| ᠮᠥᠩᠬᠡᠥ᠌ᠯᠵᠡᠢ （ 1916-1946 ） | | ᠮᠥᠩᠬᠡᠥ᠌ᠯᠵᠡᠢ ᠂ ᠮᠣᠩᠭᠣᠯ ᠦᠨᠳᠦᠰᠦᠲᠡᠨ ᠂ 1916 ᠣᠨ ᠳᠤ | ᠲᠦᠷᠦᠪᠠ ᠂ ᠯᠢᠶᠣᠤᠨᠢᠩ ᠮᠤᠵᠢ ᠶᠢᠨ ᠹᠦᠰᠢᠨ ᠤ ᠮᠣᠩᠭᠣᠯ | ᠦᠨᠳᠦᠰᠦᠲᠡᠨ ᠦ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠰᠢᠶᠠᠨ ᠤ ᠬᠥᠮᠦᠨ ᠃ | ᠭᠠᠷᠤᠯ ᠶᠠᠳᠠᠭᠤ᠃ ᠡᠴᠢᠭᠡ ᠶᠢᠨ ᠬᠢᠨᠢ ᠨᠡᠷᠡ | ᠪᠤᠶᠠᠨᠬᠤᠷᠢᠶᠠᠭᠴᠢ᠂ ᠦᠶᠡ ᠤᠯᠠᠷᠢᠨ ᠲᠠᠷᠢᠶᠠᠨ ᠠᠵᠢᠯ ᠬᠢᠳᠡᠭ | ᠪᠠᠶᠢᠪᠠ᠃ ᠮᠥᠩᠬᠡᠥ᠌ᠯᠵᠡᠢ ᠪᠠᠭᠠ ᠠᠴᠠ ᠪᠠᠨ ᠡᠴᠢᠭᠡ ᠪᠠᠨ | ᠳᠠᠭᠠᠵᠤ ᠲᠠᠷᠢᠶᠠᠯᠠᠬᠤ ᠠᠵᠢᠯ ᠬᠢᠵᠦ ᠂ 14 ᠨᠠᠰᠤᠲᠠᠶ ᠳᠠᠭᠠᠨ | ᠮᠣᠩᠭᠣᠯ ᠬᠢᠲᠠᠳ ᠭᠡᠷ ᠦᠨ ᠰᠤᠷᠭᠠᠭᠤᠯᠢ ᠳᠤ ᠰᠠᠭᠤᠵᠤ ᠂ ᠬᠣᠶᠠᠷ | ᠵᠢᠯ ᠦᠨ ᠳᠠᠷᠠᠭᠠ ᠴᠢᠴᠢᠬᠠᠷ ᠤᠨ ᠮᠣᠩᠭᠣᠯ ᠦᠨᠳᠦᠰᠦᠲᠡᠨ ᠦ | ᠪᠠᠭᠰᠢ ᠶᠢᠨ ᠰᠤᠷᠭᠠᠭᠤᠯᠢ ᠳᠤ ᠰᠢᠯᠭᠠᠨ ᠣᠷᠣᠵᠤ ᠂ 1934 ᠣᠨ ᠳᠤ | ᠲᠡᠭᠦᠰᠴᠡᠶ ᠃ ᠮᠥᠩᠬᠡᠥ᠌ᠯᠵᠡᠢ ᠦᠨᠳᠦᠰᠦᠲᠡᠨ ᠦ ᠰᠤᠷᠭᠠᠨ | ᠬᠥᠮᠦᠵᠢᠯ ᠡᠷᠬᠢᠯᠡᠬᠦ ᠪᠠᠷ ᠵᠣᠷᠢᠭ ᠰᠢᠭᠤᠳᠤᠨ ᠪᠠᠭᠠᠷᠢᠨ | ᠪᠠᠷᠠᠭᠤᠨ ᠬᠣᠰᠢᠭᠤᠨ ᠤ ᠳ᠋ᠠᠪᠠᠨ ᠤ ᠮᠣᠩᠭᠣᠯ ᠰᠤᠷᠭᠠᠭᠤᠯᠢ ᠳᠤ | ᠪᠠᠭᠰᠢᠯᠠᠵᠠᠶ᠃ ᠡᠨᠡ ᠦᠢᠡ ᠳᠤ ᠶᠠᠫᠣᠨ ᠤ ᠡᠵᠡᠷᠬᠡᠭ | ᠲᠦᠷᠢᠮᠡᠬᠡᠢᠢᠳᠡᠨ ᠪᠠᠭᠠᠷᠢᠨ ᠨᠤᠲᠤᠭ ᠢ ᠡᠵᠡᠯᠡᠵᠦ ᠳ᠋ᠠᠪᠠᠨ ᠤ | ᠮᠣᠩᠭᠣᠯ ᠦᠨᠳᠦᠰᠦᠲᠡᠨ ᠦ ᠰᠤᠷᠭᠠᠭᠤᠯᠢ ᠶᠢ ᠥᠭᠡᠷᠡᠴᠢᠯᠡᠵᠦ | ᠬᠠᠭᠤᠷᠮᠠᠭ ᠢᠷᠭᠡᠨ ᠦ ᠰᠢᠯᠢᠳᠡᠭ ᠲᠡᠰ ᠤᠨ ᠰᠤᠷᠭᠠᠭᠤᠯᠢ ᠶᠢ | ᠪᠠᠶᠢᠭᠤᠯᠵᠠᠢ᠃ ᠢᠩᠭᠢᠭᠡᠳ ᠦᠨᠳᠦᠰᠦᠲᠡᠨ ᠦ ᠰᠤᠷᠭᠠᠨ | ᠬᠥᠮᠦᠵᠢᠯ ᠦᠨ ᠬᠦᠷᠢᠶᠡᠯᠡᠩ ᠨᠢ ᠶᠠᠫᠣᠨ ᠪᠠ ᠬᠠᠭᠤᠷᠮᠠᠭ | ᠵᠠᠰᠠᠭ ᠤᠨ ᠪᠣᠭᠣᠯᠴᠢᠯᠠᠬᠤ ᠰᠤᠷᠭᠠᠨ ᠬᠥᠮᠦᠵᠢᠯ ᠦᠨ ᠲᠠᠯᠠᠪᠤᠷ | ᠪᠣᠯᠵᠠᠢ᠂ ᠬᠦᠴᠦᠷᠬᠡᠭ ᠶᠡᠬᠡ ᠦᠨᠳᠦᠰᠦᠲᠡᠨ ᠦ ᠰᠡᠳᠬᠢᠯᠭᠡ ᠪᠠ | ᠰᠢᠨᠡᠴᠢᠯᠡᠬᠦ ᠦᠵᠡᠯ ᠰᠠᠨᠠᠭᠠ ᠲᠠᠢ ᠮᠥᠩᠬᠡᠥ᠌ᠯᠵᠡᠢ ᠂ ᠰᠤᠯᠠ | ᠰᠡᠯᠡᠭᠦᠦ ᠴᠠᠭ ᠢᠶᠠᠨ ᠠᠰᠢᠭᠯᠠᠨ 《 ᠠᠷᠠᠳ ᠤᠯᠠᠨ ᠤ ᠰᠤᠷᠭᠠᠨ | ᠬᠥᠮᠦᠵᠢᠯ ᠦᠨ ᠰᠤᠷᠬᠤ ᠪᠢᠴᠢᠭ 》 ︽ᠮᠣᠩᠭᠣᠯ ᠬᠡᠯᠡᠨ ᠦ ᠬᠡᠯᠡᠨ | ᠵᠦᠢ 》᠂《 ᠮᠣᠩᠭᠣᠯ ᠬᠡᠯᠡᠨ ᠦ ᠬᠡᠷᠡᠭᠯᠡᠭᠡᠨ ᠦ ᠵᠣᠬᠢᠶᠠᠯ 》 | ᠵᠡᠷᠭᠡ ᠵᠢᠭᠠᠬᠤ ᠮᠠᠲ᠋ᠧᠷᠢᠶᠠᠯ ᠢ ᠨᠠᠶᠢᠷᠠᠭᠤᠯᠤᠨ ᠪᠢᠴᠢᠵᠦ | ᠦᠨᠳᠦᠰᠦᠲᠡᠨ ᠦ ᠰᠣᠶᠣᠯ ᠤᠨ ᠰᠡᠩᠬᠡᠷᠡᠭᠦᠯᠦᠯ ᠬᠥᠮᠦᠵᠢᠯ ᠬᠢᠵᠦ | ᠪᠠᠶᠢᠵᠠᠢ᠃ ᠢᠯᠠᠩᠭᠤᠶᠠ《 ᠠᠷᠠᠳ ᠤᠯᠠᠨ ᠤ ᠰᠤᠷᠭᠠᠨ | ᠬᠥᠮᠦᠵᠢᠯ ᠦᠨ ᠰᠤᠷᠬᠤ ᠪᠢᠴᠢᠭ 》 ᠲᠤ ᠬᠥᠮᠦᠨ ᠦ ᠡᠭᠦᠰᠦᠯ ᠪᠠ | ᠭᠦᠭᠵᠢᠯᠲᠡ ᠶᠢᠨ ᠶᠠᠪᠤᠴᠠ ᠪᠠᠷ ᠠᠭᠤᠯᠭᠠ ᠪᠣᠯᠭᠠᠵᠤ ᠂ | ᠰᠠᠷᠮᠠᠭᠴᠢᠨ ᠠᠴᠠ ᠬᠥᠮᠦᠨ ᠲᠥᠷᠥᠯᠬᠢᠲᠡᠨ ᠦ ᠬᠤᠪᠢᠰᠤᠯ ᠤᠨ | ᠲᠡᠦᠬᠡᠨ ᠦᠵᠡᠯᠲᠡ ᠶᠢ ᠤᠬᠠᠭᠤᠯᠵᠠᠢ ᠃ ᠲᠡᠷᠡ ᠪᠠᠰᠠ ᠳᠠᠭᠤᠤ | ᠪᠥᠵᠢᠭ ᠲᠤ ᠠᠪᠢᠶᠠᠰ ᠲᠠᠢ ᠪᠠᠶᠢᠵᠤ᠂《ᠣᠯᠠᠨ ᠲᠦᠮᠡᠨ ᠳᠤ | ᠳᠠᠭᠤᠯᠠᠭᠰᠠᠨ ᠳᠠᠭᠤᠤ》᠂ 《 ᠵᠠᠯᠠᠭᠤᠴᠤᠳ ᠲᠤ ᠳᠠᠭᠤᠯᠠᠭᠰᠠᠨ | ᠳᠠᠭᠤᠤ 》᠂ 《 ᠠᠬᠠ ᠳᠡᠭᠦᠦ ᠨᠡᠷ ᠲᠤ ᠡᠷᠭᠦᠭᠰᠡᠨ ᠰᠢᠯᠦᠭ 》᠂ 《 | ᠠᠳᠤᠭᠤᠴᠢᠨ ᠦ ᠳᠠᠭᠤᠯᠠᠯ 》 ᠵᠡᠷᠭᠡ ᠰᠢᠯᠦᠭ ᠳᠠᠭᠤᠯᠠᠯ | ᠵᠤᠬᠢᠶᠠᠵᠤ ᠰᠤᠷᠤᠭᠴᠢᠳ ᠲᠤ ᠵᠢᠭᠠᠵᠤ ᠪᠠᠶᠢᠵᠠᠢ ᠃ | 1944 ᠣᠨ ᠤ ᠨᠠᠮᠤᠷ ᠮᠥᠩᠬᠡᠥ᠌ᠯᠵᠡᠢ ᠠᠵᠢᠯ ᠰᠢᠯᠵᠢᠵᠦ | ᠬᠢᠩᠭᠠᠨ ᠤ ᠶᠡᠷᠦᠩᠬᠡᠶ ᠮᠤᠵᠢ ᠶᠢᠨ ᠵᠠᠬᠢᠷᠭᠠ ᠶᠢᠨ | ᠮᠤᠵᠢ ᠶᠢᠨ ᠳᠠᠷᠤᠭᠠ ᠪᠤᠶᠠᠨᠮᠠᠨᠳᠤᠬᠤ ᠶᠢᠨ ᠨᠠᠷᠢᠨ | ᠪᠢᠴᠢᠭ ᠦᠨ ᠳᠠᠷᠤᠭᠠ ᠶᠢᠨ ᠲᠤᠰᠢᠶᠠᠯ ᠢ ᠬᠠᠷᠢᠭᠤᠴᠠᠪᠠ᠃ | ᠦᠷᠭᠦᠯᠵᠢ ᠮᠠᠰᠢ ᠤᠯᠠᠨ ᠦᠨᠳᠦᠰᠦᠲᠡᠨ ᠦ ᠳᠡᠭᠡᠳᠦ | ᠳᠠᠪᠬᠤᠷᠭᠠᠲᠠᠨ ᠂ ᠵᠢᠱᠢᠶᠡᠯᠡᠪᠡᠯ ᠂ ᠬᠠᠹᠦᠩᠭᠠ ᠂ | ᠲᠡᠮᠦᠷᠪᠠᠭᠠᠨᠠ ᠂ ᠰᠠᠭᠷᠠᠵᠠᠪ ᠵᠡᠷᠭᠡ ᠬᠥᠮᠥᠰ ᠲᠠᠢ | ᠣᠶᠢᠷᠠᠲᠤᠳᠠᠭ ᠪᠣᠯᠵᠠᠢ ᠃ ᠲᠡᠳᠡ ᠤ ᠪᠠᠲᠤ ᠴᠢᠩᠭᠠ | ᠦᠨᠳᠦᠰᠦᠲᠡᠨ ᠦ ᠥᠪᠡᠷ ᠢ ᠪᠡᠨ ᠬᠦᠴᠦᠷᠬᠡᠭᠵᠢᠭᠦᠯᠬᠦ | ᠰᠡᠳᠬᠢᠯᠭᠡ ᠪᠣᠯᠤᠨ ᠳᠠᠪᠰᠢᠩᠭᠤᠶ ᠦᠵᠡᠯ ᠰᠠᠨᠠᠭᠠ ᠨᠢ | ᠮᠥᠩᠬᠡᠥ᠌ᠯᠵᠡᠢ ᠳᠦ ᠰᠡᠩᠬᠡᠷᠡᠭᠦᠯᠦᠯ ᠵᠣᠷᠢᠭᠵᠢᠭᠤᠯᠤᠯ ᠪᠣᠯᠵᠤ | ᠪᠠᠶᠢᠵᠠᠢ᠃ 1945 ᠣᠨ ᠳᠤ ᠶᠠᠫᠣᠨ ᠪᠠᠭᠤᠵᠤ ᠥᠭᠭᠦᠭᠰᠡᠨ ᠦ | ᠳᠠᠷᠠᠭᠠ ᠂ ᠵᠡᠭᠦᠨ ᠮᠣᠩᠭᠣᠯ ᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ | ᠵᠠᠰᠠᠭ ᠤᠨ ᠣᠷᠳᠣᠨ ᠢ ᠪᠡᠯᠡᠳᠬᠡᠨ ᠪᠠᠶᠢᠭᠤᠯᠬᠤ ᠠᠵᠢᠯ ᠳᠤ | ᠢᠳᠡᠪᠬᠢᠲᠡᠶ ᠣᠷᠣᠯᠴᠠᠵᠤ ᠪᠠᠶᠢᠵᠠᠢ᠃ 1946 ᠣᠨ ᠤ 1 ᠰᠠᠷᠠ ᠳᠤ ᠂ | ᠵᠡᠭᠦᠨ ᠮᠣᠩᠭᠣᠯ ᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠵᠠᠰᠠᠭ ᠤᠨ ᠣᠷᠳᠣᠨ | ᠪᠠᠶᠢᠭᠤᠯᠤᠭᠳᠠᠵᠤ ᠂ ᠲᠡᠷᠡ ᠠᠷᠠᠳ ᠤᠨ ᠶᠠᠪᠤᠳᠠᠯ ᠂ ᠤᠬᠠᠭᠤᠯᠭᠠ | ᠂ ᠰᠤᠷᠭᠠᠨ ᠬᠥᠮᠦᠵᠢᠯ ᠵᠡᠷᠭᠡ ᠠᠵᠢᠯ ᠢ ᠬᠠᠷᠢᠭᠤᠴᠠᠵᠤ | ᠪᠠᠶᠢᠵᠠᠢ᠃ | 1946 ᠣᠨ ᠤ 2 ᠰᠠᠷᠠ ᠳᠤ ᠂ ᠮᠥᠩᠬᠡᠥ᠌ᠯᠵᠡᠢ ᠰᠠᠭᠷᠠᠵᠠᠪ | ᠵᠡᠷᠭᠡ ᠬᠥᠮᠦᠰ ᠢ ᠳᠠᠭᠠᠵᠤ ᠵᠤᠤ ᠤᠳᠠ ᠶᠢᠨ ᠴᠢᠭᠤᠯᠭᠠᠨ ᠳᠤ | ᠢᠷᠡᠵᠦ ᠵᠤᠤ ᠤᠳᠠ ᠮᠤᠵᠢ ᠪᠠ ᠮᠣᠩᠭᠣᠯ ᠮᠣᠷᠢᠲᠤ ᠴᠡᠷᠢᠭ ᠦᠨ | ᠳᠥᠷᠪᠡᠳᠦᠭᠡᠷ ᠳ᠋ᠢᠸᠢᠽᠢ ᠶᠢ ᠪᠡᠯᠡᠳᠬᠡᠨ ᠪᠠᠶᠢᠭᠤᠯᠵᠤ ᠂ ᠲᠡᠷᠡ | ᠠᠷᠠᠳ ᠤᠨ ᠶᠠᠪᠤᠳᠠᠯ ᠪᠠ ᠰᠤᠷᠭᠠᠨ ᠬᠥᠮᠥᠵᠢᠯ ᠢ ᠬᠤᠪᠢᠳᠠᠨ | ᠬᠠᠮᠢᠶᠠᠷᠴᠠᠢ᠃ ᠰᠤᠷᠭᠠᠭᠤᠯᠢ ᠪᠠᠨ ᠡᠷᠲᠡᠬᠡᠨ ᠬᠢᠴᠢᠶᠡᠯ | ᠰᠡᠷᠭᠦᠭᠡᠬᠦ ᠶᠢᠨ ᠲᠥᠯᠥᠭᠡ᠂ ᠲᠡᠷᠡ ᠡᠳᠦᠷ ᠰᠥᠨᠢ ᠦᠭᠡᠢ | ᠵᠢᠭᠠᠬᠤ ᠮᠠᠲ᠋ᠧᠷᠢᠶᠠᠯ ᠨᠠᠶᠢᠷᠠᠭᠤᠯᠤᠨ ᠪᠢᠴᠢᠬᠦ ᠪᠠ ᠬᠢᠴᠢᠶᠡᠯ | ᠪᠡᠯᠡᠳᠬᠡᠵᠡᠢ᠃ 《 ᠲᠦᠷᠪᠡᠨ ᠰᠠᠷᠠ ᠶᠢᠨ ᠭᠤᠷᠪᠠᠨ 》 ᠤ | ᠬᠤᠷᠠᠯ ᠤᠨ ᠳᠠᠷᠠᠭᠠ ᠂ ᠯᠢᠨᠰᠢ ᠳᠦ ᠬᠦᠷᠴᠦ ᠳᠤᠮᠳᠠᠳᠤ | ᠤᠯᠤᠰ ᠤᠨ ᠡᠪ ᠬᠠᠮᠲᠤ ᠨᠠᠮ ᠤᠨ ᠷᠧᠾᠧ ᠶᠢᠨ ᠬᠤᠶᠢᠲᠤ | ᠬᠡᠰᠡᠭ ᠦᠨ ᠬᠤᠷᠢᠶᠠ ᠲᠠᠢ ᠬᠣᠯᠪᠣᠭᠠ ᠠᠪᠴᠤ᠂ ᠬᠣᠯᠪᠣᠭᠳᠠᠯ | ᠪᠦᠬᠦᠢ ᠬᠡᠯᠡᠯᠴᠡᠭᠡ ᠬᠢᠬᠦ ᠶᠠᠪᠤᠳᠠᠯ ᠢ ᠵᠥᠪᠯᠡᠨ | ᠲᠣᠭᠲᠠᠭᠠᠭᠰᠠᠨ ᠪᠠᠶᠢᠨᠠ᠃ ᠨᠠᠶᠢᠷᠠᠮᠳᠠᠯ ᠤᠨ ᠬᠡᠯᠡᠯᠴᠡᠭᠡ | ᠠᠮᠵᠢᠯᠲᠠ ᠣᠯᠤᠭᠰᠠᠨ ᠤ ᠲᠠᠷᠠᠭᠠ ᠂ ᠳᠤᠮᠳᠠᠳᠤ ᠤᠯᠤᠰ ᠤᠨ ᠡᠪ | ᠬᠠᠮᠲᠤ ᠨᠠᠮ ᠤᠨ ᠷᠧᠾᠧ ᠶᠢᠨ ᠬᠤᠶᠢᠲᠤ ᠬᠡᠰᠡᠭ ᠦᠨ ᠬᠤᠷᠢᠶᠠ ᠂ | ᠷᠧᠾᠧ ᠶᠢᠨ ᠬᠤᠶᠢᠲᠤ ᠬᠡᠰᠡᠭ ᠦᠨ ᠲᠤᠰᠬᠠᠶ ᠵᠠᠬᠢᠷᠭᠠ᠂ ᠷᠧᠾᠧ | ᠶᠢᠨ ᠬᠤᠶᠢᠲᠤ ᠬᠡᠰᠡᠭ ᠦᠨ ᠴᠡᠷᠢᠭ ᠦᠨ ᠬᠤᠪᠢᠶᠠᠷᠢ ᠲᠣᠭᠣᠷᠢᠭ | ᠯᠢᠨᠳᠦ᠋ᠩ ᠤᠷᠤᠭᠤ ᠤᠷᠤᠭᠰᠢᠲᠠᠶ ᠨᠡᠭᠦᠵᠦ ᠣᠴᠢᠵᠠᠶ ᠃ ᠮᠣᠩᠭᠣᠯ | ᠮᠣᠷᠢᠲᠤ ᠴᠡᠷᠢᠭ ᠤᠨ ᠳᠥᠷᠪᠡᠳᠦᠭᠡᠷ ᠳ᠋ᠢᠸᠢᠽᠢ ᠶᠢ ᠮᠣᠩᠭᠣᠯ | ᠬᠢᠲᠠᠳ ᠤᠨ ᠬᠣᠯᠪᠣᠭᠠᠲᠤ ᠴᠡᠷᠢᠭ ᠦᠨ ᠳᠥᠷᠪᠡᠳᠦᠭᠡᠷ ᠳ᠋ᠢᠸᠢᠽᠢ | ᠪᠣᠯᠭᠠᠨ ᠥᠭᠡᠷᠡᠴᠢᠯᠡᠵᠦ᠂ ᠮᠥᠩᠬᠡᠥ᠌ᠯᠵᠡᠢ ᠶᠢ ᠤᠯᠤᠰ | ᠲᠦᠷᠦ ᠶᠢᠨ ᠬᠡᠯᠲᠡᠰ ᠦᠨ ᠡᠷᠬᠢᠯᠡᠭᠴᠢ ᠪᠠᠷ ᠲᠣᠮᠢᠯᠠᠭᠳᠠᠪᠠ ᠃ | 6 ᠰᠠᠷᠠ ᠳᠤ ᠲᠡᠷᠡ ᠥᠩᠭᠡ ᠭᠡᠷᠡᠯᠲᠡᠢ ᠪᠡᠷ ᠡᠪ ᠬᠠᠮᠳᠤ ᠨᠠᠮ ᠳᠤ | ᠣᠷᠣᠪᠠ ᠃ | ᠡᠨᠡ ᠬᠦ ᠬᠤᠭᠤᠴᠠᠭᠠᠨ ᠳᠤ ᠂ ᠲᠡᠷᠡ ᠮᠠᠷᠺᠰ ᠤᠨ ᠦᠵᠡᠯ ᠢ | ᠰᠤᠷᠤᠯᠴᠠᠵᠤ᠂ ᠨᠠᠮ ᠤᠨ ᠴᠡᠷᠢᠭ ᠪᠠᠶᠢᠭᠤᠯᠬᠤ ᠦᠵᠡᠯ ᠰᠠᠨᠠᠭᠠ | ᠪᠠ ᠴᠡᠷᠢᠭ ᠪᠠᠶᠢᠭᠤᠯᠬᠤ ᠵᠠᠷᠴᠢᠮ ᠢ ᠨᠠᠷᠢᠨ ᠬᠢᠨᠠᠮᠠᠭᠠᠶ | ᠰᠤᠳᠤᠯᠵᠤ᠂ ᠴᠡᠷᠢᠭ ᠠᠩᠭᠢ ᠶᠢᠨ ᠤᠯᠤᠰ ᠲᠦᠷᠦ ᠶᠢᠨ | ᠪᠠᠶᠢᠭᠤᠯᠤᠯᠲᠠ ᠪᠠ ᠤᠯᠤᠰ ᠲᠦᠷᠦ ᠦᠵᠡᠯ ᠰᠠᠨᠠᠭᠠᠨ ᠤ ᠠᠵᠢᠯ ᠢ | ᠠᠮᠵᠢᠯᠲᠠᠲᠠᠶ ᠬᠢᠵᠦ ᠪᠠᠶᠢᠪᠠ ᠃ ᠤᠤᠯ ᠤᠨ ᠮᠣᠷᠢᠲᠤ ᠴᠡᠷᠢᠭ ᠦᠨ | ᠳᠥᠷᠪᠡᠳᠦᠭᠡᠷ ᠳ᠋ᠢᠸᠢᠽᠢ ᠶᠢᠨ ᠪᠦᠷᠢᠯᠳᠦᠬᠦᠨ ᠨᠢ ᠨᠡᠯᠢᠶᠡᠳ | ᠪᠤᠳᠤᠯᠢᠶᠠᠨᠲᠠᠶ ᠪᠠᠶᠢᠵᠤ ᠂ ᠰᠤᠮᠤ ᠰᠠᠯᠠᠭᠠ ᠶᠢᠨ ᠳᠡᠰ ᠡᠴᠡ | ᠳ᠋ᠢᠸᠢᠽᠢ ᠶᠢᠨ ᠵᠠᠬᠢᠷᠭᠠ ᠬᠦᠷᠲᠡᠯᠡ ᠴᠥᠮ ᠴᠡᠭᠴᠡᠯᠡᠯᠲᠡ | ᠬᠢᠵᠦ ᠂ ᠡᠭᠦᠨ ᠦ ᠤᠯᠠᠮ ᠠᠴᠠ ᠴᠡᠷᠢᠭ ᠠᠩᠭᠢ ᠶᠢ | ᠴᠡᠪᠡᠷᠵᠢᠭᠦᠯᠵᠦ ᠂ ᠴᠡᠷᠢᠭ ᠠᠨᠭᠬᠢ ᠶᠢᠨ ᠲᠠᠢᠢᠴᠢᠨ ᠬᠦᠴᠦ ᠶᠢ | ᠳᠡᠭᠡᠭᠰᠢᠯᠡᠭᠦᠯᠵᠡᠢ᠃ | 1946 ᠣᠨ ᠤ 10 ᠰᠠᠷᠠ ᠳᠤ ᠂ ᠭᠣᠮᠢᠨᠳᠠᠩ ᠤᠨ ᠴᠡᠷᠢᠭ | ᠤᠯᠠᠭᠠᠨᠬᠠᠳᠠ ᠂ ᠺᠠᠶᠢᠯᠦ ᠶᠢ ᠡᠵᠡᠯᠡᠭᠰᠡᠨ ᠬᠦᠨᠳᠦ ᠨᠣᠴᠢᠲᠠᠢ | ᠪᠠᠶᠢᠳᠠᠯ ᠳᠣᠣᠷᠠ ᠂ ᠪᠠᠭᠠᠷᠢᠨ ᠪᠠᠷᠠᠭᠤᠨ ᠬᠣᠰᠢᠭᠤᠨ ᠤ ᠵᠡᠭᠦᠨ | ᠡᠮᠦᠨᠡᠲᠦ ᠬᠡᠰᠡᠭ ᠢ ᠰᠠᠬᠢᠵᠤ ᠰᠠᠭᠤᠵᠤ ᠪᠠᠶᠢᠭᠠ | ᠳᠥᠷᠪᠡᠳᠦᠭᠡᠷ ᠳ᠋ᠢᠸᠢᠽᠢ ᠶᠢᠨ ᠭᠤᠴᠢᠨ ᠳᠥᠷᠪᠡᠳᠦᠭᠡᠷ | ᠬᠤᠷᠢᠶᠠ ᠶᠢᠨ ᠬᠣᠶᠠᠳᠤᠭᠠᠷ ᠰᠤᠮᠤᠨ ᠤ ᠳᠠᠷᠤᠭᠠ ᠤᠷᠳᠤ ᠪᠠ | ᠠᠷᠤ ᠬᠣᠷᠴᠢᠨ ᠬᠣᠰᠢᠭᠤᠨ ᠤ ᠳᠥᠷᠪᠡᠳᠦᠭᠡᠷ ᠳ᠋ᠢᠸᠢᠽᠢ ᠶᠢᠨ | ᠭᠤᠴᠢᠨ ᠲᠠᠪᠤᠳᠤᠭᠠᠷ ᠬᠣᠷᠢᠶᠠ ᠶᠢᠨ ᠬᠣᠷᠢᠶᠠᠨ ᠳᠠᠷᠤᠭᠠ | ᠡᠯᠳᠡᠩᠭᠡ ᠬᠠᠷᠢᠯᠴᠠᠨ ᠬᠣᠯᠪᠣᠭᠠᠯᠠᠵᠤ ᠴᠡᠷᠢᠭ ᠤᠷᠪᠠᠵᠤ | ᠭᠣᠮᠢᠨᠳᠠᠩ ᠢ ᠳᠠᠭᠠᠬᠤ ᠭᠡᠵᠦ ᠪᠠᠶᠢᠪᠠ᠃ ᠤᠷᠳᠤ ᠲᠤᠤᠷᠠᠬᠢ | ᠬᠥᠮᠥᠨ ᠮᠠᠥ ᠰᠢᠶᠤᠤ ᠪᠠᠨ ᠲᠣᠮᠢᠯᠠᠵᠤ ᠳ᠋ᠢᠸᠢᠽᠢ ᠶᠢᠨ | ᠵᠠᠬᠢᠷᠭᠠ ᠳᠤ ᠣᠴᠢᠭᠤᠯᠵᠤ ᠬᠠᠭᠤᠷᠮᠠᠭ ᠢᠶᠠᠷ ᠠᠵᠢᠯ | ᠮᠡᠳᠡᠭᠦᠯᠵᠦ ᠵᠢᠭᠠᠪᠤᠷᠢ ᠠᠪᠤᠭᠤᠯᠵᠠᠢ᠃ ᠳ᠋ᠢᠸᠢᠽᠢ ᠶᠢᠨ | ᠵᠠᠬᠢᠷᠭᠠ ᠠᠴᠠ ᠮᠥᠩᠬᠡᠥ᠌ᠯᠵᠡᠢ ᠶᠢ ᠲᠣᠮᠢᠯᠠᠨ ᠪᠠᠶᠢᠳᠠᠯ ᠢ | ᠣᠶᠢᠯᠠᠭᠠᠭᠤᠯᠪᠠ᠃ 11 ᠰᠠᠷᠠ ᠶᠢᠨ 15 ᠤ ᠡᠳᠦᠷ ᠮᠥᠩᠬᠡᠥ᠌ᠯᠵᠡᠢ | ᠳ᠋ᠢᠸᠢᠽᠢ ᠶᠢᠨ ᠤᠯᠤᠰ ᠲᠦᠷᠦ ᠶᠢᠨ ᠬᠡᠯᠲᠡᠰ ᠦᠨ ᠠᠵᠢᠯᠯᠠᠭᠴᠢ | ᠴᠣᠶᠢᠵᠢᠰᠡᠩᠭᠡ ᠵᠡᠷᠭᠡ 11 ᠬᠥᠮᠦᠨ ᠢ ᠳᠠᠭᠠᠭᠤᠯᠵᠤ | ᠯᠢᠨᠳᠦ᠋ᠩ ᠡᠴᠡ ᠭᠠᠷᠴᠤ ᠴᠠᠰᠤ ᠮᠥᠰᠥ ᠪᠡᠷ ᠬᠤᠴᠢᠭᠳᠠᠭᠰᠠᠨ | ᠣᠷᠣᠨ ᠨᠤᠭᠤᠳ ᠢᠶᠠᠷ 400 ᠭᠠᠷᠤᠢ ᠭᠠᠵᠠᠷ ᠠᠶᠠᠯᠵᠤ᠂ 11 | ᠰᠠᠷᠠ ᠶᠢᠨ 18 ᠤ ᠡᠳᠦᠷ ᠪᠠᠭᠠᠷᠢᠨ ᠪᠠᠷᠠᠭᠤᠨ ᠭᠠᠷᠤᠨ | ᠬᠣᠰᠢᠭᠤ ᠶᠢᠨ ᠫᠠᠢ ᠮᠣᠳᠣ ᠶᠢᠨ ᠤᠷᠲᠤ ᠶᠢᠨ ᠰᠠᠭᠤᠭᠠ ᠭᠠᠵᠠᠷ | ᠬᠦᠷᠪᠡ᠃ ︽ᠬᠣᠯᠪᠣᠭᠠᠴᠢᠨ︾ ᠮᠠᠥ ᠰᠢᠶᠤᠤ ᠤᠷᠪᠠᠨ | ᠬᠤᠳᠠᠯᠳᠤᠭᠰᠠᠨ ᠠᠴᠠ ᠂ ᠮᠥᠩᠬᠡᠥ᠌ᠯᠵᠡᠢ ᠵᠡᠷᠭᠡ 11 ᠬᠥᠮᠦᠨ | ᠪᠦᠬᠦᠠ ᠢᠶᠡᠷ ᠢᠶᠡᠨ ᠪᠠᠷᠢᠪᠴᠢᠯᠠᠭᠳᠠᠵᠠᠢ᠃ ᠳᠡᠭᠡᠷᠡᠮ | ᠲᠡᠳᠡᠨ ᠢ ᠬᠦᠯᠢᠵᠦ ᠡᠯᠳᠡᠪ ᠢᠶᠡᠷ ᠲᠠᠯᠬᠢᠳᠠᠵᠤ ᠂ | ᠡᠮᠦᠨᠡᠰᠢ ᠪᠡᠨ ᠪᠠᠭᠠᠷᠢᠨ ᠪᠠᠷᠠᠭᠤᠨ ᠭᠠᠷᠤᠨ ᠬᠣᠰᠢᠭᠤᠨ ᠤ | ᠬᠢᠯᠢ ᠪᠡᠷ ᠳᠠᠮᠵᠢᠵᠤ ᠭᠣᠮᠢᠨᠳᠠᠩ ᠳᠤ ᠲᠤᠰᠢᠶᠠᠵᠤ ᠱᠠᠩᠨᠠᠯ | ᠭᠦᠷᠲᠡᠬᠦ ᠪᠠᠷ ᠪᠡᠯᠡᠳᠬᠡᠵᠦ ᠪᠠᠶᠢᠪᠠ ᠃ 11 ᠰᠠᠷᠠ ᠶᠢᠨ 22 ᠤᠨ | ᠡᠳᠦᠷ ᠳᠡᠭᠡᠷᠡᠮ ᠦᠳ ᠮᠥᠩᠬᠡᠥ᠌ᠯᠵᠡᠢ ᠶᠢ ᠣᠩᠨᠢᠭᠤᠳ | ᠬᠣᠰᠢᠭᠤᠨ ᠤ ᠯᠣᠩᠬᠣᠲᠤ ᠰᠦᠮᠡ ᠶᠢᠨ ᠴᠠᠭᠠᠨ ᠠᠶᠢᠯ ᠳᠦ | ᠬᠦᠷᠭᠡᠵᠡᠢ᠃ ᠰᠥᠨᠢ ᠪᠣᠯᠬᠤ ᠳᠤ ᠲᠡᠷᠡ ᠬᠡᠳᠦᠨ ᠪᠠᠶᠯᠳᠤᠭᠴᠢ ᠲᠠᠢ | ᠬᠠᠮᠳᠤ ᠳᠤᠲᠠᠭᠠᠨ ᠭᠠᠷᠤᠭᠰᠠᠨ ᠪᠣᠯᠪᠠᠴᠤ ᠵᠣᠯ ᠪᠤᠰᠤ ᠢᠶᠠᠷ ᠭᠦᠨ | ᠭᠣᠣ ᠳᠤ ᠤᠨᠠᠵᠤ᠂ ᠳᠠᠬᠢᠨ ᠪᠣᠰᠴᠤ ᠭᠦᠶᠦᠬᠦ ᠳ᠋ᠦ᠋ᠨᠢ | ᠳᠡᠭᠡᠷᠡᠮᠴᠢᠳ ᠫᠤᠤᠳᠠᠵᠤ ᠵᠡᠭᠦᠨ ᠬᠥᠯ ᠨᠢ ᠰᠤᠮᠤᠨ ᠳᠤ | ᠣᠨᠣᠭᠳᠠᠵᠤ ᠳᠠᠬᠢᠨ ᠪᠠᠷᠢᠪᠴᠢᠯᠠᠭᠳᠠᠵᠠᠢ᠂ ᠳᠡᠭᠡᠷᠡᠮ ᠬᠠᠷᠭᠢᠰ | ᠬᠡᠷᠴᠡᠭᠡᠶ ᠪᠠᠷ ᠫᠤᠤ ᠶᠢᠨ ᠳᠤᠬᠤ ᠪᠠᠷ ᠭᠠᠪᠠᠯᠠ ᠶᠢ ᠨᠢ | ᠬᠡᠮᠬᠡ ᠴᠣᠬᠢᠵᠤ ᠮᠥᠩᠬᠡᠥ᠌ᠯᠵᠡᠢ ᠪᠠᠭᠠᠲᠤᠷᠯᠢᠭ ᠢᠶᠠᠷ ᠪᠡᠶᠡ | ᠦᠷᠡᠭᠳᠡᠵᠡᠢ᠂ ᠲᠤᠬᠠᠶ ᠶᠢᠨ ᠵᠢᠯ ᠭᠤᠴᠢᠨ ᠨᠠᠰᠤᠲᠠᠶ ᠪᠠᠶᠢᠪᠠ ᠃ | |