| ᠷᠠᠰᠢᠫᠣᠩᠰᠣᠭ᠂ ᠮᠣᠩᠭᠣᠯ ᠦᠨᠳᠦᠰᠦᠲᠡᠨ ᠂ ᠪᠣᠷᠵᠢᠭᠢᠳ | ᠣᠪᠣᠭᠲᠠᠢ ᠂ 1755 ᠣᠨ ᠳᠤ ᠪᠠᠭᠠᠷᠢᠨ ᠪᠠᠷᠠᠭᠤᠨ ᠭᠠᠷᠤᠨ | ᠬᠣᠰᠢᠭᠤᠨ ᠳᠤ ᠲᠥᠷᠥᠵᠡᠢ᠂ ᠭᠤᠳᠠᠭᠠᠷ ᠡᠭᠦᠳᠡᠨ ᠦ ᠲᠠᠶᠢᠵᠢ ᠂ | ᠡᠴᠢᠭᠡ ᠶᠢᠨ ᠨᠡᠷᠡ ᠨᠢ ᠰᠡᠷᠡᠩᠳᠣᠷᠵᠢ ᠭᠡᠳᠡᠭ ᠃ | ᠷᠠᠰᠢᠫᠣᠩᠰᠣᠭ ᠢ ᠪᠠᠭᠠ ᠪᠠᠶᠢᠬᠤ ᠳᠦ ᠡᠪᠦᠭᠡ ᠪᠠᠯᠵᠤᠤᠷ ᠨᠢ | ᠪᠠᠭᠠᠷᠢᠨ ᠪᠠᠷᠠᠭᠤᠨ ᠭᠠᠷᠤᠨ ᠬᠣᠰᠢᠭᠤᠨ ᠤ ᠲᠤᠰᠠᠯᠠᠭᠴᠢ | ᠲᠦᠰᠢᠮᠡᠯ ᠪᠠᠶᠢᠭᠰᠠᠨ ᠪᠣᠯᠬᠣᠷ ᠷᠠᠰᠢᠫᠣᠩᠰᠣᠭ ᠸᠠᠩ ᠤᠨ | ᠬᠦᠷᠢᠶᠡ ᠶᠢᠨ ᠪᠢᠴᠢᠭᠡᠴᠢ ᠶᠢᠨ ᠰᠣᠷᠭᠠᠭᠤᠯᠢ ᠳᠤ ᠪᠢᠴᠢᠭ | ᠰᠤᠷᠴᠤ ᠪᠠᠶᠢᠵᠠᠢ᠃ ᠲᠡᠷᠡ ᠪᠠᠭᠠ ᠠᠴᠠ ᠪᠠᠨ ᠬᠤᠷᠴᠠ | ᠰᠡᠷᠭᠦᠯᠡᠩ ᠂ ᠰᠤᠷᠬᠤ ᠳᠦ ᠪᠠᠬᠠᠲᠠᠢ ᠪᠣᠯᠬᠣᠷ ᠬᠣᠵᠢᠮ ᠨᠢ | ᠮᠣᠩᠭᠣᠯ᠂ ᠮᠠᠨᠵᠤ᠂ ᠬᠢᠲᠠᠳ ᠦᠨᠳᠦᠰᠦᠲᠡᠨ᠂ ᠲᠥᠪᠡᠳ ᠤᠢᠰᠦᠭ | ᠪᠢᠴᠢᠭ ᠲᠤ ᠴᠥᠮ ᠨᠡᠪᠲᠡᠷᠡᠵᠡᠢ᠃ | ᠴᠢᠩ ᠤᠯᠤᠰ ᠤᠨ ᠲᠩᠷᠢ ᠲᠡᠳᠬᠦᠭᠴᠢ ᠶᠢᠨ ᠭᠤᠴᠢᠨ ᠳᠣᠯᠣᠳᠤᠭᠠᠷ | ᠣᠨ （ 1772 ᠣᠨ） ᠳᠤ ᠪᠠᠯᠵᠤᠤᠷ ᠲᠤᠰᠠᠯᠠᠭᠴᠢ ᠨᠠᠶᠠ ᠭᠠᠷᠴᠤ᠂ | ᠪᠠᠭᠠᠷᠢᠨ ᠪᠠᠷᠠᠭᠤᠨ ᠭᠠᠷᠤᠨ ᠬᠣᠰᠢᠭᠤᠨ ᠤ ᠬᠣᠰᠢᠭᠤ ᠵᠠᠰᠠᠭ | ᠪᠠᠲᠤ ᠳᠤ ᠲᠤᠰᠢᠶᠠᠯ ᠠᠴᠠ ᠪᠠᠨ ᠪᠠᠭᠤᠬᠤ ᠪᠠᠷ | ᠭᠤᠶᠤᠴᠢᠯᠠᠭᠰᠠᠨ ᠪᠥᠭᠡᠳ ᠣᠮᠪᠣᠯᠣ ᠬᠦᠦ ᠷᠠᠰᠢᠫᠣᠩᠰᠣᠭ ᠢᠶᠠᠨ | ᠬᠣᠰᠢᠭᠤ ᠲᠤᠰᠠᠯᠠᠭᠴᠢ ᠵᠠᠯᠭᠠᠮᠵᠢᠯᠠᠨ ᠡᠷᠭᠦᠮᠵᠢᠯᠡᠬᠦ ᠪᠠᠷ | ᠲᠠᠨᠢᠯᠴᠠᠭᠤᠯᠵᠠᠢ᠃ ᠪᠠᠲᠤ ᠷᠸᠾᠧ ᠶᠢᠨ ᠵᠤᠰᠠᠭᠠᠯ ᠣᠷᠳᠣᠨ ᠳᠤ | ᠣᠴᠢᠵᠤ ᠬᠠᠭᠠᠨ ᠳᠤ ᠪᠠᠷᠠᠳᠠᠬᠤ ᠦᠶᠡ ᠳᠦ ᠲᠡᠭᠦᠨ ᠢ | ᠳᠠᠭᠠᠭᠤᠯᠤᠨ ᠣᠴᠢᠵᠠᠢ᠂ ᠢᠩᠬᠢᠭᠡᠳ ᠲᠩᠷᠢ ᠲᠡᠳᠬᠦᠭᠴᠢ ᠬᠠᠭᠠᠨ ᠤ | ᠰᠣᠶᠣᠷᠬᠠᠯ ᠢ ᠬᠦᠷᠲᠡᠵᠦ ᠬᠣᠰᠢᠭᠤ ᠲᠤᠰᠠᠯᠠᠭᠴᠢ ᠶᠢᠨ | ᠲᠤᠰᠢᠶᠠᠯ ᠢ ᠵᠠᠯᠭᠠᠮᠵᠢᠯᠠᠵᠠᠢ᠃ ᠲᠤᠰᠢᠶᠠᠯ ᠳᠤ ᠪᠠᠶᠢᠬᠤ | ᠬᠤᠭᠤᠴᠠᠭᠠᠨ ᠳᠠᠭᠠᠨ ᠪᠡᠭᠡᠵᠢᠩ ᠦᠨ ᠨᠠᠶᠢᠷᠠᠯᠲᠤ | ᠨᠠᠶᠢᠷᠠᠮᠳᠠᠭᠤ ᠰᠦᠮᠡ ᠳᠦ ᠬᠦᠷᠴᠦ ᠲᠥᠪᠡᠳ ᠨᠣᠮ ᠰᠤᠷᠴᠠᠢ᠃ | ᠷᠠᠰᠢᠫᠣᠩᠰᠣᠭ ᠨᠢᠭᠡ ᠨᠠᠰᠤᠨ ᠳᠠᠭᠠᠨ ᠮᠣᠩᠭᠣᠯ ᠤᠨ | ᠲᠡᠦᠬᠡ ᠶᠢ ᠰᠡᠳᠬᠢᠯ ᠢᠶᠡᠨ ᠲᠥᠪᠯᠡᠷᠡᠭᠦᠯᠦᠨ ᠰᠣᠳᠤᠯᠤᠭᠰᠠᠨ | ᠮᠦᠷᠲᠡᠭᠡᠨ ᠨᠠᠶᠢᠷᠠᠭᠤᠯᠤᠨ ᠡᠮᠬᠢᠳᠬᠡᠵᠡᠢ᠃ ᠲᠩᠷᠢ | ᠲᠡᠳᠬᠦᠭᠴᠢ ᠶᠢᠨ ᠳᠥᠴᠢᠨ ᠣᠨ（ 1775 ᠣᠨ ） ᠳᠤ 20 | ᠨᠠᠰᠤᠲᠠᠶ ᠳᠠᠭᠠᠨ ᠮᠣᠩᠭᠣᠯ ᠤᠨ ᠣᠨ ᠳᠠᠷᠠᠭᠠᠯᠠᠭᠰᠠᠨ | ᠲᠡᠦᠬᠡ ᠶᠢᠨ ᠠᠪᠤᠷᠭᠤ ᠪᠦᠲᠦᠭᠡᠯ《ᠪᠣᠯᠣᠷ ᠡᠷᠢᠬᠡ 》 ᠶᠢ | ᠵᠣᠬᠢᠶᠠᠨ ᠪᠦᠳᠦᠭᠡᠵᠡᠢ᠃ ᠲᠩᠷᠢ ᠲᠡᠳᠬᠦᠭᠴᠢ ᠶᠢᠨ ᠭᠤᠴᠢᠨ | ᠳᠣᠯᠣᠳᠤᠭᠠᠷ ᠣᠨ （ 1772 ᠣᠨ ）ᠡᠴᠡ ᠲᠩᠷᠢ ᠲᠡᠳᠬᠦᠭᠴᠢ ᠶᠢᠨ ᠳᠥᠴᠢᠨ | ᠣᠨ ᠬᠦᠷᠲᠡᠯᠡ ᠪᠠᠰᠠ 《 ᠰᠢᠷᠡᠭᠡᠲᠦ ᠭᠦᠦᠰᠢ ᠴᠣᠷᠵᠢ ᠶᠢᠨ | ᠢᠵᠠᠭᠤᠷ ᠤᠨ ᠪᠯᠠᠮᠠ ᠭᠡᠯᠢᠭᠵᠠᠯᠰᠠᠨ ᠰᠠᠢᠢᠨᠴᠣᠭᠲᠤ | ᠭᠡᠭᠡᠨ ᠦ ᠨᠠᠮᠲᠠᠷ ᠰᠦᠰᠦᠭ ᠦᠨ ᠡᠭᠦᠳᠡ ᠶᠢ ᠨᠡᠭᠡᠭᠡᠭᠴᠢ | ᠣᠷᠣᠰᠢᠪᠠᠢ 》 ᠬᠡᠮᠡᠬᠦ ᠨᠣᠮ ᠢ ᠨᠠᠶᠢᠷᠠᠭᠤᠯᠤᠨ ᠪᠢᠴᠢᠵᠡᠢ᠃ | 《 ᠪᠣᠯᠣᠷ ᠡᠷᠢᠬᠡ》 ᠪᠣᠯ ᠷᠠᠰᠢᠫᠣᠩᠰᠣᠭ ᠤᠨ ᠲᠥᠯᠥᠭᠡᠯᠡᠭᠴᠢ | ᠪᠦᠲᠦᠭᠡᠯ ᠶᠤᠮ᠃ ᠲᠤᠰ ᠨᠣᠮ ᠤᠨ ᠬᠠᠭᠤᠳᠠᠰᠤ ᠬᠡᠪᠴᠢᠶᠡ ᠨᠢ | ᠠᠤᠭᠠ ᠶᠡᠬᠡ᠂ ᠪᠢᠴᠢᠯᠭᠡ ᠬᠡᠯᠪᠡᠷᠢ ᠨᠢ ᠨᠠᠷᠢᠨ ᠨᠢᠭᠲᠠ᠂ | ᠤᠳᠬᠠ ᠠᠭᠤᠯᠭᠠ ᠨᠢ ᠨᠠᠷᠢᠨ ᠪᠣᠳᠠᠲᠠᠢ᠂ ᠦᠭᠡ ᠦᠭᠦᠯᠡᠪᠦᠷᠢ ᠨᠢ | ᠴᠡᠪᠡᠷ ᠠᠪᠰᠠᠷᠬᠠᠨ ᠪᠠᠶᠢᠳᠠᠭ ᠃ ᠲᠡᠷᠡ ᠡᠨᠡ ᠬᠦ | ᠪᠦᠲᠦᠭᠡᠯ ᠢᠶᠡᠷ ᠢᠶᠡᠨ ᠳᠠᠮᠵᠢᠭᠤᠯᠤᠨ ᠮᠣᠩᠭᠣᠯ ᠤᠨ ᠲᠡᠦᠬᠡ | ᠰᠤᠳᠤᠯᠭᠠᠨ ᠤ ᠲᠠᠯᠠ ᠪᠠᠷ ᠮᠠᠰᠢ ᠤᠯᠠᠨ ᠥᠪᠡᠷᠮᠢᠴᠡ | ᠦᠵᠡᠯᠲᠡ ᠪᠡᠨ ᠳᠤᠷᠠᠳᠴᠤ ᠵᠠᠷᠢᠮ ᠢ ᠨᠢ ᠲᠤᠰᠬᠠᠶ ᠥᠭᠦᠯᠡᠯ | ᠪᠣᠯᠭᠠᠨ ᠪᠢᠴᠢᠭᠰᠡᠨ ᠪᠠᠶᠢᠨᠠ᠃ ᠴᠢᠩᠭᠢᠰ ᠬᠠᠭᠠᠨ ᠦ | ᠬᠣᠵᠢᠮ ᠤᠨ ᠤᠳᠤᠮ ᠤᠭᠰᠠᠭᠠ ᠬᠣᠶᠢᠴᠢᠰ ᠤᠨ ᠵᠢᠭᠰᠠᠯ ᠢ ᠣᠨᠴᠠ | ᠪᠦᠷᠢᠨ ᠪᠦᠲᠦᠨ ᠢᠶᠡᠷ ᠲᠡᠮᠳᠡᠭᠯᠡᠵᠦ ᠮᠣᠩᠭᠣᠯ ᠤᠨ ᠣᠨ | ᠳᠠᠷᠠᠭᠠᠯᠠᠭᠰᠠᠨ ᠲᠡᠦᠬᠡ ᠶᠢᠨ ᠲᠦᠷᠦᠯ ᠬᠡᠯᠪᠡᠷᠢ ᠶᠢ | ᠲᠡᠭᠦᠯᠳᠡᠷᠵᠢᠭᠦᠯᠵᠡᠢ᠃ ᠡᠨᠡ ᠪᠢᠴᠢᠭ ᠨᠢ ᠣᠷᠣᠰᠢᠯ ᠪᠣᠯᠤᠨ | ᠲᠠᠪᠤᠨ ᠲᠤᠰᠬᠠᠶ ᠪᠦᠯᠦᠭ ᠢᠶᠡᠷ ᠪᠦᠷᠢᠯᠳᠦᠵᠦ᠂ | ᠣᠷᠣᠰᠢᠯ ᠳᠠᠭᠠᠨ ᠲᠣᠰ ᠨᠣᠮ ᠢ ᠪᠢᠴᠢᠭᠰᠡᠨ ᠵᠣᠷᠢᠯᠭᠠ ᠪᠠ ᠠᠴᠢ | ᠬᠣᠯᠪᠣᠭᠳᠠᠯ ᠢ ᠲᠣᠳᠣᠷᠬᠠᠶᠢᠯᠠᠵᠤ᠂ ᠨᠣᠮ ᠤᠨ ᠨᠡᠷᠡ ᠶᠢ《 | ᠪᠣᠯᠣᠷ ᠡᠷᠢᠬᠡ 》ᠬᠡᠵᠦ ᠨᠡᠷᠡᠶᠢᠳᠦᠭᠰᠡᠨ ᠲᠤᠬᠠᠶ | ᠲᠠᠶᠢᠯᠪᠤᠷᠢᠯᠠᠵᠠᠢ᠃ ᠨᠢᠭᠡᠳᠦᠭᠡᠷ᠂ ᠬᠣᠶᠠᠳᠤᠭᠠᠷ ᠪᠦᠯᠦᠭ ᠲᠤ | ᠮᠣᠩᠭᠣᠯ ᠦᠨᠳᠦᠰᠦᠲᠡᠨ ᠤ ᠡᠭᠦᠰᠦᠯ ᠭᠠᠷᠤᠯ ᠢ ᠲᠡᠮᠳᠡᠭᠯᠡᠵᠦ᠂ | ᠮᠣᠩᠭᠣᠯ ᠬᠢᠲᠠᠳ ᠰᠤᠷᠪᠤᠯᠵᠢ ᠪᠢᠴᠢᠭ ᠦᠨ ᠳᠣᠲᠣᠷᠠᠬᠢ ᠮᠣᠩᠭᠣᠯ | ᠦᠨᠳᠦᠰᠦᠲᠡᠨ ᠤ ᠤᠭᠰᠠᠭᠠ ᠰᠤᠷᠪᠤᠯᠵᠢ ᠶᠢᠨ ᠲᠤᠬᠠᠢ ᠠᠳᠠᠯᠢ | ᠪᠤᠰᠤ ᠳᠤᠷᠠᠳᠤᠯᠭᠠ ᠶᠢ ᠲᠡᠭᠦᠪᠦᠷᠢᠯᠡᠵᠦ᠂ ᠴᠢᠩᠭᠢᠰ | ᠬᠠᠭᠠᠨ ᠤ ᠡᠪᠦᠭᠡ ᠳᠡᠭᠡᠳᠦᠰ ᠪᠦᠷᠳᠡ ᠴᠢᠨᠦᠠ ᠠᠴᠠ ᠶᠢᠰᠦᠭᠡᠢ | ᠪᠠᠭᠠᠲᠤᠷ ᠤᠨ ᠦᠶᠡ ᠬᠦᠷᠲᠡᠯᠡᠬᠢ ᠴᠠᠭ ᠦᠶᠡ ᠶᠢᠨ ᠮᠣᠩᠭᠣᠯ | ᠦᠨᠳᠦᠰᠦᠲᠡᠨ ᠦ ᠲᠡᠦᠬᠡᠨ ᠪᠠᠶᠢᠳᠠᠯ ᠢ ᠲᠡᠮᠳᠡᠭᠯᠡᠭᠰᠡᠨ | ᠪᠠᠶᠢᠨᠠ ᠃ ᠭᠤᠷᠪᠠᠳᠤᠭᠠᠷ ᠪᠦᠯᠦᠭ ᠪᠣᠯ《 ᠪᠣᠯᠣᠷ ᠡᠷᠢᠬᠡ | 》 ᠶᠢᠨ ᠭᠣᠣᠯ ᠬᠡᠰᠡᠭ ᠪᠣᠯᠣᠨᠠ᠂ ᠴᠢᠩᠭᠢᠰ ᠬᠠᠭᠠᠨ ᠠᠴᠠ | ᠰᠡᠭᠦᠯᠡᠷᠬᠢ ᠶᠤᠸᠠᠨ ᠤᠯᠤᠰ ᠤᠨ ᠦᠶᠡ ᠶᠢᠨ ᠡᠯᠡ ᠬᠠᠭᠠᠳ | ᠪᠣᠯᠣᠨ ᠶᠤᠸᠠᠨ ᠤᠯᠤᠰ ᠤᠨ ᠬᠥᠭᠵᠢᠨ ᠮᠠᠨᠳᠤᠵᠤ᠂ ᠬᠦᠴᠦᠷᠬᠡᠭᠵᠢᠨ | ᠪᠤᠵᠠᠭᠠᠶᠢᠷᠠᠭᠰᠠᠨ ᠪᠠ ᠤᠷᠤᠭᠤᠳᠠᠵᠤ ᠳᠣᠷᠣᠶᠢᠲᠠᠭᠰᠠᠨ | ᠶᠠᠪᠤᠴᠠ ᠪᠣᠯᠣᠨ ᠬᠤᠪᠢᠷᠠᠯᠲᠠ ᠶᠢᠨ ᠪᠠᠶᠢᠳᠠᠯ ᠢ | ᠲᠡᠮᠳᠡᠭᠯᠡᠵᠡᠢ᠃ ᠳᠥᠷᠪᠡᠳᠦᠭᠡᠷ ᠲᠠᠪᠤᠳᠤᠭᠠᠷ ᠪᠦᠯᠦᠭ ᠲᠦ | ᠮᠣᠩᠭᠣᠯ ᠤᠨ ᠣᠯᠠᠨ ᠬᠠᠭᠠᠳ ᠠᠶᠢᠮᠠᠭ ᠢᠯᠠᠩᠭᠤᠶᠠ ᠯᠢᠭᠳᠡᠨ | ᠬᠠᠭᠠᠨ ᠤ ᠨᠢᠭᠡ ᠨᠠᠰᠤᠨ ᠤ ᠥᠩᠭᠡᠷᠡᠯᠲᠡ᠂ ᠯᠢᠭᠳᠡᠨ ᠬᠠᠭᠠᠨ ᠤ | ᠬᠥᠪᠡᠭᠦᠨ ᠡᠷᠬᠡ ᠬᠣᠩᠭᠣᠷ ᠤᠨ ᠴᠢᠩ ᠦᠨ ᠴᠡᠷᠢᠭ ᠲᠦ ᠪᠠᠭᠤᠵᠤ | ᠥᠭᠭᠦᠭᠰᠡᠨ ᠥᠩᠭᠡᠷᠡᠯᠲᠡ ᠂ ᠴᠢᠩᠭᠢᠰ ᠬᠠᠭᠠᠨ ᠦ ᠣᠯᠠᠨ ᠳᠡᠭᠦᠦ | ᠨᠠᠷ ᠬᠣᠶᠢᠴᠢᠰ ᠂ ᠮᠣᠩᠭᠣᠯ ᠤᠨ ᠣᠯᠠᠨ ᠠᠶᠢᠮᠠᠭ ᠤᠨ ᠨᠣᠶᠠᠳ᠂ | ᠨ᠋ᠡᠯᠳ᠋ᠡᠨ ᠬᠠᠭᠠᠨ ᠵᠢᠴᠢ ᠪᠤᠷᠬᠠᠨ ᠱᠠᠰᠢᠨ ᠮᠣᠩᠭᠣᠯ ᠳᠤ | ᠤᠯᠠᠮᠵᠢᠯᠠᠭᠳᠠᠨ ᠣᠷᠣᠵᠤ ᠢᠷᠡᠭᠰᠡᠨ ᠵᠡᠷᠭᠡ ᠶᠠᠪᠤᠳᠠᠯ ᠤᠳ ᠢ | ᠲᠡᠮᠳᠡᠭᠯᠡᠵᠡᠢ᠃ ᠷᠠᠰᠢᠫᠣᠩᠰᠣᠭ ᠤᠨ ᠲᠡᠦᠬᠡ ᠰᠤᠳᠤᠯᠤᠯ ᠤᠨ | ᠦᠵᠡᠯᠲᠡ ᠵᠢᠴᠢ《 ᠪᠣᠯᠣᠷ ᠡᠷᠢᠬᠡ 》 ᠶᠢᠨ ᠲᠡᠦᠬᠡ | ᠰᠤᠳᠤᠯᠤᠯ ᠤᠨ ᠦᠷᠳᠡᠭ ᠨᠢ ᠬᠣᠵᠢᠮ ᠤᠨ ᠬᠥᠮᠦᠰ ᠦᠨ ᠠᠩᠬᠠᠷᠤᠯ ᠢ | ᠲᠠᠲᠠᠵᠤ ᠪᠠᠶᠢᠳᠠᠭ ᠃ ᠤᠯᠤᠰ ᠤᠨ ᠳᠣᠲᠣᠭᠠᠳᠤ ᠭᠠᠳᠠᠭᠠᠳᠤ ᠶᠢᠨ | ᠡᠷᠳᠡᠮᠲᠡᠳ ᠰᠢᠭᠦᠮᠵᠢ ᠨᠡᠶᠢᠲᠡᠯᠡᠵᠦ ᠲᠡᠭᠦᠨ ᠢ ᠴᠢᠩ ᠤᠯᠤᠰ ᠤᠨ | ᠦᠶᠡ ᠶᠢᠨ ᠠᠮᠵᠢᠯᠲᠠ ᠪᠦᠲᠦᠭᠡᠯ ᠲᠡᠶ ᠮᠣᠩᠭᠣᠯ ᠲᠡᠦᠬᠡᠴᠢᠨ ᠦ | ᠨᠢᠭᠡ ᠮᠥᠨ ᠭᠡᠵᠦ ᠱᠠᠭᠰᠢᠨ ᠦᠨᠡᠯᠡᠵᠦ ᠪᠠᠶᠢᠵᠠᠢ᠃ | 《ᠰᠢᠷᠡᠭᠡᠲᠦ ᠭᠦᠦᠰᠢ ᠴᠣᠷᠵᠢ ᠶᠢᠨ ᠢᠵᠠᠭᠤᠷ ᠤᠨ ᠪᠯᠠᠮᠠ | ᠭᠡᠯᠢᠭᠵᠠᠯᠰᠠᠨ ᠰᠠᠢᠢᠨᠴᠣᠭᠲᠤ ᠭᠡᠭᠡᠨ ᠦ ᠨᠠᠮᠲᠠᠷ ᠰᠦᠰᠦᠭ ᠦᠨ | ᠡᠭᠦᠳᠡ ᠶᠢ ᠨᠡᠭᠡᠭᠡᠭᠴᠢ ᠣᠷᠣᠰᠢᠪᠠᠢ》 ᠬᠡᠮᠡᠬᠦ ᠨᠣᠮ ᠪᠣᠯ | ᠷᠠᠰᠢᠫᠣᠩᠰᠣᠭ ᠤᠨ ᠪᠠᠭᠠᠷᠢᠨ ᠪᠠᠷᠠᠭᠤᠨ ᠭᠠᠷᠤᠨ ᠬᠣᠰᠢᠭᠤᠨ ᠤ | ᠬᠣᠰᠢᠭᠤ ᠵᠠᠰᠠᠭ ᠪᠠᠲᠤ ᠵᠢᠶᠦ᠋ᠨ ᠸᠠᠩ ᠤᠨ ᠵᠠᠷᠯᠢᠭ ᠢᠶᠠᠷ | ᠬᠣᠰᠢᠭᠤᠨ ᠤ ᠵᠡᠭᠦᠨ ᠪᠡᠶᠡ ᠶᠢᠨ ᠰᠣᠶᠣᠯ ᠳᠡᠯᠭᠡᠷᠡᠭᠦᠯᠦᠭᠴᠢ | ᠰᠦᠮᠡ ︵ᠠᠭᠤᠢ ᠶᠢᠨ ᠰᠦᠮᠡ︶ ᠳᠦ ᠣᠴᠢᠵᠤ᠂ ᠰᠠᠢᠢᠨᠴᠣᠭᠲᠤ ᠶᠢ | ᠪᠠᠷᠠᠭᠠᠳᠠᠨ ᠰᠤᠷᠪᠤᠯᠵᠢᠯᠠᠵᠤ᠂ ᠲᠡᠭᠦᠨ ᠢ ᠪᠢᠴᠢᠭᠰᠡᠨ | ᠨᠠᠮᠲᠠᠷ ᠪᠣᠯᠣᠨᠠ ᠃ ᠰᠠᠢᠢᠨᠴᠣᠭᠲᠤ ᠪᠣᠯ ᠪᠠᠭᠠᠷᠢᠨ ᠬᠥᠮᠦᠨ᠂ | ᠨᠢᠭᠡ ᠨᠠᠰᠤᠨ ᠳᠠᠭᠠᠨ ᠪᠤᠷᠬᠠᠨ ᠱᠠᠰᠢᠨ ᠳᠤ ᠰᠢᠮᠳᠠᠨ᠂ | ᠴᠤᠴᠠᠯᠲᠠ ᠦᠭᠡᠢ ᠤᠷᠤᠭᠰᠢᠯᠠᠵᠤ ᠂ ᠪᠡᠷᠬᠡᠰᠢᠶᠡᠯ ᠡᠴᠡ ᠠᠶᠤᠬᠤ | ᠦᠭᠡᠢ ᠪᠠᠶᠢᠵᠤ ᠂ ᠤᠷᠢᠳ ᠬᠣᠵᠢᠳ ᠬᠣᠶᠠᠷ ᠤᠳᠠᠭᠠ ᠲᠥᠪᠡᠳ ᠲᠦ | ᠣᠷᠣᠵᠤ ᠨᠣᠮ ᠰᠤᠳᠤᠷ ᠪᠢᠰᠢᠯᠭᠠᠵᠤ᠂ ᠯᠠᠮᠠ ᠶᠢᠨ ᠱᠠᠰᠢᠨ ᠢ | ᠤᠯᠠᠮᠵᠢᠯᠠᠬᠤ ᠶᠢᠨ ᠲᠥᠯᠥᠭᠡ ᠵᠣᠭᠰᠣᠯᠲᠠ ᠦᠭᠡᠶ ᠠᠵᠢᠯᠯᠠᠵᠤ᠂ | ᠳᠣᠯᠣᠳᠤᠭᠠᠷ ᠲᠦᠷᠢ ᠶᠢᠨ ᠲᠡᠯᠡᠢ ᠯᠠᠮᠠ ᠶᠢᠨ ᠰᠠᠶᠢᠰᠢᠶᠠᠯ ᠢ | ᠬᠦᠷᠲᠡᠵᠡᠢ᠃ ᠲᠡᠷᠡ ᠨᠣᠮ ᠰᠤᠳᠤᠷ ᠪᠢᠰᠢᠯᠭᠠᠬᠤ ᠪᠠᠷ ᠪᠠᠷᠠᠬᠤ | ᠦᠭᠡᠢ ᠪᠠᠰᠠ ᠬᠥᠳᠡᠭᠡ ᠨᠤᠲᠤᠭ ᠢᠶᠠᠷ ᠡᠮᠴᠢᠯᠡᠨ ᠲᠣᠭᠣᠷᠢᠳᠠᠭ᠃ | ᠷᠠᠰᠢᠫᠣᠩᠰᠣᠭ ᠨᠣᠮ ᠳᠠᠭᠠᠨ ᠰᠠᠶᠢᠨᠴᠣᠭᠲᠤ ᠶᠢᠨ ᠱᠠᠰᠢᠨ | ᠰᠤᠷᠲᠠᠬᠤᠨ ᠢᠶᠠᠷ ᠬᠥᠭᠥᠷᠭᠡ ᠪᠣᠯᠭᠠᠵᠤ ᠪᠠᠭᠠᠷᠢᠨ ᠨᠤᠲᠤᠭ | ᠪᠣᠯᠣᠨ ᠴᠠᠰᠤᠲᠤ ᠠᠭᠤᠯᠠ ᠶᠢᠨ ᠠᠷᠢᠭᠤᠨ ᠣᠷᠣᠨ ᠤ | ᠶᠠᠪᠤᠯᠴᠠᠭᠠ ᠶᠢ ᠨᠡᠪᠲᠡᠷᠡᠭᠦᠯᠵᠦ᠂ ᠮᠣᠩᠭᠣᠯ ᠲᠥᠪᠡᠳ ᠦᠨ | ᠬᠣᠭᠣᠷᠣᠨᠳᠣᠬᠢ ᠰᠣᠶᠣᠯ ᠤᠨ ᠰᠣᠯᠢᠯᠴᠠᠭᠠ ᠶᠢ ᠠᠬᠢᠭᠤᠯᠵᠤ ᠂ | ᠲᠥᠪᠡᠳ ᠡᠮ ᠲᠤᠮ ᠮᠣᠩᠭᠣᠯ ᠣᠷᠣᠨ ᠳᠤ ᠳᠡᠯᠭᠡᠷᠡᠨ ᠬᠥᠭᠵᠢᠬᠦ ᠶᠢ | ᠠᠬᠢᠭᠤᠯᠤᠭᠰᠠᠨ ᠢ ᠮᠠᠭᠲᠠᠨ ᠰᠠᠶᠢᠰᠢᠶᠠᠵᠠᠢ ᠃ ᠡᠨᠡ ᠬᠦ ᠨᠣᠮ ᠨᠢ | ᠣᠳᠣ ᠪᠣᠯᠲᠠᠯᠠ ᠤᠯᠠᠮᠵᠢᠯᠠᠭᠳᠠᠵᠤ᠂ ᠤᠯᠤᠰ ᠤᠨ ᠳᠣᠲᠣᠭᠠᠳᠤ | ᠭᠠᠳᠠᠭᠠᠳᠤ ᠳᠤ ᠮᠠᠰᠢ ᠶᠡᠬᠡ ᠨᠥᠯᠥᠭᠡ ᠦᠵᠡᠭᠦᠯᠵᠡᠶ ᠃ | | |