| ᠲᠣᠭᠤᠷᠢᠭ ᠤᠨ ᠵᠠᠰᠠᠭ ᠤᠨ ᠣᠷᠳᠣᠨ ᠤ ᠪᠠᠶᠢᠭᠠ ᠭᠠᠵᠠᠷ ᠠᠴᠠ ᠵᠡᠭᠦᠨ ᠬᠤᠶᠢᠰᠢ 10 ᠺᠢᠯᠣᠮᠧᠲᠷ ᠵᠠᠶᠢᠲᠠᠢ ᠪᠠᠶᠢᠷᠢᠯᠠᠵᠤ ᠪᠤᠢ᠂ ᠲᠡᠦᠬᠡᠨ ᠳᠡᠭᠡᠷᠡ ᠨᠢᠭᠡᠨ | ᠪᠠᠭᠠ ᠲᠣᠰᠬᠤᠨ ᠪᠠᠶᠢᠵᠠᠢ᠂ 1979 ᠣᠨ ᠳᠤ ᠫᠢᠩᠵᠤᠸᠠᠩ ᠤᠨ ᠠᠭᠤᠷᠬᠠᠢ ᠶᠢᠨ ᠶᠠᠪᠤᠳᠠᠯ ᠤᠨ ᠲᠣᠪᠴᠢᠶᠠ ᠨᠢ ᠹᠧᠩ ᠱᠦᠢ ᠭᠧᠦ ᠶᠢᠨ ᠨᠡᠭᠦᠷᠡᠰᠦᠨ ᠠᠭᠤᠷᠬᠠᠢ ᠶᠢ | ᠨᠡᠭᠡᠭᠡᠭᠰᠡᠨ ᠤ ᠳᠠᠷᠠᠭᠠ᠂ ᠪᠠᠭᠠ ᠪᠠᠯᠭᠠᠰᠤ ᠪᠣᠯᠵᠤ᠂ 1987 ᠣᠨ ᠤ 7 ᠰᠠᠷᠠ ᠳᠤ ᠪᠠᠯᠭᠠᠰᠤ ᠪᠠᠶᠢᠭᠤᠯᠵᠤ᠂ ᠬᠠᠷᠢᠶᠠᠨ ᠳᠤ ᠨᠢ 2 ᠲᠣᠰᠬᠤᠨ᠂ 7 ᠰᠠᠭᠤᠭᠠᠯᠢ | ᠠᠷᠠᠳ ᠤᠨ ᠵᠥᠪᠯᠡᠯ᠂ 22 ᠠᠶᠢᠯ᠂ 34 ᠳᠤᠭᠤᠶᠢᠯᠠᠩ ᠲᠠᠢ ᠪᠣᠯᠵᠠᠢ᠃ | ᠠᠭᠤᠷᠬᠠᠢ ᠨᠡᠭᠡᠭᠡᠬᠦ ᠠᠴᠠ ᠡᠮᠦᠨᠡ᠂ ᠬᠤᠶᠢᠨᠠᠬᠢ ᠯᠣᠣ ᠭᠥᠩ ᠶᠢᠩᠽᠢ ᠪᠣᠯᠤᠨ ᠡᠮᠦᠨᠡᠬᠢ ᠹᠧᠩ ᠱᠦᠢ ᠭᠧᠦ ᠶᠢᠨ ᠳᠤᠮᠳᠠᠬᠢ ᠠᠲᠠᠷ ᠨᠢᠭᠡ ᠬᠡᠰᠡᠭ ᠭᠠᠵᠠᠷ | ᠪᠠᠶᠢᠵᠠᠢ᠃ ᠡᠳᠦᠭᠡ ᠠᠰᠠᠷ ᠣᠯᠠᠰᠢᠷᠠᠵᠤ ᠵᠠᠮ ᠮᠦᠷ ᠰᠦᠯᠵᠢᠯᠳᠦᠵᠦ᠂ ᠵᠡᠭᠡᠯᠢ ᠨᠢ ᠵᠢᠩ ᠲᠥᠩ ᠲᠡᠮᠦᠷ ᠵᠠᠮ ᠪᠣᠯᠣᠨ ᠠᠭᠤᠷᠬᠠᠢ ᠶᠢᠨ ᠣᠷᠣᠨ ᠤ ᠲᠡᠮᠦᠷ ᠵᠠᠮ ᠳᠤ | ᠬᠤᠶᠠᠷ ᠬᠡᠰᠡᠭ ᠬᠤᠪᠢᠶᠠᠭᠳᠠᠭᠰᠠᠨ ᠪᠠᠶᠢᠨᠠ᠃ ᠵᠡᠭᠦᠨ ᠲᠠᠯᠠ ᠨᠢ ᠠᠭᠤᠷᠬᠠᠢ ᠶᠢᠨ ᠣᠷᠣᠨ᠂ ᠪᠠᠷᠠᠭᠤᠨ ᠲᠠᠯᠠ ᠨᠢ ᠪᠠᠯᠭᠠᠰᠤᠨ ᠤ ᠵᠠᠰᠠᠭ ᠤᠨ ᠣᠷᠳᠣᠨ ᠤ ᠬᠡᠰᠡᠭ᠂ | ᠠᠭᠤᠷᠬᠠᠢ ᠶᠢᠨ ᠣᠷᠣᠨ ᠳᠤ 2 ᠵᠤᠷᠪᠤᠰ ᠭᠤᠣᠯ ᠵᠠᠮ᠂ 3 ᠵᠤᠷᠪᠤᠰ ᠳᠡᠳ᠋ ᠵᠠᠮ ᠲᠠᠢ᠃ ᠠᠭᠤᠷᠬᠠᠢ ᠶᠢᠨ ᠡᠮᠦᠨᠡ ᠵᠠᠮ ᠨᠢ 1981 ᠣᠨ ᠳᠤ ᠲᠠᠯᠪᠢᠭᠳᠠᠵᠠᠢ᠂ ᠤᠷᠲᠤ | ᠨᠢ 2000 ᠮᠧᠲᠷ᠂ ᠥᠷᠭᠡᠨ ᠨᠢ 7 ᠮᠧᠲᠷ᠂ 1984 ᠣᠨ ᠳᠤ ᠲᠣᠰᠣᠨ ᠵᠠᠮ ᠳᠡᠪᠢᠰᠦᠭᠰᠡᠨ ᠪᠠᠶᠢᠨᠠ᠃ ᠠᠵᠢᠯᠴᠢᠨ ᠤ ᠲᠣᠰᠬᠤᠨ ᠤ ᠵᠠᠮ ᠨᠢ 1985 ᠣᠨ ᠳᠤ | ᠲᠠᠯᠪᠢᠭᠳᠠᠵᠠᠢ᠂ ᠤᠷᠲᠤ ᠨᠢ 1900 ᠮᠧᠲᠷ᠂ ᠥᠷᠭᠡᠨ ᠨᠢ 7 ᠮᠧᠲᠷ᠂ 1987 ᠣᠨ ᠳᠤ ᠼᠧᠮᠧᠨ᠋ᠲ ᠵᠠᠮ ᠳᠠᠪᠢᠰᠴᠠᠢ᠂ ᠪᠤᠰᠤᠳ ᠳᠡᠳ᠋ ᠵᠠᠮ ᠤᠨ ᠥᠷᠭᠡᠨ ᠨᠢ | ᠴᠥᠮ 7 ᠮᠧᠲᠷ᠃ ᠵᠠᠰᠠᠭ ᠤᠨ ᠣᠷᠳᠣᠨ ᠤ ᠬᠡᠰᠡᠭ ᠨᠢ ᠡᠮᠦᠨᠡᠰᠢ ᠤᠮᠠᠷᠠᠰᠢ᠂ ᠵᠡᠭᠦᠨᠰᠢ ᠪᠠᠷᠠᠭᠤᠨᠰᠢ ᠲᠤᠰᠪᠦᠷᠢ 2 ᠵᠤᠷᠪᠤᠰ ᠵᠠᠮ ᠢᠶᠠᠷ ᠪᠦᠷᠢᠯᠳᠦᠭᠰᠡᠨ ᠪᠠᠶᠢᠨᠠ᠃ | ᠭᠤᠣᠯ ᠵᠠᠮ ᠨᠢ ᠵᠡᠭᠦᠨᠰᠢ ᠪᠠᠷᠠᠭᠤᠨᠰᠢ ᠴᠢᠭᠯᠡᠯ ᠲᠠᠢ᠂ ᠤᠷᠲᠤ ᠨᠢ 1100 ᠮᠧᠲᠷ᠂ ᠥᠷᠭᠡᠨ ᠨᠢ 8 ᠮᠧᠲᠷ᠂ 1984 ᠣᠨ ᠳᠤ ᠲᠣᠰᠣᠨ ᠵᠠᠮ ᠪᠣᠯᠭᠠᠨ | ᠳᠡᠪᠢᠰᠦᠭᠰᠡᠨ ᠪᠠᠶᠢᠨᠠ᠂ ᠬᠤᠳᠠᠯᠳᠤᠭᠠᠨ ᠤ ᠵᠡᠭᠡᠯᠢ ᠨᠢ ᠡᠮᠦᠨᠡᠰᠢ ᠤᠮᠠᠷᠠᠰᠢ ᠴᠢᠭᠯᠡᠯ ᠲᠠᠢ᠂ 1988 ᠣᠨ ᠳᠤ ᠪᠦᠷᠢᠯᠳᠦᠵᠡᠢ᠂ ᠤᠷᠲᠤ ᠨᠢ 300 ᠮᠧᠲᠷ᠂ ᠨᠠᠭᠠᠲᠤ | ᠵᠠᠮ ᠤᠨ ᠱᠤᠭᠤᠮ ᠨᠢ 48 ᠮᠧᠲᠷ᠂ ᠵᠠᠮ ᠤᠨ ᠤᠷᠲᠤ ᠨᠢ 10 ᠮᠧᠲᠷ᠂ ᠰᠢᠷᠣᠢ ᠶᠢᠨ ᠵᠠᠮ᠃ ᠦᠯᠡᠳᠡᠭᠰᠡᠨ 2 ᠵᠤᠷᠪᠤᠰ ᠳᠡᠳ᠋ ᠵᠠᠮ ᠤᠨ ᠥᠷᠭᠡᠨ ᠨᠢ 7 ᠮᠧᠲᠷ᠂ | ᠴᠥᠮ 1982 ᠣᠨ ᠳᠤ ᠲᠠᠯᠪᠢᠭᠳᠠᠵᠠᠢ᠃ ᠠᠵᠢᠯᠴᠢᠨ ᠤ ᠲᠣᠰᠬᠤᠨ ᠤ ᠵᠠᠮ ᠳᠤ 1987 ᠣᠨ ᠳᠤ ᠴᠢᠯᠠᠭᠤ ᠪᠠᠷ ᠵᠡᠷᠭᠡᠯᠡᠭᠰᠡᠨ ᠤᠰᠤ ᠭᠠᠳᠠᠭᠰᠢᠯᠠᠭᠤᠯᠬᠤ ᠰᠤᠪᠠᠭ | 1900 ᠮᠧᠲᠷ ᠵᠠᠰᠠᠭᠰᠠᠨ ᠠᠴᠠ ᠭᠠᠳᠠᠨᠠ᠂ ᠪᠤᠰᠤᠳ ᠨᠢ ᠴᠥᠮ ᠠᠶᠠᠨᠳᠠᠭᠠᠨ ᠤᠰᠤ ᠲᠠᠲᠠᠷᠠᠭᠤᠯᠳᠠᠭ᠃ 1986 ᠣᠨ ᠳᠤ ᠠᠭᠤᠷᠬᠠᠢ ᠶᠢᠨ ᠡᠮᠦᠨᠡ ᠵᠠᠮ ᠢᠶᠠᠷ | ᠥᠨᠳᠥᠷ ᠬᠦᠴᠦᠳᠡᠯᠲᠦ ᠮᠥᠩᠭᠦᠨ ᠤᠰᠤᠨ ᠳ᠋ᠧᠩ 61 ᠤᠭᠰᠠᠷᠠᠭᠰᠠᠨ ᠪᠠᠶᠢᠨᠠ᠃ 1988 ᠣᠨ ᠳᠤ 30 ᠠᠵᠢᠯᠴᠢᠨ ᠲᠠᠢ ᠴᠡᠪᠡᠷᠯᠡᠬᠦ ᠠᠩᠭᠢ ᠶᠢ ᠪᠠᠶᠢᠭᠤᠯᠵᠤ᠂ | 68 ᠬᠤᠭ ᠤᠨ ᠬᠠᠶᠢᠷᠴᠠᠭ ᠲᠣᠬᠢᠷᠠᠭᠤᠯᠵᠤ᠂ ᠨᠡᠶᠢᠲᠡ ᠶᠢᠨ ᠵᠣᠷᠯᠣᠩ 3 ᠪᠠᠶᠢᠭᠤᠯᠤᠭᠰᠠᠨ ᠪᠠᠶᠢᠨᠠ᠂ ᠪᠠᠶᠢᠭᠤᠯᠭᠠ ᠪᠠ ᠰᠠᠭᠤᠭᠠᠯᠢ ᠠᠷᠠᠳ ᠴᠥᠮ ᠨᠡᠭᠦᠷᠡᠰᠦᠨ | ᠠᠭᠤᠷᠬᠠᠢ ᠶᠢᠨ ᠲᠦᠭᠡᠭᠡᠯ ᠤᠰᠤ ᠶᠢ ᠬᠡᠷᠡᠭᠡᠯᠳᠡᠭ ᠪᠠᠶᠢᠨᠠ᠃ | ᠪᠠᠯᠭᠠᠰᠤᠨ ᠤ ᠬᠡᠰᠡᠭ ᠤᠨ ᠭᠡᠷ ᠪᠠᠶᠢᠰᠢᠩ ᠢ 1986 ᠣᠨ ᠠᠴᠠ ᠰᠡᠭᠦᠯᠡᠷ ᠡᠬᠢᠯᠡᠨ ᠪᠠᠶᠢᠭᠤᠯᠵᠠᠢ᠂ 12508 ᠲᠡᠭᠰᠢ ᠳᠥᠷᠪᠡᠯᠵᠢᠨ ᠮᠧᠲᠷ ᠪᠠᠶᠢᠵᠤ᠂ ᠴᠥᠮ | ᠲᠣᠭᠤᠰᠬᠠ ᠮᠣᠳᠣᠨ ᠪᠥᠳᠥᠴᠡ ᠪᠠ ᠬᠤᠯᠢᠮᠠᠭ ᠪᠦᠲᠦᠴᠡ ᠲᠠᠢ᠃ ᠹᠧᠩ ᠱᠦᠢ ᠭᠧᠦ ᠠᠭᠤᠷᠬᠠᠢ ᠶᠢᠨ ᠣᠷᠣᠨ ᠳᠤ 15.7 ᠲᠦᠮᠡᠨ ᠲᠡᠭᠰᠢ ᠳᠥᠷᠪᠡᠯᠵᠢᠨ ᠮᠧᠲᠷ | ᠭᠡᠷ ᠪᠠᠶᠢᠰᠢᠩ ᠲᠠᠢ᠂ ᠴᠥᠮ ᠲᠣᠭᠤᠰᠬᠠ ᠮᠣᠳᠣ ᠪᠣᠶᠤ ᠬᠤᠯᠢᠮᠠᠭ ᠪᠦᠲᠦᠴᠡ ᠲᠠᠢ᠂ ᠡᠭᠦᠨ ᠳᠤ ᠠᠰᠠᠷ ᠨᠢ 12 ᠲᠦᠮᠡᠨ ᠲᠡᠭᠰᠢ ᠳᠥᠷᠪᠡᠯᠵᠢᠨ ᠮᠧᠲᠷ ᠡᠵᠡᠯᠡᠵᠦ | ᠪᠠᠶᠢᠪᠠ᠃ ᠨᠡᠭᠦᠷᠡᠰᠦᠨ ᠠᠭᠤᠷᠬᠠᠢ ᠨᠢ 1985 ᠣᠨ ᠤ 11 ᠰᠠᠷᠠ ᠳᠤ ᠠᠰᠢᠭᠯᠠᠯᠲᠠ ᠳᠤ ᠣᠷᠣᠵᠤ᠂ ᠵᠢᠯ ᠤᠨ ᠭᠠᠷᠤᠯᠲᠠ ᠨᠢ 90 ᠲᠦᠮᠡᠨ ᠲᠣᠨ᠂ ᠠᠵᠢᠯᠴᠢᠨ | 2943 ᠬᠥᠮᠥᠨ ᠪᠠᠶᠢᠪᠠ᠃ | | | |