᠬᠡᠨ ᠲᠠᠯ᠎ᠠ ᠪᠣᠶᠤ᠃     ᠨᠢᠦ ᠱᠠᠨ ᠤᠷᠳᠤᠨ ᠪᠣᠣ ᠾᠧ ᠭᠤᠧᠠᠨ ᠬᠦᠷᠢᠶᠡᠨ ᠠᠴᠠ ᠪᠠᠷᠠᠭᠤᠨ ᠡᠮᠦᠨᠡᠰᠢ ᠶᠡᠷᠡᠨ ᠭᠠᠵᠠᠷ ᠵᠠᠶᠢᠳᠠᠢ ᠪᠣᠶᠤ᠃ ᠤᠷᠳᠤᠨ ᠠᠴᠠ ᠪᠠᠷᠠᠭᠤᠨᠰᠢ ᠶᠠᠪᠤᠰᠬᠢᠨ ᠵᠢᠭᠠᠬᠠᠨ ᠪᠠᠷᠠᠭᠤᠨ ᠬᠤᠶᠢᠰᠢ ᠭᠤᠴᠢᠨ ᠭᠠᠵᠠᠷ ᠠᠶᠠᠯᠠᠨ ᠳᠠᠬᠢᠨ ᠤᠮᠠᠷᠠᠰᠢ ᠶᠠᠪᠣᠪᠠᠰᠤ ᠲᠤᠮᠳᠠ ᠳᠤᠰᠬᠤ ᠪᠣᠯᠤᠮᠤᠢ᠃ ᠲᠣᠰᠬᠤ ᠶᠢ ᠦᠩᠭᠡᠷᠡᠨ ᠤᠮᠠᠷᠠᠰᠢ ᠬᠤᠷᠢ ᠭᠠᠷᠤᠢ ᠭᠠᠵᠠᠷ ᠶᠠᠪᠤᠨ ᠮᠦᠨ ᠪᠠᠷᠠᠭᠤᠨ ᠬᠤᠶᠢᠰᠢ ᠠᠷᠪᠠᠭᠠᠳ ᠭᠠᠵᠠᠷ ᠶᠠᠪᠣᠨ ᠠᠭᠤᠯᠠᠨ ᠢ ᠦᠩᠭᠡᠷᠡᠮᠦᠢ᠃ ᠪᠤᠴᠠᠭᠠᠳ ᠵᠡᠭᠦᠨ ᠬᠤᠶᠢᠰᠢ ᠠᠷᠪᠠᠭᠠᠳ ᠭᠠᠵᠠᠷ ᠶᠠᠪᠤᠨ ᠲᠠᠬᠢᠨ ᠵᠡᠭᠦᠨᠰᠢ ᠭᠠᠵᠠᠷ ᠢᠯᠡᠭᠦᠦ ᠶᠠᠪᠣᠪᠠᠰᠤ ᠭᠦᠸᠧ ᠱᠢ ᠤᠷᠳᠤᠨ ᠪᠣᠯᠤᠮᠤᠢ᠃ ᠭᠦᠸᠧ ᠱᠢ ᠤᠷᠳᠤᠨ ᠠᠨᠤ ᠨᠢᠦ ᠱᠠᠨ ᠤᠷᠳᠤᠨ ᠡᠴᠠᠡᠮᠦᠨᠡᠰᠢ ᠨᠠᠶᠠᠨ ᠭᠠᠵᠠᠷ ᠵᠠᠶᠢᠳᠠᠢ᠂ ᠵᠢᠭᠠᠬᠠᠨ ᠵᠡᠭᠦᠨᠰᠢ ᠪᠠᠶᠢᠭ᠎ᠠ ᠪᠣᠶᠣ᠃ ᠤᠷᠳᠤᠨ ᠠᠴᠠ ᠵᠢᠭᠠᠬᠠᠨ ᠪᠠᠷᠠᠭᠤᠨ ᠬᠠᠨᠳᠤᠵᠤ ᠬᠤᠶᠢᠰᠢ ᠶᠠᠪᠣᠪᠠᠰᠤ ᠲᠡᠭᠰᠢ ᠲᠠᠯ᠎ᠠ ᠲᠡᠭᠦᠨ ᠤ ᠳᠤᠮᠳᠠᠭᠤᠷᠬᠤᠷᠢ ᠭᠠᠷᠤᠢ ᠭᠠᠵᠠᠷ ᠶᠠᠪᠤᠵᠤ ᠡᠯᠡᠰᠦ ᠬᠠᠶᠢᠷ ᠲᠠᠢ ᠭᠠᠵᠠᠷ ᠲᠣᠬᠢᠶᠠᠯᠳᠤᠨ᠎ᠠ᠂ ᠲᠡᠭᠦᠨ ᠤ ᠲᠤᠮᠳᠠᠭᠤᠷ ᠠᠷᠪᠠᠭᠠᠳ ᠭᠠᠵᠠᠷ ᠶᠠᠪᠤᠪᠠᠰᠤ ᠲᠤᠮᠳᠠ ᠳᠤᠰᠬᠤ ᠳᠤᠷ ᠬᠦᠷᠦᠮᠦᠢ᠃ ᠲᠤᠰᠬᠤ ᠶᠢ ᠦᠩᠭᠡᠷᠡᠨ ᠪᠠᠷᠠᠭᠤᠨ ᠬᠤᠶᠢᠰᠢ ᠬᠤᠷᠢᠨ ᠭᠠᠵᠠᠷ ᠭᠠᠷᠴᠤ ᠲᠠᠬᠢᠨ ᠡᠯᠡᠰᠦ ᠬᠠᠶᠢᠷ ᠤᠨ ᠲᠤᠮᠳᠠᠭᠤᠷ ᠠᠷᠪᠠᠭᠠᠳ ᠭᠠᠵᠠᠷ ᠡᠷᠭᠢᠴᠡᠨ ᠲᠤᠭᠤᠷᠢᠨ ᠶᠠᠪᠤᠭᠰᠠᠭᠠᠷ ᠵᠡᠭᠦᠨ ᠬᠤᠶᠢᠰᠢ ᠬᠠᠨᠳᠣᠮᠣᠢ᠂ ᠵᠠᠮ ᠤᠨ ᠪᠠᠷᠠᠭᠤᠨ᠎ᠠ ᠭᠠᠵᠠᠷ ᠭᠠᠷᠤᠢ ᠳᠤᠷ ᠴᠢᠩ ᠵᠧᠦ ᠶᠢᠨ ᠰᠦᠮ᠎ᠠ ᠰᠣᠪᠤᠷᠭ᠎ᠠ ᠬᠠᠷᠰᠢ ᠤᠷᠳᠤ ᠵᠢᠭᠳᠡᠷᠡᠨ ᠶᠠᠭ ᠯᠠ ᠶᠠᠨ ᠤ ᠭᠠᠵᠠᠷ ᠪᠠᠶᠢᠭ᠎ᠠ ᠮᠡᠳᠦ ᠪᠣᠶᠤ᠃ ᠴᠢᠩ ᠵᠧᠦ ᠶᠢ ᠦᠩᠭᠡᠷᠡᠨ ᠵᠡᠭᠦᠨ ᠬᠤᠶᠢᠰᠢ ᠠᠷᠪᠠᠨ ᠭᠠᠵᠠᠷ ᠶᠠᠪᠤᠪᠠᠰᠤ ᠾᠧᠢ ᠱᠦᠢ ᠵᠧᠨ ᠪᠠᠯᠭᠠᠰᠤᠨ ᠬᠦᠷᠦᠮᠦᠢ᠂ ᠾᠧᠢ ᠾᠧ ᠭᠤᠣᠯ ᠰᠢᠬᠠᠨ ᠳ᠋ᠠ ᠾᠧ ᠤᠷᠳᠤᠨ ᠪᠠᠶᠢᠬᠤ ᠪᠦᠯᠦᠭᠡ᠃ ᠤᠷᠳᠤᠨ ᠠᠴᠠ ᠵᠡᠭᠦᠨ ᠡᠮᠦᠨᠡᠰᠢ ᠪᠠᠶᠢᠭ᠎ᠠ ᠠᠭᠤᠯᠠᠨ ᠢ ᠾᠧᠢ ᠱᠠᠨ ᠠᠭᠤᠯᠠᠨ ᠬᠡᠮᠡᠮᠦ᠃ ᠾᠧᠢ ᠱᠦᠢ ᠤᠰᠤᠨ ᠤᠨᠳᠤᠷᠤᠨ ᠭᠠᠷᠤᠭᠰᠠᠨ ᠪᠦᠯᠦᠭᠡ᠃ ᠤᠰᠤᠨ ᠠᠨᠤ ᠪᠠᠷᠠᠭᠤᠨ ᠡᠮᠦᠨᠡᠰᠢ ᠵᠠᠭᠤ ᠭᠠᠷᠤᠢ ᠭᠠᠵᠠᠷ ᠤᠷᠤᠰᠤᠨ ᠲᠠᠬᠢᠨ ᠵᠡᠭᠦᠨᠰᠢ ᠴᠢᠭᠯᠡᠨ ᠪᠣᠣ ᠾᠧ ᠤᠷᠳᠤᠨ ᠢ ᠦᠩᠭᠡᠷᠡᠨ ᠬᠤᠶᠢᠳᠤ ᠶᠡᠭᠡ ᠠᠭᠤᠯᠠᠨ ᠤ ᠬᠤᠭᠤᠷᠤᠨᠳᠤᠭᠤᠷ ᠤᠷᠤᠮᠤᠢ᠃     ᠳ᠋ᠠ ᠾᠧ ᠶᠢᠨ ᠤᠷᠳᠤᠨ ᠠᠨᠤ ᠭᠦᠸᠧ ᠶᠣᠣ ᠤᠷᠳᠤᠨ ᠡᠴᠠᠵᠡᠭᠦᠨ ᠡᠮᠦᠨᠡᠰᠢ ᠳᠠᠯᠠᠨ ᠭᠠᠵᠠᠷ ᠵᠠᠶᠢᠳᠠᠢ᠃ ᠤᠷᠳᠤᠨ ᠠᠴᠠ ᠪᠣᠴᠠᠨ ᠾᠧᠢ ᠱᠦᠢ ᠤᠰᠤᠨ ᠢ ᠭᠠᠳᠤᠯᠠᠨ ᠵᠡᠭᠦᠨ ᠬᠤᠶᠢᠰᠢ ᠪᠠᠨ ᠬᠤᠶᠠᠷ ᠠᠭᠤᠯᠠᠨ ᠤ ᠬᠤᠭᠤᠷᠤᠨᠳᠤᠬᠢ ᠲᠡᠭᠰᠢ ᠲᠠᠯ᠎ᠠ ᠪᠠᠷ ᠲᠦᠴᠢᠨ ᠭᠠᠵᠠᠷ ᠶᠠᠪᠤᠪᠠᠰᠤ ᠲᠤᠮᠳᠠ ᠳᠤᠰᠬᠤ ᠪᠣᠯᠤᠮᠤᠢ᠃ ᠲᠠᠬᠢᠨ ᠵᠡᠭᠦᠨ ᠬᠤᠶᠢᠰᠢ ᠲᠠᠪᠤ ᠵᠢᠷᠭᠤᠭᠠᠨ ᠭᠠᠵᠠᠷ ᠶᠠᠪᠤᠨ ᠡᠷᠭᠢᠭᠡᠳ ᠪᠠᠷᠠᠭᠤᠨ ᠬᠤᠶᠢᠰᠢ ᠳᠤ ᠳ᠋ᠦ᠋ ᠯᠢᠩ ᠳᠠᠪᠠᠭᠠᠨ ᠤ ᠲᠤᠮᠳᠠᠭᠤᠷ ᠵᠢᠯᠠᠭ᠎ᠠ ᠲᠠᠭᠠᠨ ᠠᠷᠪᠠᠭᠠᠳ ᠭᠠᠵᠠᠷ ᠵᠠᠮᠨᠠᠨ ᠲᠠᠬᠢᠨ ᠤᠮᠠᠷᠠᠰᠢ ᠶᠦᠧᠠᠨ ᠹᠦ᠋ ᠪᠠᠷ ᠠᠷᠪᠠᠭᠠᠳ ᠭᠠᠵᠠᠷ ᠶᠠᠪᠤᠪᠠᠰᠤ ᠨᠢᠦ ᠰᠢᠨ ᠱᠠᠨ ᠤᠷᠳᠤᠨ ᠪᠣᠯᠤᠮᠤᠢ᠃     ᠨᠢᠦ ᠰᠢᠨ ᠱᠠᠨ ᠤᠷᠳᠤᠨ ᠠᠨᠤ ᠾᠧᠢ ᠾᠧ ᠶᠢᠨ ᠤᠷᠳᠤᠨ ᠡᠴᠠᠪᠡᠷᠡᠭᠤᠨ ᠡᠮᠦᠨᠡᠰᠢ ᠨᠠᠶᠠᠨ ᠭᠠᠵᠠᠷ ᠵᠠᠶᠢᠳᠠᠢ ᠪᠦᠯᠦᠭᠡ᠃ ᠤᠷᠳᠤᠨ ᠠᠴᠠ ᠵᠡᠭᠦᠨ ᠬᠤᠶᠢᠰᠢ ᠠᠭᠤᠯᠠᠨ ᠳᠠᠪᠠᠨ ᠦᠷᠬᠦᠯᠵᠢᠯᠡᠨ ᠵᠡᠭᠦᠨ ᠬᠤᠶᠢᠰᠢ ᠬᠤᠷᠢᠭᠠᠳ ᠭᠠᠵᠠᠷ ᠶᠠᠪᠤᠨ ᠲᠠᠬᠢᠭᠠᠳ ᠬᠤᠶᠢᠰᠢ ᠪᠠᠨ ᠠᠷᠪᠠᠨ ᠭᠠᠵᠠᠷ ᠶᠠᠪᠤᠪᠠᠰᠤ ᠲᠣᠮᠳᠠ ᠳᠤᠰᠬᠤ ᠪᠣᠯᠣᠮᠣᠢ᠃ ᠲᠣᠮᠳᠠ ᠳᠣᠰᠬᠤ ᠶᠢ ᠦᠩᠭᠡᠷᠡᠨ ᠬᠤᠶᠢᠰᠢ ᠪᠠᠨ ᠵᠠᠮᠨᠠᠨ᠂ ᠵᠢᠭᠠᠬᠠᠨ ᠵᠡᠭᠦᠨᠰᠢ ᠰᠢᠭ ᠭᠤᠴᠢᠨ ᠭᠠᠵᠠᠷ ᠶᠠᠪᠤᠪᠠᠰᠤ ᠰᠢᠨ ᠲᠢᠶᠠᠨ ᠵᠠᠩ ᠤᠷᠳᠤᠨ ᠪᠣᠯᠤᠮᠤᠢ᠃ ᠤᠷᠳᠤᠨ ᠠᠴᠠ ᠵᠡᠭᠦᠨ ᠡᠮᠦᠨᠡᠰᠢ ᠰᠢᠷᠤᠢ ᠶᠢᠨ ᠠᠭᠤᠯᠠᠨ ᠪᠠᠶᠢᠮᠣᠢ᠂ ᠰᠣᠨᠣᠯᠵᠠᠨ ᠮᠣᠷᠤᠯᠵᠠᠨ᠂ ᠡᠪᠡᠰᠦ ᠮᠣᠳᠤᠨ ᠢᠭᠴᠤ ᠰᠠᠬᠤᠯᠢᠭ᠂ ᠶᠦᠩ ᠠᠨ ᠠᠭᠤᠯᠠᠨ ᠬᠡᠮᠡᠭᠴᠢ ᠡᠨᠡ ᠪᠤᠯᠠᠢ᠃     ᠰᠢᠨ ᠲᠢᠶᠠᠨ ᠵᠠᠩ ᠤᠷᠳᠤᠨ ᠠᠨᠤ ᠨᠢᠦ ᠰᠢᠨ ᠱᠠᠨ ᠤᠷᠳᠤᠨ ᠡᠴᠠᠪᠠᠷᠠᠭᠤᠨ ᠡᠮᠦᠨᠡᠰᠢ ᠵᠢᠷᠠᠨ ᠭᠠᠵᠠᠷ ᠵᠠᠶᠢᠳᠠᠢ᠃ ᠤᠷᠳᠤᠨ ᠠᠴᠠ ᠵᠡᠭᠦᠨ ᠬᠤᠶᠢᠰᠢ ᠭᠤᠴᠢᠨ ᠭᠠᠵᠠᠷ ᠶᠠᠪᠤᠪᠠᠰᠤ ᠲᠤᠮᠳᠠ ᠳᠣᠰᠬᠤ ᠪᠣᠯᠤᠮᠤᠢ᠃ ᠳᠣᠰᠬᠤ ᠶᠢ ᠦᠩᠭᠡᠷᠡᠨ ᠤᠮᠠᠷᠠᠰᠢ ᠪᠠᠨ ᠠᠷᠪᠠ ᠭᠠᠷᠣᠢ ᠭᠠᠵᠠᠷ ᠲᠤᠷ ᠯᠦᠩ ᠬᠡᠮᠡᠭᠴᠢ ᠳᠡᠪᠡᠭᠡ ᠶᠢ ᠭᠡᠲᠦᠯᠦᠮᠦᠢ᠃ ᠲᠠᠭᠢᠭᠠᠳ ᠪᠠᠷᠠᠭᠤᠨ ᠬᠤᠶᠢᠰᠢ ᠬᠡᠳᠦᠨ ᠭᠠᠵᠠᠷ ᠠᠶᠠᠯᠠᠪᠠᠰᠤ ᠳ᠋ᠦ᠋ᠨ ᠴᠧᠩ ᠵᠠᠩ ᠤᠷᠳᠤᠨ ᠪᠣᠯᠤᠮᠤᠢ᠃     ᠳ᠋ᠦ᠋ᠨ ᠴᠧᠩ ᠵᠠᠩ ᠤᠷᠳᠤᠨ ᠠᠨᠤ ᠰᠢᠨ ᠲᠢᠶᠠᠨ ᠵᠠᠩ ᠤᠷᠳᠤᠨ ᠡᠴᠠᠵᠡᠭᠦᠨ ᠡᠮᠦᠨᠡᠰᠢ ᠵᠢᠷᠠᠨ ᠭᠠᠵᠠᠷ ᠵᠠᠶᠢᠳᠠᠢ᠃ ᠤᠷᠳᠤᠨ ᠠᠴᠠ ᠪᠠᠷᠠᠭᠤᠨ ᠬᠤᠶᠢᠰᠢ ᠲᠠᠬᠢᠨ ᠬᠤᠷᠢᠨ ᠭᠠᠵᠠᠷ ᠲᠤᠷ ᠴᠠᠨ ᠢᠦᠢ ᠶᠢᠨ ᠤᠷᠳᠤᠨ ᠪᠣᠯᠤᠮᠤᠮᠢ᠃ ᠴᠠᠨ ᠢᠦᠢ ᠶᠢᠨ ᠠᠯᠪᠠᠯᠠᠵᠤ ᠠᠮᠠᠷᠠᠬᠤ ᠪᠣᠯᠤᠨ ᠰᠢᠶᠣᠣ ᠬᠠᠳᠤᠨ ᠤ ᠭᠡᠷ ᠦᠷᠦᠭᠡᠨ ᠭᠤᠷᠪᠠ ᠪᠠᠶᠢᠮᠣᠢ᠃ ᠪᠣᠰᠣᠳ ᠠᠨᠣ ᠬᠡᠳᠦᠨ ᠠᠷᠪᠠᠨ ᠢᠰᠡᠭᠡᠢ ᠭᠡᠷ ᠪᠣᠶᠤ᠂ ᠵᠡᠭᠦᠨᠰᠢ ᠬᠠᠨᠳᠤᠭᠤᠯᠤᠨ ᠪᠣᠰᠬᠠᠵᠤᠬᠤᠢ᠃ ᠤᠷᠳᠤᠨ ᠤ ᠡᠮᠦᠨ᠎ᠠ ᠢᠨᠦ ᠨᠠᠷᠠᠰᠣᠨ ᠮᠣᠳᠤᠨ ᠴᠢᠮᠡᠭᠳᠦ ᠪᠠᠭᠠᠨ᠎ᠠ ᠪᠠᠶᠢᠭ᠎ᠠ ᠪᠣᠶᠤ᠃ ᠨᠢᠭᠡᠨ ᠬᠦᠮᠦᠨ ᠪᠠᠮᠪᠠᠢ ᠪᠠᠷᠢᠨ ᠴᠢᠮᠡᠭᠲᠦ ᠪᠠᠭᠠᠨ᠎ᠠ ᠶᠢᠨ ᠬᠤᠭᠤᠷᠤᠨᠳᠤ ᠵᠣᠭᠰᠣᠨ ᠪᠠᠶᠢᠭ᠎ᠠ ᠶᠢ ᠡᠭᠦᠳᠡᠴᠢᠨ ᠬᠡᠮᠡᠮᠦ᠂ ᠵᠡᠭᠦᠨ ᠪᠡᠶ᠎ᠠ ᠳᠤᠷ ᠵᠢᠷᠭᠤᠭ᠎ᠠ ᠳᠣᠯᠣᠭᠠᠨ ᠴᠠᠴᠠᠷ ᠪᠠᠶᠢᠭ᠎ᠠ ᠠᠨᠤ ᠳᠣᠳᠣᠭᠠᠳᠣ ᠪᠢᠴᠢᠭᠡᠴᠢ᠂ ᠴᠡᠷᠢᠭ ᠤᠨ ᠶᠠᠪᠤᠳᠠᠯ ᠤᠨ ᠬᠦᠷᠢᠶᠡᠯᠡᠩ᠂ ᠭᠠᠳᠠᠷ ᠮᠣᠵᠢ ᠶᠢᠨ ᠬᠢᠨ ᠠᠯᠪᠠᠯᠠᠮᠣᠢ᠃ ᠲᠠᠬᠢᠨ ᠵᠡᠭᠦᠨᠰᠢ ᠪᠠᠶᠢᠭ᠎ᠠ ᠢᠰᠡᠭᠡᠢ ᠭᠡᠷ ᠤᠨ ᠬᠠᠵᠠᠭᠤᠬᠠᠨ ᠳᠤᠷ ᠪᠠᠶᠢᠭ᠎ᠠ ᠵᠢᠷᠭᠤᠭᠠᠨ ᠮᠣᠬᠤᠯᠠᠭ ᠲᠡᠷᠭᠡᠨ ᠤ ᠡᠮᠦᠨ᠎ᠠ ᠢᠨᠦ ᠳᠠᠯᠪᠠᠭ᠎ᠠ ᠮᠠᠨᠳᠣᠭᠤᠯᠣᠭᠰᠠᠨ ᠢ ᠲᠡᠭᠡᠳᠦᠰ ᠤᠨ ᠳᠠᠬᠢᠯᠭ᠎ᠠ ᠶᠢᠨ ᠰᠦᠮ᠎ᠠ ᠬᠡᠮᠡᠮᠦ᠃ ᠴᠦᠮ ᠢᠶᠠᠷ ᠵᠡᠯᠡᠭᠦᠳ ᠭᠠᠵᠠᠷ ᠪᠣᠶᠤ᠃ ᠲᠡᠭᠦᠨ ᠠᠴᠠ ᠵᠡᠭᠦᠨᠰᠢ ᠬᠡᠳᠦᠨ ᠭᠠᠵᠠᠷ ᠲᠤᠷ ᠮᠦᠷᠭᠦᠴᠡᠭ ᠵᠢᠯᠠᠭ᠎ᠠ ᠠᠮᠣᠢ᠃ ᠵᠢᠯᠠᠭᠠᠨ ᠠᠴᠠ ᠵᠡᠭᠦᠨᠰᠢ ᠮᠦᠨ ᠴᠢᠭᠡ ᠪᠠᠷ ᠠᠷᠪᠠ ᠭᠠᠷᠤᠢ ᠭᠠᠵᠠᠷ ᠭᠠᠷᠪᠠᠰᠤ ᠲᠡᠭᠦᠨ ᠤ ᠪᠠᠷᠠᠭᠤᠨ ᠪᠣᠯᠤᠨ ᠤᠮᠠᠷ᠎ᠠ ᠳᠤᠷ ᠠᠭᠤᠯᠠᠨ ᠠᠮᠣᠢ᠃ ᠤᠷᠳᠤᠨ ᠠᠨᠤ ᠬᠤᠶᠢᠳᠤ ᠠᠭᠤᠯᠠᠨ ᠢ ᠲᠦᠰᠢᠨ ᠪᠠᠶᠢᠮᠣᠢ᠂ ᠲᠤᠭᠤᠯ ᠠᠭᠤᠯᠠᠨ ᠤᠷᠳᠤ ᠬᠡᠮᠡᠮᠦ᠃ ᠤᠷᠳᠤ ᠶᠢ ᠦᠩᠭᠡᠷᠡᠨ ᠠᠷᠪᠠ ᠭᠠᠷᠤᠢ ᠭᠠᠵᠠᠷ ᠲᠤᠷ ᠵᠠᠬ᠎ᠠ ᠪᠠᠶᠢᠬᠤ ᠪᠣᠶᠤ᠂ ᠢᠷᠭᠡᠳ ᠢᠶᠠᠷ ᠵᠠᠬ᠎ᠠ ᠳᠤᠷ ᠤᠴᠢᠬᠤᠢ ᠳᠤᠷ ᠠᠭᠤᠯᠠᠨ ᠬᠤᠭᠤᠷᠤᠨᠳᠤᠭᠤᠷ ᠲᠡᠷᠭᠡ ᠪᠠᠷ ᠵᠠᠮᠨᠠᠬᠤ ᠪᠦᠯᠦᠭᠡ᠃      ᠵᠡᠭᠦᠯᠳᠡ᠄ ᠰᠦᠩ ᠤᠨ ᠦᠶ᠎ᠡ ᠶᠢᠨ ᠰᠢ ᠨᠢᠩ ᠤᠨ ᠨᠠᠢᠮᠠᠳᠤᠭᠠᠷ ᠤᠨ ᠠᠨᠤ ᠯᠢᠶᠣᠣ ᠶᠢᠨ ᠦᠶ᠎ᠡ ᠶᠢᠨ ᠲᠠᠢ ᠺᠠᠩ ᠤᠨ ᠠᠩᠬᠠᠨ ᠤ ᠤᠨ ︵1075 ᠤᠨ︶ ᠤ ᠵᠣᠨ ᠤ ᠲᠡᠷᠢᠭᠦᠨ ᠰᠠᠷ᠎ᠠ ᠳᠤᠷ ᠰᠦᠩ ᠤᠯᠤᠰ ᠠᠴᠠ ᠱᠧᠨ ᠺᠦᠸᠧ ᠶᠢ ᠯᠢᠶᠣᠣ ᠤᠯᠤᠰ ᠲᠤᠷ ᠡᠯᠴᠢᠨ ᠲᠣᠮᠢᠯᠠᠵᠤᠬᠤᠢ᠃ ᠤᠯᠤᠰ ᠲᠤ ᠪᠠᠨ ᠪᠣᠴᠠᠭᠰᠠᠨ ᠠᠴᠠ ᠰᠡᠭᠦᠯᠡᠷ ᠲᠤᠰ ᠠᠶᠠᠯᠠᠭᠰᠠᠨ ᠲᠡᠮᠳᠡᠭᠯᠡᠯ ᠢᠶᠠᠨ ᠪᠢᠴᠢᠵᠦᠬᠦᠢ᠃
ᠢᠷᠡᠯᠲᠡ᠄ ᠤᠯᠠᠭᠠᠨᠬᠠᠳᠠ ᠬᠤᠲᠠ ᠶᠢᠨ ᠠᠷᠠᠳ ᠤᠨ ᠵᠠᠰᠠᠭ ᠤᠨ ᠣᠷᠳᠣᠨ ᠤ ᠠᠯᠪᠠᠨ ᠭᠡᠷ ᠤᠨ ᠣᠷᠴᠢᠭᠤᠯᠭ᠎ᠠ ᠶᠢᠨ ᠰᠠᠯᠠᠭ᠎ᠠ