| ᠱᠠᠭᠳᠠᠷ （1869-1931） | | ᠱᠠᠭᠳᠠᠷ ᠂ ᠡᠷᠡᠭᠲᠡᠶ ᠂ ᠮᠣᠩᠭᠣᠯ ᠦᠨᠳᠦᠰᠦᠲᠡᠨ ᠂ 1869 ᠣᠨ ᠳᠤ | ᠪᠠᠭᠠᠷᠢᠨ ᠪᠠᠷᠠᠭᠤᠨ ᠭᠠᠷᠤᠨ ᠬᠣᠰᠢᠭᠤᠨ ᠤ ᠴᠠᠭᠠᠨᠮᠥ᠋ᠷᠡᠨ ᠤ | ᠬᠥᠪᠡᠭᠡᠨ ᠳᠡᠬᠢ ᠨᠢᠭᠡᠨ ᠮᠠᠯᠴᠢᠨ ᠠᠶᠢᠯ ᠤᠨ ᠭᠡᠷ ᠲᠤ | ᠲᠦᠷᠦᠵᠡᠢ᠃ ᠭᠡᠷ ᠨᠢ ᠶᠠᠳᠠᠭᠤ ᠬᠦᠴᠢᠷᠲᠡᠢ ᠪᠣᠯᠬᠣᠷ 7 ᠨᠠᠰᠤᠲᠠᠶ | ᠳ᠋ᠦ᠋ᠨᠢ ᠡᠴᠢᠭᠡ ᠡᠬᠡ ᠨᠢ ᠪᠠᠭᠠᠷᠢᠨ ᠵᠡᠭᠦᠨ ᠭᠠᠷᠤᠨ | ᠬᠣᠰᠢᠭᠤᠨ ᠤ ᠭᠢᠯᠪᠡᠷ ᠵᠤᠤ ᠳᠤ ᠯᠠᠮᠠ ᠪᠣᠯᠭᠠᠵᠠᠢ ᠃ | ᠲᠡᠷᠡ ᠲᠥᠷᠥᠯᠬᠢ ᠣᠢ ᠪᠢᠯᠢᠭ ᠰᠠᠶᠢᠲᠠᠢ᠂ ᠰᠡᠴᠡᠨ ᠰᠡᠷᠭᠦᠯᠡᠩ | ᠪᠠᠶᠢᠵᠠᠢ᠃ ᠥᠭᠡᠯᠡᠢ ᠪᠣᠯᠵᠤ ᠬᠠᠷᠠᠴᠠ ᠨᠢ ᠥᠷᠭᠡᠳᠴᠦ᠂ ᠠᠮᠲᠠ | ᠰᠢᠮᠲᠡ ᠦᠭᠡᠢ ᠰᠤᠳᠤᠷ ᠪᠢᠴᠢᠭ ᠢ ᠰᠤᠷᠬᠤ ᠳᠤᠷᠠ ᠦᠭᠡᠢ ᠪᠣᠯᠵᠤ᠂ | ᠦᠷᠭᠦᠯᠵᠢ ᠮᠣᠩᠭᠣᠯ ᠦᠨᠳᠦᠰᠦᠲᠡᠨ ᠦ ᠣᠯᠠᠨ ᠲᠦᠮᠡᠨ ᠦ ᠳᠤᠮᠳᠠ | ᠣᠴᠢᠵᠤ ᠦᠯᠢᠭᠡᠷ ᠬᠣᠯᠪᠣᠭᠠ ᠰᠣᠨᠣᠰᠴᠤ ᠂ ᠮᠠᠰᠢ ᠣᠯᠠᠨ | ᠠᠷᠠᠳ ᠤᠨ ᠳᠠᠭᠤᠤ ᠂ ᠵᠦᠢᠷ ᠰᠡᠴᠡᠨ ᠦᠭᠡ ᠂ ᠳᠣᠮᠣᠭ ᠦᠯᠢᠭᠡᠷ ᠢ | ᠴᠡᠭᠡᠵᠢᠯᠡᠵᠦ᠂ ᠠᠮᠠᠨ ᠤ ᠠᠶᠠᠰ ᠢᠶᠠᠷ ᠰᠢᠯᠦᠭ ᠪᠠ ᠠᠷᠠᠳ ᠤᠨ | ᠳᠠᠭᠤᠤ ᠨᠠᠶᠢᠷᠠᠭᠤᠯᠵᠤ ᠤᠶᠠᠩᠭᠠᠯᠠᠳᠠᠭ ᠪᠣᠯᠵᠠᠢ᠃ ᠶᠠᠳᠠᠭᠤ | ᠵᠦᠳᠡᠭᠦᠦ ᠮᠠᠯᠴᠢᠳ ᠲᠠᠢ ᠬᠠᠷᠢᠯᠴᠠᠬᠤ ᠳᠤᠮᠳᠠ ᠪᠠᠨ ᠪᠠᠶᠠᠨ | ᠬᠥᠮᠦᠨ ᠶᠠᠳᠠᠭᠤ ᠬᠥᠮᠦᠨ ᠢ ᠳᠠᠷᠤᠯᠠᠨ ᠮᠥᠯᠵᠢᠵᠦ᠂ ᠸᠠᠩ ᠭᠦᠩ | ᠢᠵᠠᠭᠤᠷᠲᠠᠨ ᠬᠤᠲᠤᠭᠲᠤ ᠳ᠋ᠠ ᠯᠠᠮᠠ ᠰᠥᠯᠪᠡᠭᠡᠯᠳᠦᠵᠦ ᠂ ᠬᠡᠭᠡᠯᠢ | ᠬᠠᠬᠤᠤᠯᠢ ᠢᠳᠡᠵᠦ ᠬᠡᠷᠡᠭ ᠪᠤᠷᠤᠭᠤ ᠰᠢᠭᠦᠬᠦ ᠵᠡᠷᠭᠡ | ᠪᠠᠶᠢᠳᠠᠯ ᠢ ᠤᠯᠵᠤ ᠮᠡᠳᠡᠵᠡᠢ᠃ ᠱᠠᠭᠳᠠᠷ ᠮᠠᠭᠤ ᠵᠦᠢᠯ ᠢ ᠦᠵᠡᠨ | ᠶᠠᠳᠠᠬᠤ ᠭᠣᠣᠯᠴᠢ ᠵᠠᠩ ᠪᠠ ᠨᠤᠭᠤᠷᠠᠰᠢ ᠦᠭᠡᠢ ᠲᠡᠮᠡᠴᠡᠬᠦ | ᠵᠣᠷᠢᠭ ᠰᠠᠨᠠᠭᠠ ᠲᠠᠶ ᠪᠠᠶᠢᠵᠠᠢ᠃ ᠲᠡᠷᠡ ᠸᠠᠩ ᠭᠦᠩ ᠂ ᠨᠣᠶᠠᠳ | ᠲᠦᠰᠢᠮᠡᠳ ᠤᠨ ᠬᠠᠷᠠ ᠬᠣᠣᠷᠲᠠᠶ ᠪᠠ ᠵᠢᠰᠤᠷ ᠵᠠᠯᠢᠬᠠᠶ ᠶᠢ | ᠵᠢᠭᠰᠢᠨ ᠂ ᠬᠤᠲᠤᠭᠲᠤ ᠳ᠋ᠠ ᠯᠠᠮᠠ ᠶᠢᠨ ᠬᠣᠪᠳᠣᠭ ᠰᠢᠨᠤᠬᠠᠢ ᠪᠠ | ᠬᠣᠶᠠᠷ ᠨᠢᠭᠤᠷᠯᠠᠬᠤ ᠶᠢ ᠵᠢᠭᠰᠢᠵᠦ ᠂ ᠶᠠᠳᠠᠭᠤ ᠵᠦᠳᠡᠭᠦᠦ | ᠮᠠᠯᠴᠢᠳ ᠪᠠ ᠳᠤᠤᠷᠠᠳᠤ ᠳᠠᠪᠬᠤᠷᠭᠠ ᠶᠢᠨ ᠯᠠᠮᠠ ᠨᠠᠷ ᠤᠨ | ᠵᠣᠪᠠᠯᠠᠩ ᠵᠦᠳᠡᠭᠦᠷᠢ ᠪᠣᠯᠤᠨ ᠠᠵᠠ ᠪᠤᠰᠤ ᠶᠢ ᠥᠷᠥ ᠡᠪᠡᠳᠴᠦ | ᠪᠠᠶᠢᠵᠠᠢ᠃ ᠲᠣᠮᠣ ᠪᠣᠯᠤᠭᠰᠠᠨ ᠤ ᠪᠠᠨ ᠰᠡᠭᠦᠯᠡᠷ᠂ ᠲᠡᠷᠡ ᠨᠡᠩ | ᠵᠣᠷᠢᠭᠲᠠᠢ ᠪᠠᠷ ᠰᠦᠮᠡ ᠬᠡᠶᠢᠳ ᠦᠨ ᠳᠡᠭᠡᠳᠦ | ᠳᠠᠪᠬᠤᠷᠭᠠ ᠶᠢᠨ ᠯᠠᠮᠠ ᠨᠠᠷ ᠢ ᠢᠯᠡᠴᠢᠯᠡᠨ ᠬᠣᠱᠣᠩᠨᠠᠵᠤ | ᠲᠠᠰᠤᠷᠠᠯᠲᠠ ᠦᠭᠡᠢ ᠲᠡᠮᠡᠴᠡᠯ ᠬᠢᠵᠡᠢ᠃ ᠬᠠᠷᠭᠢᠰ ᠬᠡᠷᠴᠡᠭᠡᠶ | ᠳ᠋ᠠ ᠯᠠᠮᠠ ᠱᠠᠭᠳᠠᠷ ᠢ ᠶᠠᠰᠤᠨ ᠳᠠᠭᠠᠨ ᠣᠷᠣᠳᠠᠯᠠ | ᠬᠣᠷᠣᠰᠴᠤ᠂《 ᠬᠡᠯᠡ ᠬᠣᠩᠰᠢᠶᠠᠷ ᠳᠠᠭᠠᠨ ᠲᠦᠰᠢᠭᠯᠡᠵᠦ᠂ | ᠪᠤᠷᠬᠠᠨ ᠪᠠᠭᠰᠢ ᠶᠢᠨ ᠠᠷᠢᠭᠤᠨ ᠲᠠᠷᠬᠠᠨ ᠢ ᠭᠤᠲᠤᠭᠠᠯᠠ》 | ᠭᠡᠵᠦ ᠂ ᠲᠡᠭᠦᠨ ᠢ ᠰᠦᠮᠡ ᠶᠢᠨ ᠳᠤᠭᠠᠩ ᠳᠤ ᠠᠪᠠᠴᠢᠵᠤ ᠬᠠᠷᠠ | ᠬᠣᠣᠷᠲᠠᠶ ᠪᠠᠷ ᠵᠣᠳᠣᠳᠠᠭ ᠪᠠᠶᠢᠵᠠᠶ ᠃ ᠱᠠᠭᠳᠠᠷ ᠴᠣᠬᠢᠭᠳᠠᠭᠠᠳ | ᠪᠠᠭᠤᠵᠤ ᠥᠭᠭᠦᠭᠰᠡᠨ ᠦᠭᠡᠢ᠂ ᠬᠠᠷᠢᠨ ᠬᠢᠯᠢᠩᠨᠡᠨ ᠄ | ᠠᠷᠢᠭᠤᠨ ᠳᠠᠷᠬᠠᠨ ᠪᠤᠷᠬᠠᠨ ᠤ ᠳᠤᠭᠠᠩ ᠶᠠᠮᠤᠨ ᠤ ᠲᠢᠩᠬᠢᠮ | ᠪᠣᠯᠵᠠᠢ | ᠰᠠᠬᠢᠯ ᠠᠪᠤᠭᠰᠠᠨ ᠪᠤᠷᠬᠠᠨ ᠯᠠᠮᠠ ᠠᠮᠢᠳᠤ ᠡᠷᠯᠢᠭ ᠪᠣᠯᠵᠠᠢ | ᠱᠠᠭᠳᠠᠷ ᠮᠢᠨᠤ ᠪᠡᠶᠡ ᠲᠡᠳᠡᠨ ᠦ ᠪᠤᠵᠠᠷ ᠭᠡᠮ ᠢ | ᠢᠯᠡᠴᠢᠯᠡᠬᠦᠶᠡ | ᠥᠷᠥᠰᠢᠶᠡᠯ ᠶᠡᠬᠡᠲᠦ ᠪᠤᠷᠬᠠᠨ ᠤ ᠡᠮᠦᠨᠡ ᠠᠷᠢᠭᠤᠨ ᠴᠢᠰᠤ | ᠰᠢᠳᠠᠮ ᠢ ᠪᠣᠳᠣᠭᠯᠠᠪᠠᠢ | ᠭᠡᠵᠦ ᠳᠠᠭᠤᠯᠠᠵᠠᠢ᠃ | 1902 ᠣᠨ ᠪᠣᠯᠬᠤ ᠳᠤ ᠱᠠᠭᠳᠠᠷ 34 ᠨᠠᠰᠤᠯᠠᠵᠤ ᠰᠦᠮᠡ ᠡᠴᠡ | ᠭᠠᠷᠴᠤ ᠶᠠᠪᠤᠬᠤ ᠠᠴᠠ ᠡᠮᠦᠨᠡ᠂ ᠶᠡᠷᠦ ᠨᠢ ᠲᠠᠰᠤᠷᠠᠯᠲᠠ ᠦᠭᠡᠢ | ᠬᠣᠯᠪᠣᠭᠠ ᠰᠢᠯᠦᠭ ᠠᠷᠠᠳ ᠤᠨ ᠳᠠᠭᠤᠤ ᠨᠠᠶᠢᠷᠠᠭᠤᠯᠤᠨ | ᠳᠠᠭᠤᠯᠠᠵᠤ ᠸᠠᠩ ᠭᠦᠩ ᠂ ᠲᠠᠢᠢᠵᠢ ᠪᠠ ᠳ᠋ᠠ ᠯᠠᠮᠠ ᠨᠠᠷ ᠢ | ᠢᠯᠡᠴᠢᠯᠡᠨ ᠬᠣᠱᠣᠩᠨᠠᠵᠤ ᠲᠣᠭᠠ ᠲᠣᠮᠰᠢ ᠦᠭᠡᠢ ᠠᠷᠪᠢᠨ | ᠴᠣᠬᠢᠭᠳᠠᠭᠰᠠᠭᠠᠷ ᠢᠷᠡᠵᠡᠢ᠃ ᠲᠤᠰ ᠵᠢᠯ ᠳᠦ ᠭᠢᠯᠪᠡᠷ ᠵᠤᠤ | ᠦᠪᠡᠳᠡᠭᠰᠢ ᠶᠡᠬᠡ《ᠳᠥᠷᠪᠡᠳᠦᠭᠡᠷ ᠰᠠᠷᠠ ᠶᠢᠨ ᠰᠦᠮᠡ ᠶᠢᠨ | ᠴᠤᠭᠯᠠᠭᠠᠨ 》 ᠡᠷᠬᠢᠯᠡᠵᠦ ᠂ ᠵᠤᠤ ᠤᠳᠠ ᠠᠶᠢᠮᠠᠭ ᠤᠨ 11 ᠬᠣᠰᠢᠭᠤ | ᠵᠠᠰᠠᠭ ᠡᠴᠡ ᠡᠭᠡᠯ ᠵᠢᠷ ᠦᠨ ᠠᠷᠠᠳ ᠬᠦᠷᠲᠡᠯᠡ ᠪᠦᠷ ᠬᠤᠷᠠᠯ ᠳᠤ | ᠴᠤᠭᠯᠠᠷᠠᠵᠠᠢ᠂ ᠲᠡᠷᠡ ᠪᠠᠶᠢᠲᠤᠭᠠᠶ ᠦᠵᠦᠮᠦᠴᠢᠨ ᠵᠠᠰᠠᠭ ᠴᠦ | ᠰᠦᠮᠡ ᠶᠢᠨ ᠬᠤᠷᠠᠯ ᠳᠤ ᠬᠦᠷᠦᠯᠴᠡᠨ ᠢᠷᠡᠵᠡᠢ᠃ ᠬᠣᠰᠢᠭᠤ | ᠵᠠᠰᠠᠭ ᠡᠴᠡ ᠰᠦᠮᠡ ᠬᠡᠶᠢᠳ ᠦᠨ ᠬᠦᠵᠢ ᠵᠤᠯᠠ ᠥᠷᠨᠢᠭᠦᠨ | ᠪᠠᠶᠢᠬᠤ ᠶᠢ ᠮᠠᠭᠲᠠᠨ ᠰᠠᠶᠢᠰᠢᠶᠠᠬᠤ ᠦᠶᠡᠰ ᠂ ᠱᠠᠭᠳᠠᠷ ᠬᠠᠷᠢᠨ | ᠥᠨᠳᠥᠷ ᠳᠠᠭᠤᠨ ᠢᠶᠠᠷ᠄ | ᠪᠠᠭᠠᠷᠢᠨ ᠨᠤᠲᠤᠭ ᠤᠨ ᠭᠣᠶᠢᠳᠠ ᠰᠦᠮᠡ ᠳ᠋ᠤᠷ | ᠴᠢᠯᠠᠭᠤᠨ ᠪᠤᠷᠬᠠᠨ ᠰᠢᠳᠢᠲᠦ ᠬᠠᠳᠠ ᠶᠢ ᠲᠦᠰᠢᠵᠦ᠂ | ᠴᠠᠭ ᠴᠠᠭ ᠤᠨ ᠰᠦᠮᠡ ᠶᠢᠨ ᠴᠤᠭᠯᠠᠭᠠᠨ ᠵᠢᠯ ᠡᠴᠡ ᠵᠢᠯ | ᠬᠦᠭᠵᠢᠶᠡᠨᠲᠡᠢ | ᠣᠳᠣ ᠬᠠᠷᠢᠨ ᠡᠷᠯᠢᠭ ᠦᠨ ᠭᠠᠵᠠᠷ ᠪᠤᠯᠵᠤ ᠶᠠᠯᠠ ᠨᠢᠭᠦᠯ ᠢᠶᠡᠷ | ᠳᠦᠭᠦᠷᠴᠦᠬᠦᠢ᠃ | ᠡᠴᠢᠭᠡ ᠲᠩᠷᠢ ᠢᠪᠡᠭᠡᠯ ᠦᠭᠡᠢ ᠪᠣᠯᠵᠠᠢ | ᠡᠬᠡ ᠳᠡᠯᠡᠬᠡᠢ ᠥᠷᠥᠰᠢᠶᠡᠯ ᠦᠭᠡᠢ ᠪᠣᠯᠵᠠᠢ᠂ | ᠡᠨᠡᠷᠢᠩᠭᠦᠢ ᠠᠷᠢᠶᠠᠪᠠᠯᠤ ᠠᠪᠤᠷᠠᠯ ᠦᠭᠡᠢ ᠪᠣᠯᠵᠠᠢ | ᠡᠷᠬᠡ ᠪᠠᠷᠢᠭᠰᠠᠨ ᠨᠣᠶᠠᠳ ᠬᠠᠤᠯᠢ ᠦᠭᠡᠢ ᠪᠤᠯᠵᠠᠢ᠃ | ᠥᠩᠭᠡ ᠮᠥᠩᠭᠥ ᠬᠣᠶᠠᠷ ᠨᠡᠶᠢᠯᠡᠭᠡᠳ | ᠦᠨᠡᠨ ᠢᠶᠡᠨ ᠣᠯᠬᠤ ᠦᠭᠡᠢ ᠪᠣᠯᠪᠠ᠂ | ᠨᠣᠶᠠᠳ ᠪᠠᠶᠠᠳ ᠨᠡᠶᠢᠯᠡᠭᠡᠳ | ᠮᠢᠬᠠᠨ ᠰᠢᠷᠡᠭᠡ ᠵᠠᠰᠠᠵᠤ | ᠴᠢᠰᠤᠨ ᠬᠤᠷᠢᠮ ᠲᠠᠯᠪᠢᠵᠤ ᠪᠠᠶᠢᠨᠠ︕ | ᠬᠡᠵᠢᠶᠡ ᠨᠢᠭᠡ ᠡᠳᠦᠷ | ᠲᠠᠶᠢᠵᠢ ᠨᠢ ᠲᠠᠬᠢᠶᠠ ᠶᠢ ᠭᠦᠢᠴᠡᠬᠦ ᠦᠭᠡᠢ | ᠨᠣᠶᠠᠳ ᠨᠢ ᠨᠣᠬᠠᠢ ᠶᠢ ᠭᠦᠢᠴᠡᠬᠦ ᠦᠭᠡᠢ ᠪᠣᠯᠬᠤ ᠶᠤᠮ ᠭᠡᠵᠦ | ᠠᠶᠠᠯᠤᠨ ᠳᠠᠭᠤᠯᠠᠪᠠ᠃ | ᠱᠠᠭᠳᠠᠷ ᠳᠠᠭᠤᠯᠠᠬᠤ ᠲᠤᠲᠤᠮ ᠠᠭᠤᠷᠯᠠᠵᠤ ᠂ ᠬᠠᠮᠤᠭ ᠡᠴᠦᠰ ᠲᠤ | ᠬᠣᠶᠠᠷ ᠨᠢᠳᠦ ᠨᠢ ᠤᠯᠠᠶᠢᠵᠤ ᠬᠠᠳᠠᠭᠠᠨᠠᠲᠠᠯᠠ ᠢᠨᠢᠶᠡᠭᠡᠳ | ᠵᠣᠭᠰᠣᠬᠤ ᠦᠭᠡᠢ ᠪᠠᠶᠢᠪᠠ᠃ ᠰᠦᠮᠡ ᠶᠢᠨ ᠳ᠋ᠡ ᠯᠠᠮᠠ ᠨᠢᠭᠤᠷ | ᠭᠡᠭᠡᠬᠦ ᠡᠴᠡ ᠠᠶᠤᠵᠤ᠂ ᠱᠠᠭᠳᠠᠷ ᠪᠣᠯ ᠰᠣᠯᠢᠶᠠ ᠲᠠᠢ ᠯᠠᠮᠠ | ᠭᠡᠵᠦ ᠬᠤᠳᠠᠯ ᠬᠡᠯᠡᠵᠡᠢ᠂ ᠡᠭᠦᠨ ᠡᠴᠡ ᠬᠣᠶᠢᠰᠢ ᠱᠠᠭᠳᠠᠷ | ᠰᠣᠯᠢᠶᠠᠲᠤ ᠬᠣᠯᠠ ᠣᠶᠢᠷᠠ ᠶᠢᠨ ᠠᠶᠢᠮᠠᠭ ᠬᠣᠰᠢᠭᠤ ᠳᠦ ᠨᠡᠷᠡ | ᠠᠯᠳᠠᠷᠰᠢᠪᠠ ᠃ | ᠱᠠᠭᠳᠠᠷ ᠰᠦᠮᠡ ᠡᠴᠡ ᠬᠥᠭᠡᠭᠡᠭᠳᠡᠵᠦ ᠨᠢᠭᠡᠨ ᠬᠠᠪᠴᠢᠭ | ᠡᠭᠦᠷᠭᠡ᠂ ᠬᠣᠶᠠᠷ ᠲᠠᠶᠠᠭ ᠠᠴᠠ ᠥᠭᠡᠷᠡ ᠶᠠᠭᠤ ᠴᠦ᠋ | ᠦᠭᠡᠢ《ᠪᠠᠳᠢᠷᠴᠢᠨ ᠯᠠᠮᠠ》ᠪᠣᠯᠵᠤ ᠲᠡᠨᠦᠭᠦᠴᠢᠯᠡᠨ | ᠡᠬᠢᠯᠡᠭᠰᠡᠨ ᠪᠠᠶᠢᠨᠠ᠃ ᠬᠠᠭᠠᠷᠠᠵᠤ ᠬᠠᠨᠵᠠᠷᠠᠭᠰᠠᠨ ᠭᠤᠲᠤᠯ | ᠤᠷᠠᠭᠳᠠᠵᠤ ᠴᠤᠭᠤᠷᠤᠭᠰᠠᠨ ᠲᠡᠷᠯᠢᠭ ᠡᠮᠦᠰᠦᠨ᠂ ᠶᠠᠳᠠᠷᠠᠪᠠᠯ | ᠬᠡᠭᠡᠷᠡ ᠭᠠᠳᠠᠨᠠ ᠤᠨᠲᠠᠵᠤ᠂ ᠤᠶᠢᠳᠪᠠᠯ ᠶᠠᠳᠠᠭᠤ ᠠᠬᠠ | ᠳᠡᠭᠦᠦ ᠨᠡᠷ ᠲᠠᠢ ᠬᠠᠮᠲᠤ ᠪᠠᠷ ᠵᠣᠭᠣᠭᠳᠠᠵᠤ᠂ ᠵᠠᠷᠢᠮ ᠳᠠᠭᠠᠨ | ᠪᠠᠶᠠᠨ ᠠᠶᠢᠯ ᠤᠨ ᠭᠡᠷ ᠢᠶᠠᠷ ᠲᠣᠭᠣᠷᠢᠵᠤ᠂ ᠸᠠᠩ ᠤᠨ ᠬᠦᠷᠢᠶᠡ | ᠶᠠᠮᠤᠨ ᠳᠤ ᠴᠤ ᠲᠡᠭᠦᠨ ᠦ ᠪᠠᠷᠠ ᠬᠠᠷᠠᠭᠳᠠᠳᠠᠭ ᠪᠠᠶᠢᠪᠠ ᠃ | ᠬᠠᠮᠢᠭᠠ ᠣᠴᠢᠭᠰᠠᠨ ᠴᠤ ᠲᠡᠳᠡᠭᠡᠷ ᠸᠠᠩ ᠭᠦᠩ ᠂ ᠵᠠᠰᠠᠭ ᠨᠣᠶᠠᠨ | ᠂ ᠳᠡᠭᠡᠳᠦ ᠳᠠᠪᠬᠤᠷᠭᠠ ᠶᠢᠨ ᠯᠠᠮᠠ ᠬᠤᠸᠠᠷᠠᠭ ᠢ ᠬᠣᠯᠪᠣᠭᠠ | ᠰᠢᠯᠦᠭ ᠢᠶᠠᠷ ᠶᠣᠵᠣᠯᠠᠵᠤ ᠱᠣᠭᠯᠠᠨ ᠢᠯᠡᠴᠢᠯᠡᠵᠦ᠂ ᠶᠠᠳᠠᠭᠤ | ᠠᠷᠠᠳ ᠲᠦᠮᠡᠨ ᠢ ᠬᠠᠯᠠᠭᠤᠨ ᠰᠡᠳᠬᠢᠯ ᠢᠶᠠᠷ ᠮᠠᠭᠲᠠᠨ | ᠳᠠᠭᠤᠯᠠᠵᠤ ᠪᠠᠶᠢᠵᠠᠢ᠃ ᠡᠨᠡ ᠬᠤᠭᠤᠴᠠᠭᠠᠨ ᠳᠤ ᠂ ᠲᠡᠷᠡ ᠰᠦᠮᠡ | ᠬᠡᠶᠢᠳ ᠤᠨ ᠳᠣᠲᠣᠭᠠᠳᠤ ᠶᠢᠨ ᠬᠠᠷᠠᠩᠭᠤᠶ ᠪᠠ ᠨᠡᠶᠢᠭᠡᠮ ᠦᠨ | ᠬᠠᠷᠠᠩᠭᠤᠶ ᠶᠢ ᠢᠯᠡᠴᠢᠯᠡᠨ ᠵᠦᠬᠡᠨ ᠬᠠᠷᠢᠶᠠᠵᠤ ᠂ ᠸᠠᠩ ᠭᠦᠩ ᠂ | ᠵᠠᠰᠠᠭ ᠨᠣᠶᠠᠨ ᠬᠦᠴᠦᠷᠬᠡᠭ ᠲᠡᠬᠡᠨ ᠡᠷᠳᠦᠨ ᠪᠠᠭᠤᠷᠠᠶ ᠶᠢ | ᠳᠠᠷᠤᠯᠠᠵᠤ ᠬᠦᠴᠦᠷᠬᠡᠭᠯᠡᠨ ᠪᠤᠯᠢᠶᠠᠬᠤ ᠠᠯᠪᠠᠳᠠᠨ ᠬᠢᠬᠠᠬᠤ | ᠵᠡᠷᠭᠡ ᠠᠵᠢᠯᠯᠠᠭᠠ ᠲᠠᠢ ᠡᠷᠡᠰ ᠲᠡᠮᠡᠴᠡᠯ ᠬᠢᠵᠡᠢ᠃ | ᠵᠢᠯ ᠳᠠᠷᠠᠭᠠᠯᠠᠨ ᠲᠡᠨᠦᠭᠦᠴᠢᠯᠡᠬᠦ ᠪᠠ ᠠᠭᠤᠷ | ᠬᠢᠯᠢᠩᠲᠡᠶ ᠡᠴᠡ ᠪᠣᠯᠵᠤ ᠡᠴᠦᠰ ᠲᠡᠬᠡᠨ ᠬᠦᠨᠳᠦ ᠡᠪᠡᠳᠴᠢᠨ ᠳᠤ | ᠨᠡᠷᠪᠡᠭᠳᠡᠵᠡᠢ ᠃ 1931 ᠣᠨ ᠳᠤ ᠱᠠᠭᠳᠠᠷ ᠭᠢᠯᠪᠡᠷ ᠵᠤᠤ ᠳᠦ | ᠡᠪᠡᠳᠴᠢᠨ ᠢᠶᠡᠷ ᠨᠠᠰᠤ ᠪᠠᠷᠠᠵᠠᠶ᠃ ᠬᠡᠳᠦᠶᠢᠪᠡᠷ ᠨᠠᠰᠤ | ᠪᠠᠷᠠᠭᠰᠠᠨ ᠪᠣᠯᠪᠠᠴᠤ ᠲᠡᠭᠦᠨ ᠦ ᠨᠠᠰᠤᠨ ᠲᠤᠷᠰᠢ ᠳᠠᠭᠠᠨ | ᠵᠣᠬᠢᠶᠠᠨ ᠪᠦᠳᠦᠭᠡᠭᠰᠡᠨ ᠲᠡᠳᠡᠭᠡᠷ ᠪᠣᠷᠣᠭᠵᠢᠭᠤᠨ ᠪᠦᠭᠡᠳ ᠭᠦᠨ | ᠤᠬᠠᠭᠠᠨᠯᠢᠭ᠂ ᠲᠡᠮᠡᠴᠡᠯ ᠦᠨ ᠬᠠᠯᠠᠭᠤᠨ ᠰᠡᠳᠬᠢᠯᠭᠡ | ᠪᠢᠯᠬᠠᠭᠰᠠᠨ ᠠᠮᠠᠨ ᠰᠢᠯᠦᠭ ᠨᠢ ᠬᠠᠷᠢᠨ ᠬᠥᠳᠡᠭᠡ ᠨᠤᠲᠤᠭ | ᠳᠡᠭᠡᠷᠡ ᠥᠷᠭᠡᠨ ᠢᠶᠡᠷ ᠳᠡᠯᠭᠡᠷᠡᠵᠡᠢ᠃ ᠮᠣᠩᠭᠣᠯ ᠤᠯᠤᠰ᠂ | ᠬᠣᠯᠪᠣᠭᠠᠨ ᠤ ᠭ᠋ᠸᠷᠮᠠᠨ ᠤᠯᠤᠰ᠂ ᠶᠠᠫᠣᠨ ᠵᠡᠷᠭᠡ ᠤᠯᠤᠰ ᠤᠨ | ᠠᠷᠠᠳ ᠤᠨ ᠠᠮᠠᠨ ᠵᠣᠬᠢᠶᠠᠯ ᠤᠨ ᠡᠷᠳᠡᠮᠲᠡᠨ ᠱᠠᠭᠳᠠᠷ ᠤᠨ | ᠬᠠᠮᠢᠶᠠ ᠲᠠᠢ ᠰᠤᠳᠤᠯᠭᠠᠨ ᠤ ᠵᠣᠬᠢᠶᠠᠯ ᠨᠡᠶᠢᠲᠡᠯᠡᠵᠦ᠂ | ᠪᠠᠭᠠᠷᠢᠨ ᠤ ᠲ᠂ ᠦᠷᠭᠦᠨ ᠱᠠᠭᠳᠠᠷ ᠤᠨ ᠳᠣᠮᠣᠭ ᠶᠠᠷᠢᠶᠠ ᠪᠠ | ᠰᠢᠯᠦᠭ ᠢ ᠴᠤᠭᠯᠠᠭᠤᠯᠬᠤ ᠡᠮᠬᠢᠳᠬᠡᠭᠡᠳ《 ᠱᠠᠭᠳᠠᠷ | ᠰᠣᠯᠢᠶᠠᠲᠤ》ᠭᠡᠳᠡᠭ ᠨᠣᠮ ᠢ ᠨᠠᠶᠢᠷᠠᠭᠤᠯᠵᠤ ᠂ ᠥᠪᠥᠷ | ᠮᠣᠩᠭᠣᠯ ᠤᠨ ᠠᠷᠠᠳ ᠤᠨ ᠬᠡᠪᠯᠡᠯ ᠦᠨ ᠬᠣᠷᠢᠶᠠᠨ ᠠᠴᠠ | ᠬᠡᠪᠯᠡᠭᠦᠯᠦᠭᠰᠡᠨ ᠪᠠᠶᠢᠨᠠ ᠃ | |