| ᠬᠤᠷᠢᠮ ᠤᠨ ᠶᠤᠰᠤᠯᠠᠯ ᠨᠢ ᠰᠢᠨᠡ ᠬᠦᠷᠭᠡᠨ ᠦ ᠬᠤᠷᠢᠮ ᠤᠨ | ᠶᠤᠰᠤᠯᠠᠯ ᠪᠠ ᠰᠢᠨᠡ ᠪᠡᠷᠢ ᠶᠢᠨ ᠬᠤᠷᠢᠮ ᠤᠨ ᠶᠣᠰᠣᠯᠠᠯ ᠭᠡᠵᠤ | ᠬᠤᠪᠢᠶᠠᠳᠠᠭ᠃ ᠪᠡᠷᠢ ᠲᠤᠰᠬᠤ ᠪᠡᠷ ᠶᠠᠪᠤᠬᠤ ᠳᠤ᠂ ᠨᠢᠭᠡᠨ | ᠠᠬᠠᠮᠠᠳ ᠬᠦᠮᠦᠨ ᠬᠦᠷᠭᠡᠨ ᠲᠠᠭᠠᠵᠤ ᠲᠤᠰᠬᠤᠨ ᠳ᠋ᠤᠨᠢ | ᠬᠦᠷᠦᠭᠰᠡᠨ ᠦ ᠳᠠᠷᠠᠭᠠ ᠰᠢᠭᠤᠳ ᠰᠢᠨᠡ ᠪᠡᠷᠢ ᠶᠢᠨ ᠭᠡᠷ ᠲᠤᠨᠢ | ᠣᠴᠢᠳᠠᠭ ᠦᠭᠡᠢ᠂ ᠬᠠᠷᠢᠨ ᠤᠷᠢᠳᠠᠪᠠᠷ ᠥᠭᠡᠷᠡ ᠨᠢᠭᠡᠨ ᠠᠶᠢᠯ ᠳᠤ | ᠤᠴᠢᠵᠤ ᠬᠦᠮᠦᠨ ᠲᠣᠮᠢᠯᠠᠨ ᠥᠬᠢᠨ ᠦ ᠭᠡᠷ ᠲᠦ ᠮᠡᠳᠡᠭᠳᠡᠵᠦ | ᠪᠡᠯᠡᠳᠬᠡᠯᠭᠡᠳᠡᠭ᠃ ᠰᠢᠨᠡ ᠪᠡᠷᠢ ᠶᠢᠨ ᠬᠢᠨ ᠲᠤᠰᠬᠠᠢ ᠨᠢᠭᠡᠨ | ᠦᠷᠦᠭᠡ ᠭᠠᠷᠭᠠᠵᠤ ᠬᠤᠷᠢᠮ ᠤᠨ ᠶᠤᠰᠤᠯᠠᠯ ᠳᠤ ᠪᠡᠯᠡᠳᠬᠡᠳ᠋ᠡᠭ | ᠂ ᠡᠨᠡ ᠬᠥ ᠭᠡᠷ ᠲᠦ ᠰᠢᠨᠡ ᠬᠦᠷᠭᠡᠨ ᠢ ᠬᠠᠮᠲᠤ ᠢᠷᠡᠭᠰᠡᠳ ᠨᠢ | ᠲᠦᠰᠢᠵᠦ ᠤᠷᠤᠭᠤᠯᠬᠤ ᠳᠤ ᠰᠢᠨᠡ ᠪᠡᠷᠢ ᠴᠤ ᠳᠠᠭᠠᠯᠳᠤᠨ ᠤᠷᠤᠵᠤ᠂ | ᠰᠢᠨᠡ ᠪᠠᠷᠢ ᠰᠢᠨᠡ ᠬᠦᠷᠭᠡᠨ ᠡᠰᠡᠷᠭᠦᠯᠡᠨ ᠰᠦᠭᠦᠳᠴᠦ᠂ | ᠬᠠᠷᠢᠯᠴᠠᠨ ᠠᠷᠢᠬᠢ ᠪᠠᠷᠢᠵᠤ ᠬᠤᠨᠳᠠᠭᠠ ᠰᠣᠯᠢᠯᠴᠠᠭᠰᠠᠨ ᠤ | ᠳᠠᠷᠠᠭᠠ᠂ ᠬᠤᠷᠢᠮ ᠤᠨ ᠳᠠᠶᠢᠯᠠᠯᠭᠠ ᠡᠬᠢᠯᠡᠳᠡᠭ᠃ | ᠤᠷᠢᠳᠠᠪᠠᠷ ᠬᠦᠢᠳᠡᠨ ᠨᠤᠭᠤᠭᠠ᠂ ᠪᠣᠤᠪᠣ ᠪᠣᠭᠤᠷᠰᠤᠭ᠂ ᠰᠢᠬᠢᠷ | ᠵᠢᠮᠢᠰ ᠵᠡᠷᠭᠡ ᠢᠳᠡᠭᠡᠨ ᠣᠷᠣᠭᠤᠯᠤᠨᠠ᠂ ᠬᠦᠢᠲᠡᠨ ᠨᠣᠭᠣᠭᠠ | ᠨᠢ ᠥᠨᠳᠡᠭᠡ᠂ ᠦᠬᠡᠷ ᠦᠨ ᠮᠢᠬᠠ᠂ ᠵᠢᠭᠠᠰᠤᠨ ᠮᠢᠬᠠ᠂ | ᠭᠠᠬᠠᠢ ᠶᠢᠨ ᠮᠢᠬᠠ᠂ ᠹᠧᠨᠲ᠋ᠢᠶᠣᠤᠷ ᠢᠶᠠᠷ ᠭᠣᠣᠯ | ᠮᠠᠲ᠋ᠧᠷᠢᠶᠠᠯ ᠪᠣᠯᠭᠠᠵᠣ ᠬᠢᠭᠰᠡᠨ ᠨᠠᠷᠠ ᠰᠠᠷᠠ ᠪᠠᠩᠵᠠᠯ ᠵᠡᠷᠭᠡ | ᠤᠯᠠᠨ ᠵᠦᠢᠯ ᠦᠨ ᠬᠡᠯᠪᠡᠷᠢ ᠲᠠᠢ ᠢᠳᠡᠭᠡᠨ ᠢ ᠣᠷᠣᠭᠤᠯᠳᠠᠭ᠃ | ᠳᠠᠶᠢᠯᠠᠯᠭᠠ ᠶᠢᠨ ᠰᠢᠷᠡᠭᠡᠨ ᠳᠤ᠂ ᠵᠣᠴᠢᠨ ᠳᠠᠶᠢᠯᠠᠳᠠᠭ | ᠬᠦᠮᠦᠰ ᠨᠢ ᠰᠢᠨᠡ ᠬᠦᠷᠭᠡᠨ ᠡᠴᠡ ᠤᠯᠠᠨ ᠵᠦᠢᠯ ᠦᠨ | ᠰᠣᠨᠢᠷᠬᠠᠯᠲᠠᠢ ᠠᠰᠠᠭᠤᠳᠠᠯ ᠠᠰᠠᠭᠤᠳᠠᠭ᠂ ᠬᠠᠷᠢᠭᠤᠯᠵᠤ | ᠲᠡᠶᠢᠯᠬᠦ ᠦᠭᠡᠢ ᠪᠣᠯ ᠰᠢᠨᠡ ᠬᠦᠷᠭᠡᠨ ᠵᠣᠭᠣᠰ ᠭᠠᠷᠭᠠᠨ | ᠶᠠᠭᠤᠮᠠ ᠬᠤᠳᠠᠯᠳᠤᠨ ᠠᠪᠴᠤ ᠥᠭᠭᠦᠨᠡ ᠃ ᠡᠶᠢᠨ ᠬᠦ ᠰᠢᠨᠡ | ᠬᠦᠷᠭᠡᠨ ᠦ ᠮᠡᠳᠡᠯᠭᠡ ᠶᠢᠨ ᠬᠢᠷᠢ ᠬᠡᠮᠵᠢᠶᠡ ᠶᠢ | ᠰᠢᠯᠭᠠᠬᠤ ᠶᠢᠨ ᠬᠠᠮᠲᠤ ᠢᠨᠢᠶᠠᠳᠤᠮ ᠱᠣᠭ ᠭᠠᠷᠭᠠᠳᠠᠭ᠃ ᠬᠤᠷᠢᠮ | ᠨᠠᠶᠢᠷ ᠲᠡᠭᠦᠰᠬᠦ ᠠᠯᠳᠠᠬᠤ ᠳᠤ︽ᠤᠷᠳᠤ ᠨᠠᠰᠤᠯᠠᠬᠤ ᠭᠤᠯᠢᠷ | ᠬᠣᠭᠣᠯᠠ︾ᠢᠳᠡᠭᠦᠯᠦᠨᠡ᠂ ᠰᠢᠨᠡ ᠬᠦᠷᠭᠡᠨ ᠦ ᠠᠶᠠᠭᠠᠨ ᠳᠤ | ᠬᠠᠯᠢᠰᠤ ᠶᠢ ᠨᠢ ᠴᠠᠭᠠᠯᠠᠭᠰᠠᠨ ᠭᠤᠷᠪᠠᠨ ᠥᠨᠳᠡᠭᠡ ᠬᠢᠵᠦ ᠰᠢᠨᠡ | ᠬᠦᠷᠭᠡᠨ ᠵᠦᠪᠬᠡᠨ ᠨᠢᠭᠡ ᠥᠨᠳᠡᠭᠡ ᠶᠢ ᠢᠳᠡᠵᠦ ᠦᠯᠡᠳᠡᠭᠰᠡᠨ | ᠬᠤᠶᠠᠷ ᠥᠨᠳᠡᠭᠡ ᠶᠢ ᠨᠢ ᠰᠢᠨᠡ ᠪᠡᠷᠢ ᠳᠤ ᠪᠠᠨ ᠥᠭᠳᠡᠭ᠃ | ᠳᠠᠶᠢᠯᠠᠯᠭᠠ ᠶᠢᠨ ᠰᠢᠷᠡᠭᠡᠨ ᠦ ᠢᠳᠡᠭᠡᠳ ᠦᠯᠡᠳᠡᠭᠰᠡᠨ | ᠵᠦᠢᠯᠡᠰ ᠢ ᠨᠢ ᠰᠢᠨᠡ ᠪᠡᠷᠢ ᠬᠠᠳᠠᠮ ᠳᠦ ᠪᠡᠨ ᠠᠪᠴᠤ | ᠶᠠᠪᠤᠳᠠᠭ᠃ ᠰᠢᠨᠡ ᠪᠡᠷᠢ ᠬᠠᠳᠠᠮ ᠳᠤ ᠮᠣᠷᠳᠠᠬᠤ ᠳᠤ ᠪᠠᠰᠠ | ᠨᠢᠭᠡᠨ ᠠᠬᠠᠮᠠᠳ ᠬᠦᠮᠥᠨ ᠪᠠᠷᠠ ᠪᠣᠯᠵᠤ ᠬᠠᠮᠳᠤ ᠶᠠᠪᠤᠳᠠᠭ᠃ | ᠰᠢᠨᠡ ᠬᠦᠷᠭᠡᠨ ᠦ ᠬᠤᠷᠢᠮ ᠤᠨ ᠳᠠᠶᠢᠯᠠᠯᠭᠠ ᠨᠢ ᠨᠡᠩ | ᠦᠪᠡᠳᠡᠭᠰᠢ ᠶᠡᠬᠡ ᠪᠡᠷ ᠶᠠᠪᠤᠭᠳᠠᠳᠠᠭ᠃ ᠰᠢᠷᠡᠭᠡᠨ ᠳᠦ | ᠡᠷᠬᠡᠪᠰᠢ ᠰᠢᠷᠠᠵᠦ ᠪᠣᠯᠭᠣᠭᠰᠠᠨ ᠵᠣᠭᠰᠣᠭᠠ ᠪᠦᠬᠦᠯᠢ | ᠡᠷᠡᠭᠴᠢᠨ ᠲᠠᠬᠢᠶᠠ︵ᠡᠷᠡᠯᠬᠡᠭ ᠴᠢᠨᠠᠷ ᠢ | ᠲᠦᠯᠦᠭᠡᠯᠡᠳᠡᠭ︶ᠣᠷᠤᠭᠤᠯᠵᠤ᠂ ᠲᠠᠬᠢᠶᠠ ᠶᠢᠨ ᠠᠮᠠᠨ ᠳᠤ | ᠤᠯᠠᠭᠠᠨ ᠯᠠᠵᠤᠤ ᠪᠣᠶᠤ ᠤᠯᠠᠭᠠᠨ ᠴᠢᠪᠠᠭᠠ︵ᠡᠷᠲᠡ ᠨᠢᠭᠡᠨ ᠡᠳᠦᠷ | ᠬᠡᠤᠬᠡᠳ ᠲᠠᠶ ᠪᠣᠯᠬᠤ ᠬᠡᠰᠡᠨ ᠰᠠᠨᠠᠭᠠ︶ᠬᠢᠳᠡᠭ᠃ | ᠳᠠᠶᠢᠯᠠᠯᠭᠠ ᠳᠤ ᠰᠢᠨᠡ ᠪᠡᠷᠢ ᠲᠦᠪᠯᠡᠭᠦᠨ ᠰᠠᠶᠢᠬᠠᠨ | ᠰᠠᠭᠤᠵᠤ ᠡᠰᠢ ᠲᠡᠰᠢ ᠬᠠᠷᠠᠵᠤ ᠦᠭᠡᠢ᠃ ᠬᠤᠷᠢᠮ ᠤᠨ ᠳᠠᠶᠢᠯᠠᠯᠭᠠ | ᠳᠠᠭᠤᠰᠴᠤ᠂ ᠰᠢᠨᠡ ᠭᠡᠷ ᠲᠦ ᠣᠷᠤᠬᠤ ᠳᠤ ᠳᠠᠭᠤᠤ ᠪᠦᠵᠢᠭ ᠦᠨ | ᠤᠷᠠᠨ ᠰᠠᠶᠢᠬᠠᠨ ᠦ ᠲᠣᠭᠯᠠᠭᠠᠮ ᠭᠠᠷᠭᠠᠳᠠᠭ᠂ ᠦᠳᠡᠰᠢ ᠨᠢ | ᠰᠢᠨᠡ ᠬᠤᠷᠢᠮᠯᠠᠭᠰᠠᠨ ᠬᠣᠶᠠᠷ ᠢ ᠱᠣᠭᠯᠠᠨ ᠦᠢᠮᠡᠭᠦᠯᠵᠤ᠂ | ᠤᠯᠠᠨ ᠢᠶᠠᠷ ᠢᠶᠠᠨ ᠰᠢᠨᠡ ᠬᠦᠷᠭᠡᠨ ᠦ ᠬᠥᠯ ᠦᠨ ᠤᠯᠠ ᠶᠢ ᠨᠢ | ᠴᠣᠬᠢᠵᠤ ᠪᠠᠶᠢᠭᠠᠳ ᠰᠢᠨᠡ ᠪᠡᠷᠢ ᠶᠢ ᠠᠯᠪᠠ ᠪᠠᠷ ᠰᠠᠶᠢᠬᠠᠨ | ᠦᠭᠡ ᠬᠡᠯᠡᠭᠦᠯᠵᠦ ᠰᠢᠬᠢᠷ ᠪᠣᠤᠪᠣ ᠠᠷᠢᠬᠢ ᠵᠡᠷᠭᠡ ᠶᠢ ᠠᠪᠳᠠᠭ᠃ | ᠡᠭᠦᠨ ᠦ ᠳᠠᠷᠠᠭᠠ᠂ ᠰᠢᠨᠡ ᠪᠡᠷᠢ ᠶᠢᠨ ᠪᠠᠷᠠ | ᠪᠣᠯᠣᠭᠴᠢ ᠠᠴᠠ ᠰᠢᠨᠡ ᠬᠤᠷᠢᠮᠯᠠᠭᠰᠠᠨ ᠬᠣᠶᠠᠷ ᠤᠨ ᠤᠷᠤ | ᠳᠡᠪᠢᠰᠭᠡᠷ ᠢ ᠨᠢ ᠳᠡᠪᠢᠰᠦᠨᠡ᠃ ᠡᠷᠡ ᠡᠮᠡ ᠬᠤᠶᠠᠷ ᠣᠷᠣᠨ | ᠳᠡᠭᠡᠷᠡ ᠭᠠᠷᠬᠤ ᠠᠴᠠ ᠡᠮᠦᠨᠡ᠂ ᠰᠢᠨᠡ ᠬᠦᠷᠭᠡᠨ ᠨᠢ | ᠡᠷᠬᠡᠪᠰᠢ ᠰᠢᠨᠡ ᠪᠡᠷᠢ ᠶᠢᠨ ᠴᠡᠭᠡᠵᠢᠨ ᠡᠮᠦᠨᠡᠬᠢ ᠬᠤᠪᠴᠠᠰᠤᠨ | ᠪᠦᠰᠡ ᠪᠣᠯᠣᠨ ᠪᠣᠢ ᠪᠦᠬᠦᠢ ᠲᠤᠪᠴᠢ ᠶᠢ ᠨᠢ ᠲᠠᠶᠢᠯᠤᠨ ᠦᠭᠴᠦ | ᠦᠨᠡᠨᠴᠢ ᠰᠡᠳᠬᠢᠯᠭᠡ ᠪᠡᠨ ᠢᠯᠡᠷᠡᠭᠦᠯᠳᠡᠭ᠃ ᠰᠢᠨᠡ ᠪᠡᠷᠢ ᠨᠢ | ᠬᠣᠷᠢᠮᠯᠠᠭᠰᠠᠨ ᠤ ᠳᠠᠷᠠᠭᠠᠬᠢ ᠭᠤᠷᠪᠠᠳᠤᠭᠠᠷ ᠡᠳᠦᠷ ᠡᠴᠡ | ᠡᠬᠢᠯᠡᠵᠦ ᠠᠵᠢᠯ ᠬᠢᠨᠡ᠃ ᠠᠩᠬᠠ ᠤᠳᠠᠭᠠ ᠶᠢᠨ | ᠪᠤᠳᠠᠭᠠ ᠪᠠᠨ ᠲᠦᠷᠬᠦᠮ ᠡᠴᠡ ᠪᠡᠨ ᠠᠪᠴᠢᠷᠠᠭᠰᠠᠨ | ᠪᠤᠳᠠᠭᠠ ᠪᠠᠷ ᠴᠢᠨᠠᠵᠤ᠂ ᠪᠤᠳᠠᠭᠠ ᠪᠠᠨ ᠢᠳᠡᠭᠰᠡᠨ ᠦ | ᠳᠠᠷᠠᠭᠠ᠂ ᠲᠦᠷᠦᠯ ᠰᠠᠳᠤᠨ ᠲᠠᠢ ᠪᠠᠨ ᠲᠠᠨᠢᠯᠴᠠᠨᠠ᠃ ᠰᠢᠨᠡ | ᠪᠠᠷᠢ ᠭᠡᠷ ᠦᠨ ᠠᠬᠠᠮᠠᠳ ᠲᠤ ᠠᠷᠢᠬᠢ ᠪᠠᠷᠢᠵᠤ ᠰᠦᠭᠦᠳᠦᠨ ᠶᠡᠭᠡ | ᠶᠤᠰᠤ ᠭᠦᠢᠴᠡᠳᠬᠡᠳᠡᠭ ᠪᠦᠭᠡᠳ ᠲᠦᠷᠬᠦᠮ ᠡᠴᠡ ᠪᠡᠨ | ᠠᠪᠴᠢᠷᠠᠭᠰᠠᠨ ᠪᠡᠯᠡᠭ︵ᠬᠤᠪᠴᠠᠰᠤ ᠬᠤᠨᠠᠷ ᠱᠠᠬᠠᠢ ᠤᠶᠢᠮᠤᠰᠤ | ᠵᠡᠷᠭᠡ︶ ᠢᠶᠡᠨ ᠤᠯᠠᠨ ᠳᠤ ᠥᠭᠭᠦᠨᠡ᠂ ᠬᠠᠳᠠᠮ ᠤᠨ ᠭᠡᠷ ᠦᠨ | ᠬᠢᠨ ᠴᠦ ᠰᠢᠨᠡ ᠪᠡᠷᠢ ᠳᠦ ᠬᠠᠷᠢᠭᠤ ᠪᠡᠯᠡᠭ ᠥᠭᠳᠡᠭ᠃ | | |