ᠠᠪᠠ ᠬᠦᠷᠦᠭᠡ
  
2022/12/9
        ᠠᠪᠠᠯᠠᠵᠤ ᠭᠦᠷᠦᠭᠡᠯᠡᠬᠦ ᠪᠣᠯ ᠮᠣᠩᠭᠤᠯᠴᠤᠳ ᠤᠨ ᠡᠷᠲᠡ ᠤᠵᠤᠭᠤᠷ ᠤᠨ ᠦᠢᠯᠡᠳᠪᠦᠷᠢᠯᠡᠯ  ᠦᠨ ᠠᠷᠭ᠎ᠠ ᠮᠠᠶ᠋ᠢᠭ ᠪᠠ ᠵᠠᠩ ᠲᠠᠳᠬᠠᠯ ᠪᠣᠯᠬᠤ ᠶᠤᠮ᠃ ᠠᠪᠠᠯᠠᠵᠤ ᠭᠦᠷᠦᠭᠡᠯᠡᠬᠦ ᠨᠢ ᠬᠤᠶᠠᠷ ᠵᠤᠷᠢᠯᠭ᠎ᠠ ᠲᠠᠢ ᠄ ᠨᠢᠭᠡ ᠳ᠋ᠤ᠂ ᠮᠠᠯ ᠰᠦᠷᠦᠭ ᠲᠦ ᠬᠣᠣᠷ ᠬᠦᠨᠦᠭᠡᠯ ᠤᠴᠠᠷᠠᠭᠤᠯᠳ᠋ᠠᠭ ᠲᠡᠳᠡᠭᠡᠷ ᠵᠡᠷᠯᠢᠭ ᠠᠷᠢᠶᠠᠳᠠᠨ ᠢ ᠠᠩᠨᠠᠵᠤ᠂ ᠮᠠᠯ ᠠᠬᠤᠢ ᠪᠠᠨ ᠬᠠᠮᠠᠭᠠᠯᠠᠨ᠎ᠠ︔ ᠬᠤᠶᠠᠷ ᠲᠦ᠂ ᠠᠩ ᠠᠷᠢᠶᠠᠳᠠᠨ ᠤ ᠮᠢᠬ᠎ᠠ ᠤᠯᠵᠤ ᠠᠵᠤ ᠠᠮᠢᠳ᠋ᠤᠷᠠᠯ  ᠢᠢᠠᠨ ᠰᠠᠶᠢᠵᠢᠷᠠᠭᠤᠯᠤᠨ᠎ᠠ᠃         ᠤᠯᠠᠭᠠᠨᠬᠠᠳ᠋ᠠ ᠤᠷᠤᠨ  ᠳᠤ ᠠᠪᠠ ᠭᠦᠷᠦᠭᠡ ᠬᠢᠬᠦ ᠶᠢ ᠪᠠᠰᠠ ᠠᠪᠠ ᠬᠢᠬᠦ ᠪᠤᠶᠤ ᠠᠪᠠᠯᠠᠬᠤ ᠭᠡᠳᠡᠭ᠃ ᠠᠪᠠ ᠢᠢᠨ ᠬᠡᠪᠴᠢᠶᠡᠨ  ᠤ ᠶᠡᠭᠡ ᠪᠠᠭ᠎ᠠ ᠠᠳ᠋ᠠᠯᠢ ᠦᠭᠡᠢ᠃ ᠡᠬᠦᠨ  ᠳᠤ ᠬᠤᠰᠢᠭᠤ ᠬᠤᠯᠪᠤᠭᠠᠯᠠᠭᠰᠠᠨ ᠠᠪᠠ ᠶᠢᠨ ᠬᠡᠪᠴᠢᠶ᠎ᠡ ᠬᠠᠮᠤᠭ ᠶᠡᠬᠡ  ᠪᠠᠶᠢᠳᠠᠭ᠂ ᠵᠠᠬ᠎ᠠ ᠨᠡᠶᠢᠯᠡᠭᠰᠡᠨ ᠬᠡᠳ᠋ᠦᠨ ᠬᠤᠰᠢᠭᠤ  ᠶᠢᠨ ᠬᠦᠷᠰᠢ ᠵᠡᠷᠭᠡᠯᠡᠳᠡᠭᠡ ᠭᠠᠵᠠᠷ ᠤᠷᠤᠨ  ᠢᠢᠠᠷ ᠶᠠᠪᠤᠭᠳᠠᠬᠤ ᠲᠤᠰᠬᠠᠢ ᠠᠪᠠ  ᠢᠢᠨ ᠲᠠᠯᠠᠪᠤᠷ ᠲᠠᠢ᠂ ᠲᠤᠭᠳ᠋ᠠᠭᠰᠠᠨ ᠠᠪᠠ  ᠢᠢᠨ ᠴᠠᠭ ᠲᠠᠢ᠂ ᠠᠪᠠᠴᠢᠨ︵ᠠᠩᠴᠢᠨ︶ᠭᠡᠳ᠋ᠦᠨ ᠵᠠᠭᠤ ᠡᠴᠠ ᠮᠢᠩᠭ᠎ᠠ  ᠭᠠᠷᠤᠢ ᠬᠦᠮᠦᠨ ᠤᠷᠤᠯᠴᠠᠳ᠋ᠠᠭ᠃ ᠲᠤᠮᠳ᠋ᠠ ᠬᠡᠪᠴᠢᠶᠡᠨ  ᠤ ᠠᠪᠠ ᠪᠣᠯ ᠨᠢᠭᠡ ᠪᠣᠶᠣ ᠬᠡᠳ᠋ᠦᠨ ᠰᠤᠮᠤ ᠨᠡᠶᠢᠯᠡ‍ᠨ ᠶᠠᠪᠤᠭᠳ᠋ᠠᠭᠣᠯ‍ᠵᠤ᠂ ᠠᠪᠠ ᠬᠢᠬᠦ ᠶᠢ ᠰᠠᠨᠠᠭᠠᠴᠢᠯᠠᠭᠴᠢ ᠡᠴᠠ ᠠᠪᠠ  ᠢᠢᠨ ᠲᠠᠯᠠᠪᠤᠷ ᠪᠠ ᠠᠪᠠ ᠬᠢᠬᠦ ᠡᠳ᠋ᠦᠷ ‍ᠢ ᠳᠤᠭᠳ᠋ᠠᠭᠠᠵᠣ ᠪᠠᠷᠤᠭ ᠭᠤᠷᠪᠠ ᠡᠴᠠ ᠲᠠᠪᠤᠨ ᠵᠠᠭᠤᠨ ᠠᠪᠠᠴᠢᠨ ᠤᠷᠤᠯᠴᠠᠳ᠋ᠠᠭ᠃ ᠪᠠᠭ᠎ᠠ ᠬᠡᠪᠴᠢᠶᠡᠨ  ᠤ ᠠᠪᠠ ᠪᠣᠯ ᠨᠢᠭᠡ ᠪᠣᠶᠣ ᠬᠡᠳ᠋ᠦᠨ ᠭᠠᠴᠠᠭ᠎ᠠ ᠨᠡᠶᠢᠯᠡ‍ᠨ ᠶᠠᠪᠣᠭᠳ᠋ᠠᠭᠤᠯ‍ᠵᠤ᠂ ᠬᠡᠳ᠋ᠦᠨ ᠠᠷᠪᠠ ᠡᠴᠠ ᠵᠠᠭᠤᠭᠠᠳ ᠠᠪᠠᠴᠢᠨ ᠤᠷᠤᠯᠴᠠᠳ᠋ᠠᠭ᠃ ᠠᠪᠠ ᠬᠢᠬᠦ ᠪᠣᠯ ᠶᠤᠰᠤ ᠭᠤᠷᠢᠮ ᠢᠶᠠᠷ ᠴᠢᠩᠭ᠎ᠠ ᠠᠵᠢᠯᠯᠠᠭᠠᠨ ᠪᠣᠯᠬᠤ ᠶᠣᠮ᠃ ᠵᠣᠣ ᠤᠳ᠋ᠠ ᠠᠶᠢᠮᠠᠭ  ᠦᠨ ᠤᠯᠠᠮᠵᠢᠯᠠᠯᠲᠤ ᠭᠤᠷᠪᠠᠨ ᠲᠣᠮᠤ ᠠᠪᠠ ᠪᠣᠯ ᠲᠤᠰ ᠪᠦᠷᠢ  ᠪᠢᠯᠢᠭ  ᠦᠨ ᠤᠯᠠᠷᠢᠯ  ᠦᠨ ᠲᠦᠷᠪᠡᠨ ᠰᠠᠷ᠎ᠠ  ᠢᠢᠨ ᠠᠷᠪᠠᠨ ᠵᠢᠷᠭᠤᠭᠠᠨ᠂ ᠲᠠᠪᠤᠨ ᠰᠠᠷ᠎ᠠ  ᠢᠢᠨ ᠠᠷᠪᠠᠨ ᠲᠤᠯᠤᠭᠠᠨ᠂ ᠲᠠᠪᠤᠨ ᠰᠠᠷ᠎ᠠ  ᠢᠢᠨ ᠬᠤᠷᠢᠨ ᠲᠠᠪᠤᠨ ᠳ᠋ᠤ ᠭᠡᠰᠡᠷ᠂ ᠵᠢᠷᠠᠨᠲᠠᠢ᠂ ᠬᠤᠯᠪᠤᠭ᠎ᠠ ᠵᠡᠷᠭᠡ ᠭᠤᠷᠪᠠᠨ ᠭᠠᠵᠠᠷ︵ᠪᠦᠷ ᠠᠷᠤ ᠬᠤᠷᠴᠢᠨ ᠳ᠋ᠤ ᠪᠣᠢ ︶ ᠲᠦ ᠶᠠᠪᠤᠭᠳ᠋ᠠᠳ᠋ᠠᠭ᠃ ᠠᠪᠠᠯᠠᠬᠤ  ᠢᠢᠨ ᠡᠮᠦᠨ᠎ᠠ ᠤᠷᠤᠢ᠂ ᠬᠤᠯᠠ  ᠢᠢᠨ ᠠᠪᠠᠴᠢᠳ ᠦᠭᠡᠷ ᠲᠡᠷᠭᠡ ᠪᠠᠷ ᠮᠠᠶᠢᠬᠠᠨ ᠪᠠ ᠢᠳ᠋ᠡᠭᠡᠨ  ᠤ ᠵᠦᠢᠯᠡᠰ ᠢᠶᠠᠨ ᠲᠡᠭᠡᠭᠡᠨ ᠬᠣᠨᠣᠭ  ᠦᠨ ᠭᠠᠵᠠᠷ ᠴᠤᠭᠯᠠᠷᠠᠵᠠᠭᠠᠨ ᠬᠤᠨᠤᠭᠯᠠᠳ᠋ᠠᠭ᠃ ᠦᠷ ᠬᠡᠬᠡᠷᠡᠬᠦ ᠡᠴᠠ ᠡᠮᠦᠨ᠎ᠠ ᠤᠶᠢᠷ᠎ᠠ ᠬᠠᠪᠢ ᠢᠢᠨ ᠠᠪᠠᠴᠢᠳ ᠴᠤ ᠬᠦᠷᠦᠯᠴᠡᠨ ᠢᠷᠡᠵᠡᠬᠡᠵᠦ ᠠᠪᠠᠯᠠᠬᠤ ᠭᠠᠵᠠᠷ  ᠢᠢᠠᠨ ᠴᠤᠭᠯᠠᠵᠠᠭᠠᠨ᠎ᠠ᠃ ᠡᠨᠡ ᠦᠶ᠎ᠠ ᠳ᠋ᠤ ᠠᠷᠤ ᠬᠤᠷᠴᠢᠨ᠂ ᠪᠠᠭᠠᠷᠢᠨ᠂ ᠨᠠᠢᠮᠠᠨ᠂ ᠤᠩᠨᠢᠭᠣᠳ ᠬᠤᠰᠢᠭᠤᠨ ᠡᠴᠠ ᠬᠦᠷᠦᠯᠴᠡᠨ ᠢᠷᠡᠭᠰᠡᠨ ᠵᠠᠭᠤ ᠮᠢᠩᠭᠠᠨ ᠠᠪᠠᠴᠢᠳ ᠬᠠᠮᠲᠤ ᠪᠠᠷ ᠬᠦᠳ᠋ᠡᠯᠦᠯᠴᠡᠵᠦ᠂ ᠡᠷᠭᠢᠨ ᠳᠣᠭᠤᠷᠢᠨ ᠬᠡᠳ᠋ᠦᠨ ᠠᠷᠪᠠᠨ ᠭᠠᠵᠠᠷ  ᠦᠨ ᠶᠡᠭᠡ ᠠᠪᠠ  ᠢᠢᠨ ᠲᠠᠯᠠᠪᠣᠷ ᠲᠤᠤᠷ᠎ᠠ ᠪᠠᠨ ᠳᠡᠪᠵᠢᠶᠡᠷᠡᠵᠦ᠂ ᠪᠠᠷᠬᠢᠷᠠᠬᠤ ᠲᠠᠭᠤᠨ ᠠᠶᠤᠩᠭ᠎ᠠ ᠮᠡᠳᠦ᠂ ᠲᠡᠭᠷᠢ ᠲᠤᠯᠤᠮ᠎ᠠ ᠲᠤᠭᠤᠰᠤ ᠳᠡᠭᠳᠡᠵᠦ᠂ ᠰᠤᠴᠢᠨ ᠦᠷᠬᠦᠭᠰᠡᠨ ᠠᠷᠢᠶᠠᠲᠠᠨ ᠠᠮᠢᠲᠡᠳ ᠲᠦᠷᠪᠡᠨ ᠵᠦᠭ ᠲᠦ ᠬᠦᠶᠦᠯᠳ᠋ᠦᠨ᠎ᠠ᠃ ᠠᠪᠠᠴᠢᠳ ᠲᠥᠷᠥᠭᠡ ᠢᠰᠭᠦᠯᠦᠨ ᠮᠣᠷᠢ ᠳᠠᠪᠬᠢᠭᠤᠯ‍‍ᠬᠤ ᠶᠢᠨ ᠬᠠᠮᠳᠤ ᠨᠣᠬᠠᠢ ᠪᠠᠨ ᠲᠠᠯᠪᠢᠨ ᠲᠤᠬᠢᠷᠤᠨ ᠬᠠᠰᠬᠢᠷᠴ‍ᠣ᠂ ᠫᠣᠣ ᠤᠨᠢᠯᠠᠨ ᠨᠣᠮᠣ ᠰᠤᠮᠤ ᠲᠡᠯᠢᠬᠦ ᠪᠤᠶᠤ ᠪᠢᠯᠠᠭᠣ ᠰᠢᠳ᠋ᠠᠮ  ᠢᠶᠠᠷ ᠴᠤᠬᠢᠵᠤ᠂ ᠠᠪᠠ ᠶᠢᠨ ᠣᠯᠵᠠ ᠶᠢ ᠲᠡᠷᠢᠭᠦᠯᠡᠵᠦ ᠣᠯᠬᠤ ᠪᠠᠷ ᠠᠩ ᠭᠦᠷᠦᠭᠡ ᠶᠢ ᠨᠡᠭᠡᠳᠡᠭ᠃ ᠬᠠᠮᠤᠭ ᠲᠡᠷᠢᠭᠦᠨ ᠳᠤ ᠲᠡᠷᠢᠭᠦᠯᠡᠵᠦ ᠬᠦᠷᠦᠭᠰᠡᠨ ᠠᠪᠠᠴᠢᠨ ᠠᠩ  ᠦᠨ ᠠᠷᠢᠶᠠᠳᠠᠨ ᠤ ᠡᠪᠡᠷ ᠪᠣᠶᠤ ᠬᠦᠵᠦᠭᠦᠦ ᠪᠠᠷ ᠴᠤᠯᠪᠤᠭᠤᠷ ᠢᠶᠠᠷ ᠤᠭᠤᠰᠤᠷᠯᠠᠨ᠂ ᠪᠣᠰᠣᠳ ᠨᠢ ᠢᠷᠡᠭᠰᠡᠨ ᠡᠮᠦᠨ᠎ᠠ ᠬᠤᠶᠢᠨᠠᠬᠢ ᠳᠠᠷᠠᠭᠠᠯᠠᠯ  ᠢᠢᠠᠷ ᠠᠩ  ᠦᠨ ᠤᠯᠵᠠ ᠪᠠᠨ ᠲᠦᠷᠪᠡᠨ ᠮᠦᠴᠢ᠂ ᠡᠪᠴᠢᠭᠦᠦ᠂ ᠬᠠᠪᠢᠷᠭ᠎ᠠ᠂ ᠨᠢᠷᠣᠭᠤᠨ ᠭᠣᠣᠯ᠂ ᠰᠡᠭᠦᠯ ᠮᠡᠳ᠋ᠦ ᠪᠠᠷ ᠲᠣᠶᠠᠴᠢᠨ ᠰᠠᠯᠭᠠᠵᠤ ᠦᠪᠡᠷ ᠦᠪᠡᠷ  ᠦᠨ ᠬᠤᠪᠢ ᠪᠠᠨ ᠬᠣᠪᠢᠳ᠋ᠠᠨ ᠠᠪᠳᠠᠭ᠃ ᠶᠡᠬᠡ ᠬᠡᠪᠴᠢᠶᠡᠨ  ᠤ ᠠᠪᠠ ᠨᠢ ᠬᠠᠷᠢᠨ ᠡᠶᠢᠮᠦ ᠪᠢᠰᠢ ᠪᠠᠶᠢᠳᠠᠭ᠂ ᠠᠪᠠᠴᠢᠨ ᠦᠪᠡᠷ  ᠦᠨ ᠤᠯᠵᠠᠯᠠᠭᠰᠠᠨ ᠠᠩ  ᠢᠢᠠᠨ ᠦᠪᠡᠷ ᠦᠪᠡᠷ  ᠢᠢᠠᠨ ᠠᠪᠴᠤ᠂ ᠡᠮᠦᠨ᠎ᠠ ᠬᠣᠶᠢᠨ᠎ᠠ  ᠢᠢᠨ ᠢᠯᠭᠠᠭ᠎ᠠ ᠦᠭᠡᠢ ᠪᠠᠶᠢᠳᠠᠭ᠃ ᠠᠪᠠ  ᠢᠢᠨ ᠨᠣᠬᠠᠢ  ᠢᠢᠨ ᠤᠯᠵᠠᠯᠠᠭᠰᠠᠨ ᠠᠩ ‍ᠢ ᠨᠣᠬᠠᠢ  ᠢᠢᠨ ᠡᠵᠡᠨ ᠨᠢ ᠠᠪᠣᠨ᠎ᠠ᠃ ᠠᠯᠪᠠᠨ  ᠤ ᠳᠠᠯ᠎ᠠ ᠡᠴᠠ ᠵᠣᠬᠢᠶᠠᠨ ᠪᠠᠶᠢᠭᠣᠯᠣᠭᠰᠠᠨ ᠠᠪᠠ   ᠶᠢᠨ ᠤᠯᠠᠩᠬᠢ ᠨᠢ ᠨᠠᠮᠣᠷ  ᠦᠨ ᠰᠡᠭᠦᠯᠴᠢ ᠡᠪᠦᠯ  ᠦᠨ ᠡᠬᠢᠨ ᠳ᠋ᠤ ᠶᠠᠪᠣᠭᠳ᠋ᠠᠳ᠋ᠠᠭ᠃ ᠡᠨᠡ ᠬᠦ ᠦᠶ᠎ᠠ  ᠶᠢᠨ ᠦᠨᠡᠭᠡ ᠴᠢᠨ᠋ᠸ᠎ᠠ ᠵᠡᠷᠭᠡ ᠠᠮᠢᠲᠠᠨ  ᠤ ᠠᠷᠠᠰᠤᠨ  ᠤ ᠴᠢᠨᠠᠷ ᠬᠠᠮᠣᠭ ᠰᠠᠶᠢᠨ ᠪᠠᠶᠢᠳ᠋ᠠᠭ᠃ ᠠᠪᠠ  ᠢᠢᠨ ᠤᠯᠵᠠ  ᠶᠢ ᠠᠯᠪᠠᠨ  ᠤ ᠳᠠᠯ᠎ᠠ  ᠢᠢᠨ ᠬᠢᠨ ᠠᠪᠴᠤ᠂ ᠠᠪᠠᠴᠢᠳ ᠵᠦᠪᠬᠡᠨ ᠮᠠᠭᠳ᠋ᠠᠭᠠᠯ ᠰᠠᠶᠢᠰᠢᠶᠠᠯ ᠬᠦᠷᠳ᠋ᠡᠳ᠋ᠡᠭ᠃ ᠬᠦᠷᠦᠭᠡᠯᠡᠬᠦ ᠪᠣᠯ ᠪᠠᠭ᠎ᠠ ᠬᠡᠪᠴᠢᠶᠠᠨ  ᠤ ᠲᠠᠷᠠᠬᠠᠢ ᠪᠤᠲᠠᠷᠬᠠᠢ ᠠᠩ ᠠᠩᠨᠠᠬᠣ ᠠᠵᠢᠯᠯᠠᠭ᠎ᠠ ᠪᠣᠯᠣᠨ᠎ᠠ᠃ ᠭᠣᠷᠪᠠ ᠳᠠᠪᠣᠨ ᠠᠩᠴᠢᠨ ᠨᠡᠶᠢᠯᠡᠵᠦ ᠶᠠᠪᠠᠭᠠᠨ  ᠢᠢᠠᠷ ᠭᠠᠯ ᠫᠣᠣ᠂ ᠪᠢᠯᠠᠭᠣ ᠰᠢᠳ᠋ᠠᠮ ᠪᠣᠶᠣ ᠤᠷᠠᠬ᠎ᠠ ᠳᠠᠯᠪᠢᠬᠣ ᠠᠷᠭ᠎ᠠ ᠪᠠᠷ ᠠᠩᠨᠠᠳᠠᠭ᠃ ᠠᠩ  ᠦᠨ ᠤᠯᠵᠠ ᠪᠠᠨ ᠵᠦᠢ ᠵᠣᠬᠢᠰᠳ᠋ᠠᠢ ᠬᠣᠪᠢᠶᠠᠵᠤ᠂ ᠨᠠᠰᠤᠳ᠋ᠠᠢ ᠨᠢᠯᠬᠠᠰ ᠲᠦ ᠤᠷᠢᠳ᠋ᠠᠪᠠᠷ ᠬᠣᠪᠢᠶᠠᠨ ᠦᠭᠴᠦ᠂ ᠬᠣᠪᠢᠳ᠋ᠠᠵᠤ ᠤᠯᠣᠭᠰᠠᠨ ᠦᠭᠡᠢ ᠳ᠋ᠤ ᠨᠢ ᠳᠠᠷᠠᠭ᠎ᠠ ᠤᠳ᠋ᠠᠭ᠎ᠠ ᠳ᠋ᠤ ᠨᠢ ᠨᠦᠬᠦᠪᠦᠷᠢᠯᠡ‍ᠨ᠂ ᠡᠷᠬᠡ ᠲᠡᠭᠰᠢ ᠵᠦᠢ ᠵᠤᠬᠢᠰᠳᠠᠢ ᠪᠠᠶᠢᠳ᠋ᠠᠭ᠃         ᠴᠢᠩ ᠤᠯᠣᠰ ᠪᠤᠯᠤᠨ ᠳᠤᠮᠳ᠋ᠠᠳ᠋ᠣ ᠢᠷᠭᠡᠨ ᠤᠯᠣᠰ  ᠦᠨ ᠦᠶ᠎ᠠ ᠳ᠋ᠤ᠂ ᠤᠯᠠᠭᠠᠨᠬᠠᠳ᠋ᠠ ᠤᠷᠤᠨ ᠳ᠋ᠤ ᠪᠠᠷᠰ  ᠤᠨ ᠠᠪᠠ᠂ ᠴᠢᠨ᠋ᠸ᠎ᠠ  ᠶᠢᠨ ᠠᠪᠠ᠂ ᠵᠡᠭᠡᠷ᠎ᠠ  ᠶᠢᠨ ᠠᠪᠠ᠂ ᠬᠡᠬᠡᠷ᠎ᠠ  ᠢᠢᠨ ᠭᠠᠬᠠᠢ  ᠶᠢᠨ ᠠᠪᠠ᠂ ᠦᠨᠡᠭᠡ  ᠶᠢᠨ ᠠᠪᠠ᠂ ᠲᠠᠣᠯᠠᠢ  ᠶᠢᠨ ᠠᠪᠠ ᠵᠡᠷᠭᠡ ᠤᠯᠠᠨ ᠲᠦᠷᠦᠯ ᠵᠦᠢᠯ  ᠤᠨ ᠠᠪᠠ  ᠶᠢ ᠬᠢᠵᠤ ᠪᠠᠶᠢᠵᠠᠢ᠃ ᠡᠬᠦᠨ ᠳ᠋ᠤ︽ᠪᠠᠷᠰ  ᠦᠨ ᠠᠪᠠ︾ ᠨᠢ ᠬᠠᠮᠣᠭ  ᠦᠨ ᠰᠦᠷ ᠵᠢᠪᠬᠤᠭᠠᠳ᠋ᠠᠢ ᠪᠠᠶᠢᠳ᠋ᠠᠭ᠃         ᠲᠡᠭᠷᠢ ᠳᠡᠳᠭᠦᠭᠴᠢ  ᠢᠢᠨ ᠦᠶ᠎ᠠ ᠳ᠋ᠤ᠂ ᠬᠠᠷᠠᠴᠢᠨ ᠭᠤᠷᠪᠠᠨ ᠬᠣᠰᠢᠭᠤ  ᠶᠢᠨ ᠭᠠᠵᠠᠷ ᠲᠤ  ᠮᠦᠷᠠᠨ ᠬᠣᠮᠣᠷᠭ᠎ᠠ ᠢᠢᠨ ᠵᠡᠭᠦᠨ ᠵᠠᠬ᠎ᠠ ᠪᠠᠷ ᠪᠠᠷᠰ  ᠦᠨ ᠵᠢᠳᠠᠴᠢᠨ ᠤ ᠬᠤᠸᠠᠷᠠᠨ ᠪᠠᠶᠢᠭᠣᠯᠵᠤ᠂ ᠲᠤᠰᠬᠠᠶᠢᠯᠠᠨ ᠲᠣᠭᠰᠢᠨ ᠪᠠᠷᠰ ᠠᠩᠨᠠᠳ᠋ᠠᠭ᠃ ᠪᠠᠷᠰ ᠠᠪᠠᠯᠠᠭᠴᠢ 60 ᠬᠦᠮᠦᠨ ᠪᠠᠶᠢᠵᠤ᠂ ᠢᠳᠡᠷᠭᠡᠭ ᠬᠤᠷᠴᠠ ᠠᠩᠬᠢ︵ᠮᠦᠷ ᠮᠦᠰᠬᠢᠬᠦ ᠠᠩᠬᠢ︶᠂ ᠬᠦᠴᠦᠷᠬᠡᠭ ᠴᠢᠳᠠᠯᠲᠠᠨ ᠤ ᠠᠩᠬᠢ᠂ ᠪᠠᠳ᠋ᠣ ᠪᠡᠬᠢᠴᠤᠳ ᠤᠨ ᠠᠩᠬᠢ᠂ ᠵᠢᠭᠦᠷ ᠦᠨ ᠲᠤᠰᠠᠯᠠᠭᠴᠢ ᠠᠩᠬᠢ᠂ ᠰᠢᠯᠢᠳᠡᠭ ᠢᠳᠡᠷᠴᠤᠳ ᠤᠨ ᠠᠩᠬᠢ᠂ ᠬᠢᠴᠢᠶᠠᠩᠭᠦᠢ ᠪᠠᠭᠠᠳᠤᠳ ᠤᠨ ᠠᠩᠬᠢ ᠵᠡᠷᠭᠡ ᠵᠢᠷᠭᠣᠭᠠᠨ ᠠᠩᠬᠢ ᠪᠣᠯᠭᠠᠨ ᠬᠤᠪᠢᠶᠠᠵᠤ᠂ ᠠᠩᠬᠢ ᠪᠦᠷᠢ ᠠᠷᠪᠠᠨ ᠬᠦ᠋ᠮᠦᠨ᠂ ᠬᠦᠮᠦᠨ ᠪᠦᠷᠢ ᠪᠠᠷᠰ ᠠᠪᠠᠯᠠᠬᠤ ᠲᠡᠭᠡᠭ ᠵᠢᠳᠠ ᠲᠠᠢ᠂ ᠵᠢᠳᠠ ᠢᠢᠨ ᠤᠷᠳ᠋ᠦ ᠨᠢ ᠲᠤᠯᠤᠭᠠᠨ ᠲᠣᠬᠤᠢ᠂ ᠵᠢᠳᠠ ᠶᠢᠨ ᠲᠤᠯᠤᠭᠠᠢ ᠶᠢᠨ ᠤᠷᠲᠤ ᠨᠢ ᠨᠠᠢᠮᠠᠨ ᠢᠮᠠᠬᠤ᠂ ᠬᠡᠯᠪᠡᠷᠢ ᠳᠦᠷᠰᠦ ᠨᠢ ᠦᠷᠭᠡᠰᠦᠲᠦ ᠨᠣᠭᠣᠭ᠎ᠠ ᠶᠢᠨ ᠨᠠᠪᠴᠢ ᠮᠡᠲᠦ᠃ ᠠᠪᠠᠯᠠᠬᠤ ᠦᠶ᠎ᠠ ᠳ᠋ᠤ ᠠᠩᠬᠢ ᠪᠦᠷᠢ ᠶᠢᠨ ᠬᠤᠶᠢᠨ᠎ᠠ ᠠᠴᠠ ᠲᠤᠰᠠᠯᠠᠬᠤ ᠠᠷᠪᠠᠨ ᠫᠤᠤᠴᠢᠨ᠂ ᠲᠠᠪᠣᠨ ᠰᠤᠷᠴᠢᠨ ᠲᠤᠬᠢᠷᠠᠭᠤᠯᠳ᠋ᠠᠭ᠂ ᠪᠦᠬᠦ ᠬᠣᠰᠢᠭᠤᠨ  ᠤ ᠪᠠᠷᠰ ᠠᠪᠠᠯᠠᠬᠤ ᠳ᠋ᠤ ᠤᠷᠤᠯᠴᠠᠬᠤ ᠴᠡᠷᠢᠭ  ᠦᠨ ᠬᠦᠴᠦᠨ ᠦᠨᠡᠨ  ᠳᠤ ᠪᠠᠨ ᠬᠤᠶᠠᠷ ᠵᠠᠭᠤ  ᠭᠠᠷᠤᠢ ᠬᠦᠮᠦᠨ ᠪᠠᠶᠢᠳ᠋ᠠᠭ᠃ ᠬᠠᠷᠠᠴᠢᠨ ᠵᠢᠶᠦ᠋ᠨ ᠸᠠᠩ ᠪᠠᠷᠰ ᠤᠨ ᠵᠢᠳᠠᠴᠢᠨ ᠤ  ᠬᠤᠸᠠᠷᠠᠨ ᠤ ᠬᠡᠷᠡᠭ ᠡᠷᠬᠢᠯᠡᠭᠴᠢ  ᠪᠣᠯᠵᠤ᠂ ᠲᠤᠤᠷ᠎ᠠ ᠨᠢ ᠶᠠᠷᠦᠩᠭᠡᠢ ᠬᠠᠮᠢᠶᠠᠷᠤᠭᠴᠢ ᠨᠢᠭᠡ ᠬᠦᠮᠦᠨ᠂ ᠬᠠᠪᠰᠤᠷᠤᠭᠴᠢ ᠬᠣᠶᠠᠷ ᠬᠦᠮᠦᠨ᠂ ᠪᠢᠴᠢᠭᠡᠴᠢ ᠬᠣᠶᠠᠷ ᠬᠦᠮᠦᠨ  ᠪᠠᠶᠢᠳᠠᠭ᠃ ᠴᠡᠷᠢᠭ ᠦᠨ ᠬᠤᠸᠠᠷᠠᠨ ᠤ ᠰᠠᠭᠣᠭ᠎ᠠ ᠭᠠᠵᠠᠷ ᠨᠢ ᠪᠠᠷᠰ ᠠᠯᠠᠬᠤ ᠠᠶᠢᠯ ︵ᠤᠳᠤᠬᠢ ᠬᠠᠷᠠᠴᠢᠨ ᠬᠣᠰᠢᠭᠣᠨ  ᠤ ᠲᠦᠴᠢᠨ ᠭᠡᠷ ᠰᠣᠮᠤ ︶ ᠳ᠋ᠤ ᠪᠠᠶᠢᠵᠠᠢ᠃ ᠵᠢᠯ ᠪᠦᠷᠢ  ᠢᠢᠨ ᠪᠢᠯᠢᠭ  ᠦᠨ ᠤᠯᠠᠷᠢᠯ  ᠦᠨ ᠶᠢᠰᠤᠨ ᠰᠠᠷ᠎ᠠ  ᠢᠢᠨ ᠠᠷᠪᠠᠨ ᠲᠠᠪᠣᠨ ᠡᠴᠠ ᠡᠬᠢᠯᠡᠨ᠂ ᠵᠠᠰᠠᠭ ᠶᠠᠮᠣᠨ  ᠳᠤ ᠡᠳ᠋ᠦᠷ ᠪᠦᠷᠢ 4 ᠬᠦᠮᠦᠨ ᠡᠭᠡᠯᠵᠢ ᠪᠡᠷ ᠵᠢᠰᠢᠶᠡᠯᠡᠨ᠂ ᠪᠠᠷᠰ  ᠦᠨ ᠤᠷᠣᠵᠣ ᠭᠠᠷᠬᠤ ᠳᠠᠭᠤ ᠴᠢᠮᠡᠭᠡ ᠶᠢ ᠣᠯᠵᠤ ᠰᠣᠨᠤᠰᠤᠮᠠᠭᠴᠠ᠂ ᠲᠣᠣᠷ᠎ᠠ ᠨᠢ ᠵᠡᠬᠦᠨ ᠪᠠᠷᠠᠭᠣᠨ ᠬᠣᠶᠠᠷ ᠬᠣᠰᠢᠭᠤᠨ  ᠤ ᠵᠢᠷᠭᠣᠭᠠᠨ ᠠᠩᠬᠢ ᠬᠦᠮᠦᠰ ‍ᠢ ᠴᠣᠭᠯᠠᠭᠣᠯᠵᠤ ᠠᠪᠠ  ᠳᠤ ᠭᠠᠷᠤᠨ᠎ᠠ᠃ ᠠᠪᠠ ᠳ᠋ᠤ ᠭᠠᠷᠬᠣ ᠡᠴᠠ ᠡᠮᠦᠨ᠎ᠠ ᠲᠠᠷᠭᠤᠨ ᠨᠣᠬᠠᠢ ᠨᠢᠭᠡ  ᠢᠢ ᠪᠡᠯᠡᠳᠬᠡᠵᠤ ᠪᠠᠷᠰ  ᠦᠨ ᠮᠦᠷ ᠰᠤᠷᠠᠭ ᠲᠤᠳᠤ ᠦᠭᠡᠢ ᠪᠣᠯ ᠨᠣᠬᠠᠢ ᠪᠠᠨ ᠮᠣᠳ᠋ᠣᠨ ᠡᠴᠠ ᠤᠶᠠᠨ᠎ᠠ᠂ ᠬᠦᠮᠦᠰ ᠦᠨ ᠶᠠᠪᠣᠬᠤ ᠶᠢ ᠦᠵᠡᠭᠰᠡᠨ ᠨᠣᠬᠠᠢ  ᠵᠣᠭᠰᠣᠰᠢ ᠦᠭᠡᠢ  ᠬᠤᠴᠠᠵᠤ ᠭᠠᠰᠠᠯᠬᠤ  ᠳᠦ ᠪᠠᠷᠰ ᠢᠷᠪᠡᠰ ᠴᠢᠮᠡᠭᠡ ᠪᠡᠷ ᠨᠢ ᠬᠦᠷᠦᠯᠴᠡᠨ ᠢᠷᠡᠳᠡᠭ᠃ ᠢᠩᠭᠢᠵᠤ ᠦᠭᠶᠦᠭᠡ ᠦᠭᠭᠦ ᠠᠷᠭ᠎ᠠ ᠪᠠᠷ ᠪᠠᠷᠰ ᠢ ᠣᠯᠳᠠᠭ᠃ ᠪᠠᠷᠰ ᠠᠩᠨᠠᠬᠤ ᠳ᠋ᠤ ᠤᠷᠢᠳ᠋ᠠᠪᠠᠷ ᠬᠣᠮᠣᠷᠭᠠᠯᠠᠨ ᠬᠦᠷᠢᠶᠡᠯᠡᠵᠦ᠂ ᠡᠯ᠎ᠠ ᠠᠩᠬᠢ ᠤᠷᠣᠨ ᠪᠠᠶᠢᠷᠢ ᠪᠠᠨ ᠤᠯᠵᠤ ᠪᠡᠯᠡᠳᠬᠡᠭᠰᠡᠨ  ᠤ ᠳᠠᠷᠠᠭ᠎ᠠ ᠳᠠᠬᠢᠨ ᠢᠳᠡᠭ ᠢᠳᠡᠭ ᠢᠶᠠᠷ ᠬᠦᠷᠢᠶ᠎ᠡ ᠪᠠᠨ ᠪᠠᠭᠠᠰᠬᠠ‍ᠵᠤ᠂ ᠪᠠᠷᠰ  ᠦᠨ ᠣᠶᠢᠷᠠᠬᠠᠨ ᠪᠠᠶᠢᠬᠤ ᠶᠢ ᠳᠣᠳ᠋ᠣᠷᠬᠠᠢ ᠮᠡᠳ᠋ᠡᠭᠰᠡᠨ ᠦᠶ᠎ᠡ ᠳᠦ ᠬᠠᠷᠢᠯᠴᠠᠨ ᠨᠢᠭᠣᠴᠠ ᠳᠣᠬᠢᠶ᠎ᠠ ᠬᠦᠷᠭᠡᠵᠤ ᠰᠡᠷᠭᠡᠶᠢᠯᠡᠯᠳ᠋ᠡ ᠪᠠᠨ ᠴᠢᠩᠭᠠᠳᠬᠠ‍ᠵᠣ᠂ ᠪᠠᠷᠰ ‍ᠢ ᠤᠯᠵᠣ ᠬᠠᠷᠠᠮᠠᠭᠴᠠ ᠤᠷᠢᠳᠠᠪᠠᠷ ᠦᠰᠦᠨ  ᠤ ᠦᠩᠭᠡ ᠪᠠᠷ ᠡᠷᠡᠭᠴᠢᠨ ᠡᠮᠡᠭᠴᠢᠨ ᠢ ᠢᠯᠭᠠᠨ᠎ᠠ᠃ ᠡᠮᠡᠭᠴᠢᠨ ᠪᠣᠯ ᠤᠶᠠᠨ ᠵᠠᠩ ᠬᠤᠯᠵᠢᠨ ᠴᠢᠨᠡᠷ ᠲᠠᠢ ᠪᠦᠬᠡᠳ ᠠᠷᠭᠠᠴᠠᠬᠤ ᠳᠤ ᠪᠡᠷᠭᠡ᠂ ᠡᠷᠡᠭᠴᠢᠨ ᠪᠣᠯ  ᠬᠡᠳᠡᠷ ᠲᠤᠭᠰᠢᠨ ᠂ ᠪᠠᠷᠢᠬᠤ ᠳᠤ ᠠᠮᠠᠷᠬᠠᠨ ᠪᠠᠶᠢᠳ᠋ᠠᠭ᠃ ᠬᠡᠪᠲᠡᠷᠢ ᠡᠴᠡ ᠪᠡᠨ ᠪᠣᠰᠬᠣ ᠦᠭᠡᠢ ᠪᠣᠶᠣ ᠳᠤᠭᠰᠢᠷᠠᠬᠣ ᠦᠭᠡᠢ ᠪᠣᠯ ᠲᠤᠭ ᠨᠤᠶᠢᠷ  ᠲᠤ ᠪᠠᠨ ᠪᠠᠶᠢᠭ᠎ᠠ ᠪᠠᠷᠰ᠂ ᠡᠶᠢᠮᠦᠷᠬᠦ ᠪᠠᠷᠰ ᠳᠠᠢ ᠬᠠᠷᠭᠤᠪᠠᠯ ᠵᠢᠳᠠ ᠶᠢᠨ ᠦᠵᠦᠭᠦᠷ ᠲᠡᠭᠡᠷ᠎ᠠ ᠪᠠᠨ ᠬᠣᠣᠰ ᠳᠤᠤᠭᠠᠷᠬᠤ ᠫᠣᠣᠵᠠᠩ ᠤᠶᠠᠵᠣ᠂ ᠲᠡᠬᠦᠨ ᠦ ᠥᠭᠡᠳᠡ ᠡᠴᠡ ᠲᠠᠯᠪᠢᠬᠤ ᠳᠤ ᠪᠠᠷᠰ ᠰᠤᠴᠢᠯᠭᠠᠨ  ᠳᠦ ᠪᠡᠨ ᠡᠭᠳᠡᠭᠦᠦ ᠨᠢ ᠬᠦᠷᠴᠦ᠂ ᠠᠮᠠ ᠪᠠᠨ ᠠᠩᠭᠠᠶᠢ‍ᠨ ᠬᠦᠯ  ᠢᠢᠠᠨ ᠰᠤᠩᠭᠠᠵᠤ᠂ ᠰᠡᠭᠦᠯ ᠢᠶᠡᠷ ᠢᠶᠡᠨ ᠭᠠᠵᠠᠷ ᠭᠤᠶᠠᠳᠠᠨ᠂  ᠭᠣᠰ ᠦᠰᠦᠷᠤᠨ ᠪᠣᠰᠴᠤ ᠬᠡᠳ᠋ᠡᠷᠬᠦ ᠳᠠᠭᠠᠷᠢᠨ᠎ᠠ᠃ ᠶᠠᠭ ᠡᠮᠦᠨ᠎ᠡ ᠬᠥᠯ ᠢᠶᠡᠷ ᠢᠶᠡᠨ ᠭᠠᠵᠠᠷ ᠰᠢᠭᠦᠷᠡᠵᠦ ᠠᠮᠠ ᠪᠠᠨ ᠠᠩᠭᠠᠶᠢᠨ ᠦᠰᠦᠷᠭᠢᠯᠡᠬᠦ ᠦᠶ᠎ᠡ ᠳᠦ᠂ ᠠᠩᠴᠢᠨ ᠵᠢᠳᠠᠨ ᠤ ᠦᠵᠦᠭᠦᠷ  ᠢᠶᠠᠨ ᠪᠠᠷᠰ  ᠦᠨ ᠠᠮᠠᠨ ᠳ᠋ᠤᠨᠢ ᠤᠷᠤᠭᠤᠯᠤᠭᠠᠳ᠂ ᠪᠠᠷᠰ ᠤᠨ ᠰᠢᠭᠦᠷᠡᠬᠦ ᠬᠦᠴᠦᠨ ᠢ ᠠᠰᠢᠭᠯᠠᠨ ᠬᠡᠯᠡᠨ  ᠤ ᠤᠭ ᠡᠴᠠ ᠨᠢ ᠭᠠᠪᠠᠯᠠ ᠤᠷᠤᠭᠤ ᠨᠢ ᠴᠢᠴᠢᠨ ᠣᠷᠣᠭᠤᠯᠪᠠᠯ ᠪᠠᠷᠰ ᠤᠨ ᠠᠮᠢ ᠶᠢ ᠲᠠᠰᠤᠯᠴᠢᠬᠠᠳᠠᠭ᠂ ᠬᠡᠷᠪᠡ ᠲᠤᠭᠰᠢᠨ ᠪᠠᠷᠰ ᠠᠮᠢ ᠨᠢ ᠲᠤᠤᠷ᠎ᠠ ᠪᠠᠨ ᠲᠠᠰᠤᠷᠠᠬᠤ ᠦᠭᠡᠢ ᠪᠣᠯ ᠫᠤᠤᠴᠢ ᠨᠠᠷ ᠫᠤᠤᠳᠠᠨ ᠠᠯᠠᠨ᠎ᠠ᠃ ᠵᠠᠷᠢᠮ ᠪᠠᠷᠰ ᠨᠢ ᠬᠤᠯᠵᠢᠨ ᠠᠮᠠᠷᠬᠠᠨ ᠠᠩᠨᠠᠭᠳᠠᠬᠤ ᠦᠭᠡᠢ ᠪᠣᠯ ᠡᠳᠦᠷ ᠲᠦ ᠭᠤᠷᠪᠠ ᠲᠦᠷᠪᠡ ᠤᠳᠠᠭ᠎ᠠ ᠬᠣᠮᠤᠷᠭᠠᠯᠠᠵᠤ ᠵᠠᠯᠭᠠᠯᠳᠤᠭ᠎ᠠ ᠪᠠᠷ ᠬᠡᠳᠦᠨ ᠡᠳᠦᠷ ᠵᠠᠭᠤ ᠠᠴᠠ ᠬᠤᠶᠠᠷ ᠵᠠᠭᠤᠨ ᠭᠠᠵᠠᠷ ᠨᠡᠬᠡᠮᠵᠢᠯᠡᠵᠤ ᠪᠠᠶᠢᠭᠠᠳ ᠰᠠᠶ᠋ᠢ ᠣᠯᠳᠠᠭ ᠴᠦ ᠪᠣᠢ᠃        ᠵᠡᠭᠡᠷ᠎ᠠ  ᠶᠢᠨ ᠠᠪᠠ ᠨᠢ ᠪᠠᠰᠠ ᠴᠤ ᠶᠡᠬᠡ ᠬᠡᠪᠴᠢᠶᠡᠨ  ᠤ ᠬᠤᠮᠤᠷᠭᠠᠨ ᠠᠪᠠ ᠳ᠋ᠤ ᠳᠣᠭᠠᠴᠢᠭᠳ᠋ᠠᠨ᠎ᠠ᠃ ᠪᠠᠭᠠᠷᠢᠨᠴᠣᠳ ᠵᠢᠯ ᠪᠦᠷᠢ ᠭᠣᠷᠪᠠ ᠤᠳ᠋ᠠᠭ᠎ᠠ ᠤᠯᠠᠩᠬᠢ   ᠳᠦ ᠪᠡᠨ ᠲᠠᠮᠠᠭ᠎ᠠ ᠶᠢᠨ ᠳᠠᠪᠠᠭ᠎ᠠ ︵ᠤᠳᠤᠬᠢ ᠪᠠᠭᠠᠷᠢᠨ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠳᠤ ᠪᠣᠢ ︶ᠳ᠋ᠤ ᠵᠡᠬᠡᠷ᠎ᠠ  ᠢᠢᠨ ᠠᠪᠠ ᠲᠠᠯᠪᠢᠳᠠᠭ᠃ ᠵᠡᠭᠡᠷ᠎ᠡ ᠶᠢᠨ ᠠᠪᠠ ᠡᠬᠢᠯᠡᠭᠰᠡᠨ ᠲᠡᠷᠡ ᠡᠳᠦᠷ ᠡᠴᠡ ᠦᠢᠷ᠎ᠠ ᠣᠷᠴᠢᠮ ᠤᠨ ᠪᠢᠯᠠᠭᠣ ᠳᠠᠭᠠᠭᠠᠬᠤ ᠴᠢᠳᠠᠯᠳᠠᠢ ᠡᠷᠡᠴᠤᠤᠯ ᠪᠦᠬᠦᠨ ᠠᠪᠠ ᠳᠤ ᠭᠠᠷᠳᠠᠭ᠃ ᠡᠨᠡ ᠦᠶ᠎ᠡ ᠳᠦ ᠠᠭᠤᠯᠠ ᠲᠠᠯ᠎ᠠ ᠰᠢᠯᠢ ᠬᠦᠨᠳᠡᠢ ᠴᠠᠶᠢᠳᠠᠮ ᠳᠤ ᠴᠦᠮ ᠮᠣᠷᠢ ᠤᠨᠣᠵᠣ ᠨᠣᠬᠠᠢ ᠳᠠᠭᠠᠭᠣᠯᠣᠨ ᠪᠢᠯᠠᠭᠣ ᠰᠢᠳ᠋ᠠᠮ ᠡᠷᠬᠢᠬᠦᠯᠦᠭᠰᠡᠨ ᠬᠦᠮᠦᠨ ᠢᠶᠡᠷ ᠲᠦᠭᠦᠷᠴᠦ᠂ ᠠᠪᠠᠴᠢᠳ ᠬᠤᠮᠤᠷᠭᠠᠯᠠᠵᠤ ᠬᠦᠷᠢᠶᠠᠯᠠᠭ᠍ᠰᠡᠨ ᠵᠠᠭᠣ ᠮᠢᠩᠭ᠎ᠠ ᠪᠠᠷ ᠠᠮᠢ ᠲᠡᠮᠡᠴᠠᠨ ᠳᠠᠪᠬᠢᠯᠳᠤᠬᠤ ᠵᠡᠭᠡᠷ᠎ᠡ ᠶᠢᠨ ᠰᠦᠷᠦᠭ ᠡᠴᠡ ᠲᠦᠷᠦᠭᠦᠯᠡᠵᠤ ᠪᠠᠶᠢᠭ᠎ᠠ ᠬᠡᠳᠦᠨ ᠰᠠᠶᠢᠨ ᠤᠭᠤᠨᠤ ᠶᠢ ᠰᠠᠯᠭᠠᠵᠤ ᠠᠪᠤᠭᠠᠳ ᠬᠠᠷᠢᠯᠴᠠᠨ ᠳᠠᠮᠵᠢᠭᠤᠯᠤᠨ ᠡᠭᠡᠯᠵᠢᠯᠡᠨ ᠲᠠᠭᠤᠳᠠᠭ᠃ ᠬᠡᠷᠪᠡ ᠢᠩᠬᠢᠬᠦ ᠦᠭᠡᠢ ᠳᠤᠷ᠎ᠠ ᠳᠣᠷ᠎ᠠ ᠪᠠᠷ  ᠢᠢᠠᠨ ᠨᠡᠭᠡᠪᠡᠯ ᠨᠢᠬᠡ ᠠᠩ ᠴᠤ ᠤᠯᠬᠣ ᠦᠭᠡᠢ ᠪᠣᠯᠳ᠋ᠠᠭ᠃ ᠵᠡᠭᠡᠷ᠎ᠠ  ᠶᠢᠨ ᠠᠪᠠ ᠪᠣᠯ ᠦᠨᠡᠨ ᠳ᠋ᠤ ᠪᠠᠨ ᠡᠷ᠎ᠡ ᠶᠢᠨ ᠰᠠᠶᠢᠨ᠂ ᠮᠣᠷᠢᠨ ᠤ ᠬᠤᠷᠳᠦᠨ᠂ ᠨᠣᠬᠠᠢ  ᠶᠢᠨ ᠬᠤᠷᠴᠠ ᠶᠢ ᠰᠢᠯᠭᠠᠷᠠᠭᠤᠯᠬᠤ ᠨᠢᠭᠡᠨ ᠭᠤᠶᠤ ᠰᠠᠶᠢᠬᠠᠨ ᠬᠦᠷ ᠨᠠᠭᠠᠳᠤᠮ ᠪᠣᠯᠬᠤ ᠶᠤᠮ᠃ ᠲᠠᠭᠤᠭᠳᠠᠵᠤ ᠪᠠᠶᠢᠭ᠎ᠠ ᠵᠡᠭᠡᠷ᠎ᠠ ᠬᠦᠴᠦᠨ ᠪᠠᠷᠠᠭᠳ᠋ᠠᠵᠣ ᠬᠦᠶᠦᠵᠦ ᠲᠡᠶᠢᠯᠬᠦ ᠦᠭᠡᠢ ᠪᠣᠯᠬᠣ ᠦᠶ᠎ᠠ ᠳ᠋ᠤ ᠠᠪᠠᠴᠢᠳ ᠨᠣᠬᠠᠢ ᠪᠠᠨ ᠲᠤᠬᠢᠷᠴᠤ ᠲᠠᠲᠠᠨ ᠤᠨᠠᠭᠠᠵᠤ ᠪᠠᠷᠢᠬᠤ ᠪᠣᠶᠤ ᠡᠰᠡᠭᠥᠯ᠎ᠠ ᠪᠢᠯᠠᠭᠣ ᠪᠠᠷ ᠴᠤᠬᠢᠨ ᠤᠨᠠᠭᠠᠬᠣ᠂ ᠡᠰᠡᠬᠦᠯ᠎ᠠ ᠮᠣᠷᠢ ᠪᠠᠷ  ᠢᠢᠠᠨ ᠳᠠᠭᠠᠷᠢᠭᠤᠯᠤᠨ ᠤᠨᠠᠭᠠᠵᠤ ᠪᠠᠷᠢᠨ᠎ᠠ᠃ ᠠᠪᠠ  ᠢᠢᠨ ᠤᠯᠵᠠ ᠪᠠᠨ ᠤᠷᠢᠳ ᠬᠣᠵᠢᠳ ᠬᠦᠷᠴᠤ ᠢᠷᠡᠨ ᠪᠠᠭᠤᠭᠰᠠᠨ ᠳᠠᠷᠠᠭᠠᠯᠠᠯ ᠢᠶᠠᠷ ᠤᠯᠠᠨ ᠳᠤ ᠬᠤᠪᠢᠶᠠᠳᠠᠭ᠃         ᠦᠨᠡᠭᠡ ᠪᠠ ᠴᠢᠨ᠋ᠸ᠎ᠠ  ᠶᠢᠨ ᠠᠪᠠ ᠃ ᠠᠩᠴᠢᠳ︽ᠶᠢᠰᠦᠨ ᠰᠠᠷ᠎ᠠ  ᠢᠢᠨ ᠦᠨᠡᠭᠡ᠂ ᠠᠷᠪᠠᠨ ᠰᠠᠷ᠎ᠠ  ᠢᠢᠨ ᠴᠢᠨ᠋ᠸ᠎ᠠ︾ ᠭᠡᠬᠦ ᠦᠭᠡ ᠶᠢ ᠰᠡᠴᠡᠯᠡᠭᠰᠡᠨ ᠨᠢ ᠡᠨᠡ ᠬᠣᠶᠠᠷ ᠵᠦᠢᠯ  ᠤᠨ ᠠᠮᠢᠳ᠋ᠠᠨ ‍ᠢ ᠠᠩᠨᠠᠬᠣ ᠬᠠᠮᠤᠭ ᠤᠨ ᠰᠠᠶᠢᠨ ᠴᠠᠭ ᠤᠯᠠᠷᠢᠯ ‍ᠢ ᠵᠢᠭᠠᠭᠰᠠᠨ ᠶᠤᠮ᠃ ᠶᠠᠷᠤ ᠨᠢ ᠦᠨᠡᠭᠡᠨ ᠠᠪᠠ ᠳ᠋ᠤ ᠤᠯᠠᠨ ᠬᠦᠮᠦᠨ ᠬᠡᠷᠡᠭᠰᠡᠬᠦ ᠦᠭᠡᠢ᠂ ᠠᠪᠠᠯᠠᠬᠤ  ᠳᠦ ᠪᠡᠨ ᠦᠷᠦᠭᠡᠰᠦᠨ ᠡᠳ᠋ᠦᠷ ‍ᠢ ᠲᠤᠬᠢᠶᠠᠯᠳᠤᠭᠤᠯᠤᠨ ᠦᠷ ᠢᠶᠡᠷ ᠮᠤᠷᠳᠠᠨ᠎ᠠ᠃ ᠤᠷᠢᠳ᠋ᠠᠪᠠᠷ ᠠᠭᠤᠯᠠᠨ ᠠᠮᠨ ᠭᠣᠣᠯ ᠵᠠᠮ ᠲᠡᠭᠡᠷ᠎ᠡ ᠬᠦᠮᠦᠨ ᠢᠶᠡᠨ ᠲᠤᠬᠢᠷᠠᠭᠤᠯᠤᠨ ᠪᠦᠭᠬᠦᠬᠦ ᠶᠢᠨ ᠬᠠᠮᠳᠤ᠂ ᠳᠠᠷᠠᠭ᠎ᠠ ᠨᠢ ᠬᠢᠷ᠎ᠠ ᠶᠢᠨ ᠬᠦᠮᠦᠨ︵ᠠᠪᠠ  ᠢᠢᠨ ᠲᠤᠬᠢᠶ᠎ᠠ ᠲᠠᠯᠪᠢᠭᠴᠢ︶ᠦᠨᠳ᠋ᠦᠷ ᠭᠠᠵᠠᠷ ᠵᠣᠭᠰᠣᠵᠤ ᠦᠨᠡᠭᠡ ᠶᠢᠨ ᠬᠦᠶᠦᠬᠦ ᠵᠦᠭ ᠴᠢᠭᠯᠡᠯ ‍ᠢ ᠦᠨᠳ᠋ᠦᠰᠦᠯᠡᠨ ᠮᠠᠯᠠᠭᠠᠢ ᠪᠠᠨ ᠬᠣᠷᠦᠶᠢᠯᠠᠵᠤ ᠵᠢᠯᠣᠭᠣᠳ᠋ᠣᠨ᠎ᠠ᠃ ᠬᠢᠷ᠎ᠠ ᠶᠢᠨ ᠬᠦᠮᠦᠨ ᠪᠣᠯᠣᠨ ᠪᠦᠭᠬᠦᠭᠰᠡᠨ ᠬᠦᠮᠦᠰ ᠬᠠᠮᠳ᠋ᠣ ᠪᠠᠷ ᠲᠣᠭ ᠳᠠᠯᠪᠠᠭ᠎ᠠ ᠡᠷᠬᠢᠬᠦᠯᠵᠦ ᠪᠠᠷᠬᠢᠷᠠᠯᠴᠠᠨ ᠦᠨᠡᠭᠡ  ᠢᠢ ᠨᠠᠭᠠᠰᠢ ᠴᠠᠭᠠᠰᠢ ᠤᠯᠠᠨᠳ᠋ᠠ ᠬᠦᠶᠦᠯᠭᠡᠵᠦ ᠬᠦᠴᠦ  ᠢᠢ ᠨᠢ ᠪᠠᠷᠠᠭᠠᠵᠣ ᠲᠤᠶᠢᠯᠳᠠᠭᠤᠯᠤᠭᠰᠠᠨ ᠤ ᠳᠠᠷᠠᠭ᠎ᠠ᠂ ᠠᠪᠠ  ᠢᠢᠨ ᠨᠣᠬᠠᠢ ᠪᠠᠨ ᠳᠠᠯᠪᠢᠵᠣ ᠪᠠᠷᠢᠭᠣᠯᠣᠨ᠎ᠠ᠃ ᠬᠡᠪᠡᠴᠦ ᠦᠨᠡᠭᠡ ᠪᠣᠯ ᠲᠦᠷᠦᠯᠬᠢ ᠬᠣᠶᠢᠬᠣᠷ ᠬᠣᠯᠵᠢᠨ ᠲᠣᠯᠠ ᠠᠪᠠ  ᠢᠢᠨ ᠨᠣᠬᠠᠢ  ᠢᠢ ᠰᠡᠬᠦᠯ  ᠢᠢᠠᠷ  ᠢᠢᠠᠨ ᠬᠠᠭᠤᠷᠬᠤ᠂ ᠡᠰᠡᠬᠦᠯ᠎ᠡ ᠵᠠᠪᠰᠢᠶᠠᠨ ᠳᠠᠯᠢᠮᠳ᠋ᠠᠭᠤᠯᠵᠤ ᠬᠡᠳ᠋ᠡᠷᠬᠦ ᠳᠠᠭᠠᠷᠢᠨ ᠨᠣᠬᠠᠢ  ᠢᠢᠨ ᠬᠠᠮᠠᠷ ‍ᠢ ᠬᠠᠵᠠᠨ ᠪᠣᠷᠤᠭᠤᠯᠠᠨ ᠲᠤᠲᠠᠭᠠᠳᠠᠭ᠃ ᠶᠢᠰᠦᠨ ᠰᠠᠷ᠎ᠠ ᠳ᠋ᠤ ᠦᠨᠡᠭᠡ ᠠᠩᠨᠠᠳ᠋ᠠᠭ  ᠦᠨ ᠰᠢᠯᠳ᠋ᠠᠭᠠᠨ ᠭᠡᠪᠡᠯ ᠄  ᠨᠢᠭᠡ ᠳ᠋ᠤ᠂ ᠡᠨᠡ ᠦᠶ᠎ᠠ  ᠢᠢᠨ ᠦᠨᠡᠭᠡᠨ ᠠᠷᠠᠰᠣᠨ  ᠤ ᠴᠢᠨᠠᠷ ᠬᠠᠮᠣᠭ ᠰᠠᠶᠢᠨ ︔ ᠬᠣᠶᠠᠷ ᠲᠦ᠂ ᠠᠷᠪᠠᠨ ᠰᠠᠷ᠎ᠠ  ᠳᠤ ᠦᠨᠡᠭᠡ ᠬᠡᠭᠡᠯᠳ᠋ᠦᠬᠦ ᠲᠤᠯᠠ ᠠᠩᠴᠢᠳ ᠬᠡᠭᠡᠯ ᠲᠠᠢ ᠦᠯᠦᠭᠴᠢᠨ ᠦᠨᠡᠭᠡ ᠠᠯᠠᠬᠤ ᠢᠢ ᠬᠠᠮᠣᠭ ᠡᠴᠠ ᠴᠡᠭᠡᠷᠯᠡᠳᠡᠭ᠃ ᠴᠢᠨ᠋ᠸ᠎ᠠ  ᠶᠢᠨ ᠠᠪᠠ  ᠶᠢᠨ ᠤᠯᠠᠩᠬᠢ ᠨᠢ ᠴᠢᠨ᠋ᠸ᠎ᠠ ᠮᠠᠯ ᠰᠦᠷᠦᠭ ᠢ ᠪᠠᠷᠢᠵᠤ ᠰᠦᠢᠳᠬᠡᠳᠡᠭ ᠲᠤᠯᠠ ᠴᠢᠨ᠋ᠸ᠎ᠠ  ᠶᠢᠨ ᠠᠶᠤᠯ ᠢ ᠠᠷᠢᠯᠭᠠᠬᠣ ᠵᠣᠷᠢᠯᠭ᠎ᠠ ᠲᠠᠢ ᠶᠠᠪᠤᠭᠳᠠᠳᠠᠭ᠃ ᠴᠢᠨ᠋ᠸ᠎ᠠ  ᠶᠢᠨ ᠠᠪᠠ ᠶᠢ ᠨᠡᠶᠢᠳ᠋ᠡᠴᠢ ᠴᠢᠨᠠᠷᠳ᠋ᠠᠢ ᠠᠪᠠ ᠬᠢᠬᠦ ᠪᠣᠯᠣᠨ ᠭᠠᠭᠴᠠᠭᠠᠷ ᠬᠢᠬᠦ ᠪᠤᠶᠤ ᠬᠡᠳᠦᠭᠦᠯᠡ᠂ ᠨᠡᠶᠢᠯᠡᠵᠤ ᠲᠠᠲᠠᠭ᠎ᠠ ᠠᠪᠠ ᠬᠢᠬᠦ ᠬᠣᠶᠡᠷ ᠵᠦᠢᠯ ᠪᠠᠶᠢᠳ᠋ᠠᠭ᠃ ᠴᠢᠨ᠋ᠸ᠎ᠠ ᠠᠩᠨᠠᠬᠣ ᠳ᠋ᠤ ᠤᠷᠢᠳ᠋ᠠᠪᠠᠷ ᠨᠢᠭᠡᠨ ᠬᠡᠰᠡᠭ ᠲᠠᠭᠤᠭᠠᠳ ᠬᠦᠴᠦ ᠨᠢ ᠮᠣᠬᠤᠬᠤ ᠦᠶ᠎ᠡ ᠳᠦ ᠭᠠᠭᠴᠠᠬᠠᠨ ᠴᠤᠬᠢᠵᠤ ᠠᠯᠠᠳᠠᠭ᠃ ᠬᠡᠷᠪᠡ ᠪᠡᠯᠲᠡᠷᠬᠡ ᠲᠠᠢ ᠦᠯᠦᠭᠴᠢᠨ ᠴᠢᠨ᠋ᠸ᠎ᠠ ᠬᠠᠷᠭᠣᠪᠠᠯ᠂ ᠤᠷᠢᠳ᠋ᠠᠪᠠᠷ ᠦᠯᠦᠭᠴᠢᠨ ᠴᠢᠨ᠋ᠸ᠎ᠠ  ᠢᠢ ᠠᠯᠠᠵᠤ᠂ ᠲᠠᠷᠠᠭ᠎ᠠ ᠨᠢ ᠤᠳᠤᠭ᠎ᠠ ᠪᠠᠷ ᠡᠭᠦᠷ ᠢ ᠨᠢ ᠤᠳᠤᠵᠤ ᠪᠡᠯᠳ᠋ᠡᠷᠭᠡ  ᠢᠢ ᠨᠢ ᠠᠯᠠᠳ᠋ᠠᠭ᠃ ᠬᠡᠷᠪᠡ ᠰᠦᠷᠦᠭ ᠠᠴᠠ ᠪᠠᠨ ᠰᠠᠯᠤᠨ ᠭᠠᠭᠴᠠ ᠬᠤᠶᠠᠷ ᠢᠶᠠᠷ ᠶᠠᠪᠣᠵᠤ ᠪᠠᠶᠢᠭ᠎ᠠ ᠴᠢᠨ᠋ᠸ᠎ᠠ ᠲᠠᠢ ᠲᠠᠭᠠᠷᠠᠪᠠᠯ ᠬᠠᠰᠢᠷ ᠠᠩᠴᠢᠳ ᠴᠢᠨ᠋ᠸ᠎ᠠ  ᠢᠢᠨ ᠠᠮᠢᠳ᠋ᠤᠷᠠᠯ  ᠦᠨ ᠳᠠᠳᠬᠠᠯ ‍ᠢ ᠦᠨᠳᠦᠰᠦᠯᠡᠨ ᠭᠠᠭᠴᠠᠭᠠᠷ ᠪᠣᠶᠤ ᠬᠡᠳᠦᠭᠦᠯᠡ ᠤᠷᠠᠬ᠎ᠠ ᠳᠠᠯᠪᠢᠬᠣ᠂ ᠲᠡᠮᠦᠷ ᠵᠠᠩᠭᠤ ᠲᠠᠢ ᠬᠠᠪᠬ᠎ᠠ ᠳᠠᠯᠪᠢᠬᠣ ᠵᠡᠷᠭᠡ ᠠᠷᠭ᠎ᠠ ᠪᠠᠷ ᠠᠯᠠᠳᠠᠭ᠃         ᠭᠡᠭᠡᠷ᠎ᠠ  ᠢᠢᠨ ᠭᠠᠬᠠᠢ᠂ ᠲᠠᠣᠯᠠᠢ ᠵᠢᠴᠢ ᠪᠣᠰᠣᠳ ᠠᠮᠢᠳ᠋ᠠᠨ ‍ᠢ ᠠᠪᠠᠯᠠᠬᠣ᠃ ᠬᠡᠬᠡᠷ᠎ᠠ  ᠢᠢᠨ ᠭᠠᠬᠠᠢ ᠪᠣᠯ ᠲᠡᠩᠲᠡ ᠪᠠᠷᠲᠠᠭᠠᠳᠦ ᠪᠠᠯᠠᠷ ᠤᠢ ᠲᠤᠮᠳᠠ ᠠᠮᠢᠳ᠋ᠣᠷᠠᠳ᠋ᠠᠭ᠃ ᠭᠡᠭᠡᠷ᠎ᠠ  ᠢᠢᠨ ᠭᠠᠬᠠᠢ ᠠᠩᠨᠠᠬᠣ ᠳ᠋ᠤ ᠠᠩᠴᠢᠳ ᠭᠠᠬᠠᠢ  ᠢᠢᠨ ᠤᠯᠠᠨ ᠵᠦᠢᠯ ᠦᠨ ᠪᠠᠶᠢᠳᠠᠯ ᠢ ᠦᠨᠳ᠋ᠦᠰᠦᠯᠡᠵᠦ ᠠᠳ᠋ᠠᠯᠢ ᠪᠣᠰᠣ  ᠶᠢᠨ ᠠᠷᠭ᠎ᠠ  ᠪᠡᠷ ᠠᠪᠠᠯᠠᠳᠠᠭ᠃ ᠦᠷᠭᠦᠯᠵᠢ ᠨᠠᠷᠠᠰᠣᠨ  ᠦ ᠲᠠᠪᠠᠷᠬᠠᠢ ᠶᠢ ᠱᠦᠷᠭᠦᠭᠡᠵᠤ ᠨᠠᠷᠢᠨ ᠬᠠᠶᠢᠷ ᠲᠡᠭᠡᠷ᠎ᠡ ᠬᠦᠷᠪᠡᠳᠡᠭ  ‍ᠢ ︽ᠬᠣᠶᠠᠭᠳ᠋ᠦ ᠭᠠᠬᠠᠢ︾ ᠭᠡᠳ᠋ᠡᠭ᠃ ᠰᠣᠶᠣᠭ᠎ᠠ ᠰᠢᠳ᠋ᠣ ᠨᠢ ᠬᠣᠷᠴᠠ ᠢᠷ ᠲᠠᠢ ᠢᠢ ᠨᠢ︽ᠮᠡᠷᠭᠡᠨ ᠰᠡᠵᠢᠭᠦᠷ︾ ᠬᠡᠳ᠋ᠡᠭ᠃ ᠨᠡᠯᠢᠶᠡᠳ ᠬᠦᠭᠰᠢᠷᠡᠭᠡᠳ ᠰᠣᠶᠣᠭ᠎ᠠ ᠨᠢ ᠮᠢᠲᠠᠷᠠᠭᠰᠠᠨ ᠮᠡᠭᠡᠵᠢ ᠭᠠᠬᠠᠢ  ᠢᠢ︽ᠨᠣᠭᠲᠤᠲᠤ ᠭᠠᠬᠠᠢ︾ᠭᠡᠳ᠋ᠡᠭ᠃︽ᠬᠣᠶᠠᠭᠳ᠋ᠣ ᠭᠠᠬᠠᠢ︾ ᠢᠢᠨ ᠠᠷᠠᠰᠣ ᠨᠢ ᠵᠣᠵᠠᠭᠠᠨ ᠲᠣᠯᠠ ᠬᠢᠳ᠋ᠤᠭ᠎ᠠ ᠮᠡᠰᠡ ᠣᠷᠤᠳᠠᠭ ᠦᠭᠡᠢ᠂ ᠪᠠᠷᠢᠬᠣ ᠳ᠋ᠤ ᠬᠠᠮᠣᠭ ᠬᠦᠴᠢᠷ ᠪᠠᠶᠢᠳ᠋ᠠᠭ᠃ ᠳᠡᠳ᠋ᠡᠭᠡᠷ ᠤᠬᠠᠭᠠᠨ ᠴᠢᠳ᠋ᠠᠯ ᠬᠣᠣᠰᠯᠠᠭᠰᠠᠨ ᠠᠩᠴᠢᠳ︽ᠬᠣᠶᠠᠭᠳ᠋ᠣ ᠭᠠᠬᠠᠢ︾ ᠶᠢ ᠠᠪᠠᠯᠠᠬᠤ ᠳᠤ ᠬᠠᠷᠢᠨ ᠲᠡᠭᠦᠨ ᠦ ᠳᠡᠭᠡᠷ᠎ᠠ ᠵᠠᠶᠢᠳᠠᠯᠠᠵᠤ᠂ ᠠᠮᠢᠨ ᠭᠠᠵᠠᠷ ‍ᠢ ᠨᠢ ᠬᠢᠳ᠋ᠣᠭᠠᠯᠠᠵᠤ ᠠᠯᠠᠳ᠋ᠠᠭ ᠪᠠᠶᠢᠨ᠎ᠠ᠃ ᠰᠤᠷᠮᠠᠭᠠᠢ ᠠᠪᠠ  ᠢᠢᠨ ᠨᠣᠬᠠᠢ ᠪᠣᠯ  ᠬᠡᠭᠡᠷ᠎ᠡ ᠶᠢᠨ ᠭᠠᠬᠠᠢ ᠶᠢᠨ ᠨᠢᠮᠭᠡᠨ ᠴᠠᠪᠢ ᠶᠢ ᠬᠤ᠋ ᠲᠠᠲᠠᠭᠠᠳ᠂ ᠬᠡᠳ᠋ᠦ ᠬᠡᠳ᠋ᠦᠭᠦᠯᠡ ᠨᠡᠶᠢᠯᠡᠵᠦ ᠠᠷᠠᠰᠤ ᠶᠢ ᠨᠢ ᠲᠠᠰᠣᠳ᠋ᠠᠨ ᠤᠷᠠᠵᠣ ᠵᠠᠭᠤᠵᠤ ᠠᠯᠠᠳ᠋ᠠᠭ᠃ ᠲᠠᠦᠯᠠᠢ  ᠢᠢᠨ ᠠᠪᠠ  ᠄ ᠮᠠᠯᠵᠢᠬᠣ ᠤᠷᠣᠨ ᠪᠣᠯᠣᠨ ᠬᠠᠭᠠᠰ ᠲᠠᠷᠢᠶᠠᠯᠠᠬᠤ ᠬᠠᠭᠠᠰ ᠮᠠᠯᠵᠢᠬᠤ ᠤᠷᠣᠨ  ᠦ ᠮᠤᠩᠭᠤᠯᠴᠤᠳ ᠵᠢᠯ ᠪᠦᠷᠢ  ᠢᠢᠨ ᠪᠢᠯᠢᠭ ᠦᠨ ᠤᠯᠠᠷᠢᠯ ᠤᠨ ᠴᠠᠭᠠᠨ ᠰᠠᠷ᠎ᠠ  ᠢᠢᠨ ᠠᠷᠪᠠᠨ ᠲᠣᠯᠣᠭᠠᠨ ᠡᠴᠠ ᠡᠬᠢᠯᠡᠨ ᠭᠣᠷᠪᠠᠨ ᠰᠠᠷ᠎ᠠ  ᠢᠢᠨ ᠰᠢᠨ᠎ᠡ ᠶᠢᠨ ᠨᠢᠭᠡᠨ ᠪᠣᠯᠳ᠋ᠠᠯ᠎ᠠ ᠦᠷᠦᠭᠡᠰᠦᠨ ᠡᠳ᠋ᠦᠷ ᠪᠣᠯᠭᠠᠨ ᠲᠠᠤᠯᠠᠢ ᠶᠢᠨ ᠠᠪᠠ ᠬᠢᠳᠡᠭ᠃ ᠲᠠᠣᠯᠠᠢ  ᠢᠢᠨ ᠠᠪᠠ ᠠᠶᠣᠯ ᠦᠭᠡᠢ᠂ ᠦᠪᠡᠷ ᠦᠨ ᠳᠤᠷ᠎ᠠ ᠪᠠᠷ ᠠᠪᠠᠯᠠᠳᠠᠭ᠃ ᠳᠠᠣᠯᠠᠢ ᠠᠪᠠᠯᠠᠬᠤ ᠳ᠋ᠤ ᠬᠡᠳᠦᠶᠢᠪᠡᠷ ᠬᠠᠮᠳ᠋ᠣ ᠪᠠᠷ ᠬᠣᠮᠣᠷᠭᠠᠯᠠᠨ ᠠᠩᠨᠠᠳ᠋ᠠᠭ ᠪᠣᠯᠪᠠᠴᠣ ᠬᠡᠨ ᠤᠷᠢᠳ᠋ᠠᠪᠠᠷ ᠴᠤᠬᠢᠵᠤ ᠠᠯᠠᠭᠰᠠᠨ ᠪᠤᠶᠤ ᠬᠠᠷᠪᠣᠵᠣ ᠠᠯᠠᠭᠰᠠᠨ ᠪᠣᠯ ᠬᠡᠨ  ᠤ ᠬᠢ ᠪᠣᠯᠣᠨ᠎ᠠ᠃ ᠠᠪᠠ  ᠢᠢᠨ ᠨᠣᠬᠠᠢ  ᠢᠢᠨ ᠪᠠᠷᠢᠭᠰᠠᠨ ᠲᠠᠤᠯᠠᠢ ᠶᠢ ᠬᠡᠨ ᠤᠷᠢᠲᠠᠵᠤ ᠮᠣᠷᠢᠨ ᠡᠴᠠ  ᠪᠠᠨ ᠪᠠᠭᠤᠭᠠᠳ ᠠᠪᠴᠤ ᠵᠠᠪᠳᠤᠪᠠᠯ ᠬᠡᠨ ᠦ ᠬᠢ ᠪᠣᠯᠣᠨ᠎ᠠ᠃ ᠵᠢᠬᠦᠷᠳ᠋ᠡᠨ  ᠤ ᠠᠪᠠ ᠄ ᠮᠤᠩᠭᠤᠯᠴᠤᠳ ᠲᠣᠭᠤᠳᠠᠭ᠂ ᠭᠤᠷᠭᠤᠤᠯ᠂ ᠢᠲᠠᠭᠤ ᠵᠡᠷᠭᠡ ᠵᠢᠬᠦᠷᠳᠡᠨ ᠡᠴᠡ ᠪᠣᠰᠣᠳ ᠬᠣᠨ ᠭᠠᠯᠠᠭᠣ᠂ ᠬᠠᠯᠢᠭᠤᠨ ᠭᠠᠯᠠᠭᠣ᠂ ᠯᠠᠮᠠ ᠭᠠᠯᠠᠭᠣ᠂ ᠲᠣᠭᠣᠷᠣᠣ  ᠶᠢ ᠶᠡᠷᠦᠳᠡ ᠠᠩᠨᠠᠳᠠᠭ ᠦᠬᠡᠢ᠃ ᠲᠡᠳᠡ ᠭᠠᠯᠠᠭᠣ ᠪᠤᠯᠣᠨ ᠲᠣᠭᠣᠷᠣᠣ  ᠶᠢ ᠦᠯᠵᠠᠢ ᠪᠡᠯᠭᠡ ᠲᠠᠢ ᠤᠷᠳ᠋ᠣ ᠨᠠᠰᠣᠯᠠᠬᠣ ᠵᠢᠭᠦᠷᠳᠡᠨ ᠭᠡᠵᠤ ᠦᠵᠡᠳᠡᠭ ᠲᠤᠯᠠ ᠠᠯᠠᠵᠤ ᠨᠢᠳᠤᠯᠬᠤ ᠶᠢ ᠲᠤᠩ ᠴᠡᠭᠡᠷᠯᠡᠳᠡᠭ᠃ ᠤᠶᠠᠬᠠᠨ ᠬᠠᠪᠣᠷ  ᠤᠨ ᠴᠠᠭ ᠬᠤᠰᠢᠭᠤᠷᠠᠨ ᠨᠢᠰᠤᠭ᠍ᠰᠡᠨ ᠠᠩᠬᠠᠨ ᠤ ᠭᠠᠯᠠᠭᠤᠳ ᠠᠷᠤ ᠭᠠᠵᠠᠷ ᠭᠠᠩᠭᠠᠨᠠᠯᠳᠤᠨ ᠢᠷᠡᠬᠦ ᠦᠶ᠎ᠡ ᠳ᠋ᠤ᠂ ᠮᠣᠩᠭᠣᠯ ᠦᠨᠳ᠋ᠦᠰᠦᠳ᠋ᠡᠨ  ᠤ ᠵᠠᠯᠠᠭᠣ ᠪᠡᠷᠢᠶᠡᠳ ᠭᠤᠶᠤ ᠰᠠᠶᠢᠬᠠᠨ ᠬᠣᠪᠴᠠᠰᠣ ᠬᠤᠨᠠᠷ ᠢᠶᠠᠨ ᠡᠮᠦᠰᠴᠦ ᠵᠠᠰᠠᠨ ᠴᠢᠮᠡᠭᠡᠳ᠂ ᠭᠡᠷ ᠡᠴᠡ ᠪᠡᠨ ᠭᠠᠷᠴᠤ ᠤᠭᠳᠤᠨ᠂ ᠭᠠᠯᠠᠭᠤᠨ ᠰᠦᠷᠦᠭ ᠦᠩᠭᠡᠷᠡᠳᠡᠯ᠎ᠡ ᠲᠦᠪ ᠬᠢᠴᠢᠶᠠᠩᠭᠦᠢ ᠭᠠᠷ ᠲᠠᠯᠪᠢᠨ ᠵᠤᠭᠰᠤᠵᠤ ᠦᠳ᠋ᠡᠳ᠋ᠡᠭ ᠪᠢᠯᠡ᠃ ᠡᠬᠦᠨ ᠡᠴᠠ ᠭᠠᠳ᠋ᠠᠨ᠎ᠠ᠂ ᠮᠣᠩᠭᠣᠯᠴᠣᠳ ᠪᠠᠰᠠ ᠮᠠᠩᠭᠢᠰᠤ ᠶᠢ ᠠᠯᠠᠬᠤ ᠳᠤ ᠲᠡᠮᠦᠷ ᠵᠡᠪᠰᠡᠭ ᠬᠡᠷᠡᠭᠯᠡᠬᠦ ᠶᠢ ᠴᠡᠭᠡᠷᠯᠡᠳ᠋ᠡᠭ ᠶᠤᠰᠤ ᠭᠤᠷᠢᠮ ᠲᠠᠢ ᠶᠤᠮ᠃  
          