| ᠲᠠᠯᠬᠡᠷ （ 1904-194᠂5 ） | | ᠲᠠᠯᠬᠡᠷ ᠂ ᠡᠷᠡᠭᠲᠡᠶ ᠂ ᠮᠣᠩᠭᠣᠯ ᠦᠨᠳᠦᠰᠦᠲᠡᠨ ᠂ ᠬᠢᠲᠠᠳ | ᠨᠡᠷᠡ ᠨᠢᠩ ᠴᠦᠨ ᠹᠠ᠃ 1904 ᠣᠨ ᠳᠤ ᠥᠪᠥᠷ ᠮᠣᠩᠭᠣᠯ ᠤᠨ | ᠬᠡᠰᠢᠭᠲᠡᠨ ᠬᠣᠰᠢᠭᠤᠨ ᠤ ᠳ᠋ᠠ ᠸᠠᠩ ᠮᠢᠶᠣᠣ ᠰᠦᠮᠡ ᠶᠢᠨ ᠨᠢᠭᠡᠨ | ᠭᠠᠤᠯᠢᠨ ᠳᠠᠷᠬᠠᠨ ᠤ ᠭᠡᠷ ᠲᠦ ᠲᠥᠷᠥᠵᠡᠢ᠃ ᠪᠠᠭᠠ ᠳ᠋ᠦ᠋ᠨᠢ ᠭᠡᠷ | ᠨᠢ ᠶᠠᠳᠠᠭᠤ ᠪᠣᠯᠬᠣᠷ 9 ᠨᠠᠰᠤᠲᠠᠶ ᠪᠠᠶᠢᠬᠤ ᠳᠠᠭᠠᠨ | ᠪᠢᠷᠠᠭᠤ ᠳᠦ ᠣᠴᠢᠵᠤ ᠼᠦᠢ ᠢᠩ ᠪᠠᠭᠠ ᠰᠤᠷᠭᠠᠭᠤᠯᠢ ᠳᠤ《 | ᠵᠠᠷᠤᠴᠠ 》ᠪᠣᠯᠵᠠᠢ ᠃ ᠲᠡᠷᠡ ᠠᠵᠢᠯᠴᠢ ᠮᠥᠷᠲᠡᠭᠡᠨ ᠬᠤᠷᠴᠠ | ᠰᠡᠷᠭᠦᠯᠡᠩ ᠪᠠᠶᠢᠵᠤ᠂ ᠠᠵᠢᠯ ᠢᠶᠠᠨ ᠳᠠᠭᠤᠰᠬᠠᠭᠠᠳ ᠴᠣᠩᠬᠣᠨ | ᠭᠠᠳᠠᠨᠠ ᠵᠣᠭᠰᠣᠵᠤ ᠬᠢᠴᠢᠶᠡᠯ ᠰᠣᠨᠣᠰᠳᠠᠭ ᠪᠠᠶᠢᠵᠠᠢ ᠂ | ᠰᠤᠷᠭᠠᠭᠤᠯᠢ ᠶᠢᠨ ᠳᠠᠷᠤᠭᠠ ᠶᠤᠸᠠᠢ ᠬᠣᠩ ᠵᠢᠶ ᠲᠡᠭᠦᠨ ᠦ | ᠥᠭᠡᠳᠡ ᠲᠡᠶ ᠦᠵᠡᠵᠦ ᠂ ᠬᠠᠭᠠᠰ ᠵᠢᠯ ᠦᠨ ᠳᠠᠷᠠᠭᠠ ᠲᠥᠯᠥᠪᠦᠷᠢ | ᠦᠭᠡᠶ ᠪᠡᠷ ᠰᠤᠷᠭᠠᠭᠤᠯᠢ ᠳᠤ ᠪᠢᠴᠢᠭ ᠦᠵᠡᠭᠦᠯᠵᠡᠢ᠃ | 1924 ᠣᠨ ᠤ 8 ᠰᠠᠷᠠ ᠳᠤ ᠂ ᠯᠸ ᠵᠢᠩ ᠲᠤᠤ ᠂ ᠯᠸ ᠬᠣᠩ ᠵᠢᠶ | ᠬᠡᠰᠢᠭᠲᠡᠨ ᠬᠣᠰᠢᠭᠤᠨ ᠳᠦ ᠳᠡᠯᠭᠡᠷ ᠵᠡᠷᠭᠡ ᠬᠡᠳᠦᠨ ᠠᠷᠪᠠᠨ | ᠵᠠᠯᠠᠭᠤᠴᠤᠳ ᠢ ᠵᠣᠬᠢᠶᠠᠨ ᠪᠠᠶᠢᠭᠤᠯᠵᠤ ᠬᠠᠯᠬᠠ ᠶᠢᠨ | ᠤᠯᠠᠭᠠᠨᠪᠠᠭᠠᠲᠤᠷ ᠤᠨ ᠴᠡᠷᠢᠭ ᠦᠨ ᠨᠣᠶᠠᠳ ᠤᠨ | ᠰᠤᠷᠭᠠᠭᠤᠯᠢ ᠳᠤ ᠰᠤᠷᠤᠯᠴᠠᠭᠤᠯᠵᠤ᠂ ᠳᠡᠯᠭᠡᠷ ᠬᠡᠰᠢᠭᠲᠡᠨ | ᠬᠣᠰᠢᠭᠤᠨ ᠤ ᠳᠤᠭᠤᠶᠢᠯᠠᠩ ᠤᠨ ᠬᠠᠷᠢᠭᠤᠴᠠᠯᠭᠠᠲᠠᠨ ᠪᠣᠯᠵᠠᠢ ᠂ | ᠯᠦ ᠵᠢᠢ ᠰᠠᠨ ( ᠬᠡᠰᠢᠭᠲᠡᠨ ᠬᠦᠮᠦᠨ᠂ ᠥᠪᠥᠷ ᠠᠷᠠᠳ ᠤᠨ ᠨᠠᠮ ᠤᠨ | ᠡᠭᠦᠳᠦᠨ ᠪᠠᠶᠢᠭᠤᠯᠤᠭᠴᠢ ᠶᠢᠨ ᠨᠢᠭᠡ ） ᠪᠠᠷ ᠳᠠᠮᠵᠢᠨ | ᠰᠤᠷᠭᠠᠭᠤᠯᠢ ᠶᠢᠨ ᠳᠠᠷᠤᠭᠠ ᠴᠣᠶᠢᠪᠠᠯᠰᠠᠩ ᠮᠠᠷᠱᠠᠯ ᠲᠠᠢ | ᠰᠠᠶᠢᠨ ᠨᠠᠶᠢᠵᠠ ᠪᠣᠯᠵᠠᠢ ᠂ ᠦᠷᠭᠦᠯᠵᠢ ᠴᠣᠶᠢᠪᠠᠯᠰᠠᠩ ᠤᠨ | ᠭᠡᠷ ᠲᠦ ᠣᠴᠢᠳᠠᠭ ᠪᠠᠶᠢᠵᠠᠢ᠃ | 1925 ᠣᠨ ᠤ 10 ᠰᠠᠷᠠ ᠳᠤ ᠂ ᠥᠪᠥᠷ ᠮᠣᠩᠭᠣᠯ ᠤᠨ ᠠᠷᠠᠳ ᠤᠨ | ᠬᠤᠪᠢᠰᠬᠠᠯᠲᠤ ᠨᠠᠮ ᠪᠠᠶᠢᠭᠤᠯᠤᠭᠳᠠᠭᠰᠠᠨ ᠤ ᠲᠠᠷᠠᠭᠠ ᠂ ᠨᠢᠭᠡ | ᠪᠦᠯᠦᠭ ᠵᠠᠯᠠᠭᠤᠴᠤᠳ ᠢ ᠵᠣᠬᠢᠶᠠᠨ ᠪᠠᠶᠢᠭᠤᠯᠵᠤ ᠂ ᠵᠦᠪᠯᠡᠯᠳᠤ | ᠬᠣᠯᠪᠣᠭᠠᠲᠤ ᠤᠯᠤᠰ ᠲᠤ ᠬᠦᠷᠭᠡᠵᠦ ᠣᠴᠢᠭᠤᠯᠵᠠᠢ᠂ ᠢᠩᠬᠢᠭᠡᠳ | ᠳᠡᠯᠭᠡᠷ ᠮᠣᠰᠺᠸᠠ ᠶᠢᠨ ᠳᠣᠷᠣᠨᠠᠳᠠᠬᠢᠨ ᠤ ᠶᠡᠬᠡ | ᠰᠤᠷᠭᠠᠭᠤᠯᠢ ᠳᠤ ᠤᠷᠤᠭᠰᠠᠨ ᠪᠠᠶᠢᠨᠠ᠃ ᠰᠤᠷᠭᠠᠭᠤᠯᠢ ᠳᠤ | ᠪᠠᠶᠢᠬᠤ ᠳᠠᠭᠠᠨ ᠯᠧᠨᠢᠨ ᠦ ᠦᠵᠡᠯ ᠤᠨ ᠡᠪ ᠬᠠᠮᠲᠤ | ᠵᠠᠯᠠᠭᠤᠴᠤᠳ ᠤᠨ ᠡᠪᠯᠡᠯ ᠪᠠ ᠵᠦᠪᠯᠡᠯᠳᠦ ᠬᠣᠯᠪᠣᠭᠠᠲᠤ | ᠤᠯᠤᠰ ᠤᠨ ᠡᠪ ᠬᠠᠮᠲᠤ ᠨᠠᠮ ᠳᠤ ᠣᠷᠣᠵᠠᠢ ᠃ | 1929 ᠣᠨ ᠤ 6 ᠰᠠᠷᠠ ᠳᠤ ᠲᠠᠯᠬᠡᠷ ᠰᠤᠷᠤᠯᠭᠠ ᠳᠡᠭᠦᠰᠴᠦ ᠂ | ᠭᠤᠷᠪᠠᠳᠤᠭᠠᠷ ᠢᠨᠲ᠋ᠧᠷᠨᠠᠼᠢᠣᠨᠠᠯ ᠤᠨ ᠳᠤᠮᠳᠠᠳᠤ ᠤᠯᠤᠰ ᠤᠨ | ᠡᠪ ᠬᠠᠮᠲᠤ ᠨᠠᠮ ᠤᠨ ᠲᠥᠯᠥᠭᠡᠯᠡᠭᠴᠢ ᠴᠢᠦᠶ ᠴᠢᠦ ᠪᠠᠶ ᠲᠡᠭᠦᠨ ᠢ | ᠬᠦᠯᠢᠶᠡᠨ ᠠᠪᠴᠤ ᠠᠭᠤᠯᠵᠠᠬᠤ ᠶᠢᠨ ᠵᠡᠷᠭᠡᠪᠡᠷ | ᠲᠡᠮᠦᠷᠪᠠᠭᠠᠨᠠ ᠂ ᠤᠯᠠᠭᠠᠨᠬᠦᠦ ᠂ ᠹᠥᠸᠧ ᠳ᠋ᠢᠩ ᠂ ᠫᠣᠩᠰᠣᠭ | ᠨᠠᠷ ᠢ ᠬᠦᠯᠢᠶᠡᠨ ᠠᠪᠴᠤ ᠠᠭᠤᠯᠵᠠᠭᠰᠠᠨ ᠪᠠᠶᠢᠨᠠ᠃ ᠲᠡᠳᠡᠨ ᠳᠦ | ᠤᠯᠤᠰ ᠲᠠᠭᠠᠨ ᠪᠤᠴᠠᠭᠰᠠᠨ ᠤ ᠳᠠᠷᠠᠭᠠᠬᠢ ᠬᠤᠪᠢᠰᠬᠠᠯ ᠤᠨ | ᠡᠭᠦᠷᠭᠡ ᠂ ᠠᠵᠢᠯ ᠤᠨ ᠭᠣᠣᠯᠳᠠᠯᠭᠠ ᠬᠢᠭᠡᠳ ᠤᠯᠤᠰ ᠲᠠᠭᠠᠨ | ᠪᠤᠴᠠᠬᠤ ᠵᠠᠮ ᠢ ᠪᠠᠶᠢᠷᠢᠯᠠᠭᠤᠯᠵᠤ᠂ ᠡᠭᠦᠨ ᠦ | ᠵᠡᠷᠭᠡᠴᠡᠭᠡᠪᠡᠷ 5 ᠬᠥᠮᠦᠨ ᠢ ᠳᠤᠮᠳᠠᠳᠤ ᠤᠯᠤᠰ ᠤᠨ ᠡᠪ ᠬᠠᠮᠲᠤ | ᠨᠠᠮ ᠤᠨ ᠭᠡᠰᠢᠭᠦᠨ ᠢᠶᠠᠷ ᠡᠯᠰᠡᠵᠡᠢ ᠃ | ᠲᠠᠯᠬᠡᠷ ᠵᠡᠷᠭᠡ 5 ᠬᠥᠮᠦᠨ ᠭᠠᠯᠲᠤ ᠲᠡᠷᠭᠡ ᠪᠡᠷ | ᠤᠯᠠᠭᠠᠨᠪᠠᠭᠠᠲᠤᠷ ᠲᠤ ᠬᠥᠷᠥᠭᠰᠡᠨ ᠦ ᠳᠠᠷᠠᠭᠠ ᠂ ᠭᠤᠷᠪᠠᠨ | ᠵᠠᠮ ᠬᠤᠪᠢᠶᠠᠨ ᠥᠪᠥᠷ ᠮᠣᠩᠭᠣᠯ ᠳᠦ ᠡᠭᠡᠵᠡᠢ᠃ ᠫᠣᠩᠰᠣᠭ᠂ | ᠲᠡᠮᠦᠷᠪᠠᠭᠠᠨᠠ ᠥᠪᠥᠷ ᠮᠣᠩᠭᠣᠯ ᠤᠨ ᠵᠡᠭᠦᠨ ᠬᠡᠰᠡᠭ ᠲᠤ | ᠪᠤᠴᠠᠵᠤ ᠂ ᠤᠯᠠᠭᠠᠨᠬᠦᠦ ᠂ ᠹᠥᠸᠧ ᠳ᠋ᠢᠩ ᠥᠪᠥᠷ ᠮᠣᠩᠭᠣᠯ ᠤᠨ | ᠪᠠᠷᠠᠭᠤᠨ ᠬᠡᠰᠡᠭ ᠲᠤ ᠪᠤᠴᠠᠵᠤ ᠂ ᠲᠠᠯᠬᠡᠷ ᠵᠣᠣ ᠤᠳᠠ ᠂ | ᠰᠢᠯᠢ ᠶᠢᠨ ᠭᠣᠣᠯ ᠂ ᠴᠠᠬᠠᠷ ᠣᠷᠴᠢᠮ ᠬᠠᠷᠢᠵᠤ ᠠᠵᠢᠯᠯᠠᠵᠠᠢ᠃ | ᠳᠠᠷᠠᠭᠠ ᠨᠢ ᠂ ᠬᠡᠰᠢᠭᠲᠡᠨ ᠬᠣᠰᠢᠭᠤ ᠶᠢᠨ ᠳ᠋ᠡ ᠸᠠᠩ ᠮᠢᠶᠣᠣ | ᠰᠦᠮᠡ ᠳᠦ ᠣᠴᠢᠵᠤ ᠂ ᠡᠭᠦᠨ ᠢᠶᠡᠷ ᠰᠠᠭᠤᠷᠢᠨ ᠭᠠᠵᠠᠷ ᠪᠤᠯᠭᠠᠵᠤ | ᠥᠪᠥᠷ ᠮᠣᠩᠭᠣᠯ ᠤᠨ ᠠᠷᠠᠳ ᠤᠨ ᠬᠤᠪᠢᠰᠬᠠᠯᠲᠤ ᠨᠠᠮ ᠤᠨ ᠡᠭᠦᠷ ᠢ | ᠪᠠᠶᠢᠭᠤᠯᠵᠤ ᠥᠯᠵᠡᠶᠢᠸᠠᠴᠢᠷ ᠵᠢᠴᠢ ᠵᠦᠪᠯᠡᠯᠳᠦ ᠬᠣᠯᠪᠣᠭᠠᠲᠤ | ᠤᠯᠤᠰ ᠪᠠ ᠠᠷᠤ ᠮᠣᠩᠭᠣᠯ ᠠᠴᠠ ᠪᠤᠴᠠᠵᠤ ᠢᠷᠡᠭᠰᠡᠨ ᠵᠤᠤ ᠳ᠋ᠠᠶ | ᠳ᠋ᠸ ᠂ ᠪᠥᠬᠡᠪᠠᠶᠠᠷ ᠂ ᠸᠠᠩ ᠶᠢᠩ ᠵᠸᠤ ᠂ ᠴᠧᠨ ᠵᠧᠨ ᠬᠤᠸᠠ ᠵᠡᠷᠭᠡ | ᠨᠠᠢᠢᠳᠠ 15 ᠬᠥᠮᠦᠨ ᠢ ᠡᠯᠰᠡᠵᠡᠶ ᠃ ᠲᠡᠳᠡ ᠦᠷᠭᠦᠯᠵᠢ ᠳ᠋ᠠ ᠸᠠᠩ | ᠮᠢᠶᠣᠣ ᠰᠦᠮᠡ ᠶᠢᠨ ᠶᠠᠩ ᠲᠧᠦ ᠡᠮ ᠦᠨ ᠫᠦᠰᠡ ᠳᠦ | ᠴᠤᠭᠯᠠᠷᠠᠳᠠᠭ᠃ ᠲᠡᠳᠡ ᠳ᠋ᠠ ᠸᠠᠩ ᠮᠢᠶᠣᠣ ᠰᠦᠮᠡ ᠶᠢᠨ | ᠪᠠᠷᠠᠭᠤᠨ ᠡᠮᠦᠨᠡᠲᠦ ᠶᠢᠨ ᠪᠤᠷᠬᠠᠨ ᠴᠢᠯᠠᠭᠤᠨ ᠠᠭᠤᠯᠠ（ ᠰᠢᠳᠠᠮ | ᠠᠭᠤᠯᠠ ） ᠶᠢᠨ ᠳᠡᠭᠡᠷᠡᠬᠢ ᠰᠡᠷᠪᠡᠭᠡ ᠬᠠᠳᠠ ᠪᠡᠷ ᠲᠤᠬᠢᠶᠠ | ᠪᠣᠯᠭᠠᠵᠤ （ ᠡᠮᠦᠨᠡᠰᠢ ᠬᠡᠯᠪᠡᠶᠢᠪᠡᠯ ᠬᠤᠪᠢᠷᠠᠯᠲᠠ ᠲᠠᠢ ᠂ | ᠬᠣᠶᠢᠰᠢ ᠪᠠᠨ ᠬᠡᠯᠪᠡᠶᠢᠪᠡᠯ ᠠᠮᠤᠷ ᠠᠮᠤᠭᠤᠯᠠᠩ ）᠂ | ᠲᠠᠯᠬᠡᠷ ᠦᠨ ᠠᠪᠤ ᠵᠠᠮᠰᠤ ᠪᠠᠷ ᠬᠣᠯᠪᠣᠭᠠᠴᠢᠨ ᠪᠣᠯᠭᠠᠭᠰᠠᠨ | ᠶᠤᠮ ᠃ ᠳᠡᠯᠭᠡᠷ ᠬᠣᠵᠢᠮ ᠨᠢ ᠪᠢᠷᠠᠭᠤ ᠨᠢᠭᠡᠳᠦᠭᠡᠷ ᠪᠦᠷᠢᠨ | ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ ᠪᠠᠭᠰᠢ ᠶᠢᠨ ᠨᠡᠷᠡ ᠪᠡᠷ | ᠬᠠᠯᠬᠠᠪᠴᠢ ᠪᠣᠯᠭᠠᠵᠤ᠂ ᠨᠢᠭᠤᠴᠠ ᠠᠵᠢᠯ ᠬᠢᠵᠦ ᠪᠠᠶᠢᠪᠠ ᠃ | 1931 ᠣᠨ ᠳᠤ 《 ᠥᠪᠥᠷ ᠠᠷᠠᠳ ᠤᠨ ᠨᠠᠮ 》 ᠤᠨ ᠭᠡᠰᠢᠭᠦᠨ ᠬᠥᠭᠵᠢᠭᠡᠳ | ᠨᠢᠭᠡᠨᠲᠡ 30 ᠭᠠᠷᠤᠶ ᠬᠥᠮᠦᠰ ᠲᠠᠢ ᠪᠣᠯᠣᠭᠰᠠᠨ ᠪᠥᠭᠡᠳ ᠨᠢᠭᠡᠨᠲᠡ | ᠴᠡᠷᠢᠭ ᠵᠠᠰᠠᠭ ᠬᠤᠳᠠᠯᠳᠤᠭᠠᠨ ᠤ ᠡᠯᠡ ᠡᠲᠡᠭᠡᠳ ᠲᠤ ᠴᠦᠮ | ᠨᠡᠪᠴᠢᠨ ᠤᠷᠤᠭᠰᠠᠨ ᠪᠠᠶᠢᠵᠠᠢ ᠂ ᠵᠢᠱᠢᠶᠡᠯᠡᠪᠡᠯ ᠳ᠋ᠡ ᠸᠠᠩ | ᠮᠢᠶᠣᠣ ᠰᠦᠮᠡ ᠶᠢᠨ ᠴᠠᠭᠳᠠᠭᠠ ᠶᠢᠨ ᠵᠠᠬᠢᠷᠭᠠ ᠶᠢᠨ ᠵᠣᠣ | ᠵᠢᠷᠠᠨᠲᠠᠢ ᠵᠡᠷᠭᠡ ᠶᠢ ᠨᠠᠮ ᠤᠨ ᠭᠡᠰᠢᠭᠦᠨ ᠪᠣᠯᠭᠠᠨ | ᠬᠥᠮᠥᠵᠢᠭᠦᠯᠵᠡᠢ ᠃ ᠬᠠᠭᠠᠰ ᠵᠢᠯ ᠦᠨ ᠲᠠᠷᠠᠭᠠ ᠥᠪᠥᠷ ᠠᠷᠠᠳ ᠤᠨ | ᠨᠠᠮ ᠤᠨ ᠡᠭᠦᠷ ᠳ᠋ᠡ ᠸᠠᠩ ᠮᠢᠶᠣᠣ ᠰᠦᠮᠡ ᠡᠴᠡ ᠪᠢᠷᠠᠭᠤ ᠳᠦ | ᠨᠡᠭᠦᠨ ᠢᠷᠡᠵᠦ ᠂ ᠠᠵᠢᠯᠯᠠᠭᠠᠨ ᠤ ᠭᠠᠵᠠᠷ ᠨᠢ ᠢᠦᠢ ᠰᠢᠩ ᠵᠠᠨ ᠳᠤ | ᠪᠠᠶᠢᠵᠤ ᠂ ᠪᠠᠰᠠ ᠴᠢᠩ ᠳᠧ ᠵᠧᠩ ᠂ ᠲᠢᠶᠠᠨ ᠱᠦᠨ ᠰᠢᠩ ᠵᠢᠴᠢ | ᠯᠢᠨᠰᠢ ᠂ ᠺᠠᠶᠢᠯᠦ ᠂ ᠪᠡᠶᠢᠰᠡ ᠶᠢᠨ ᠰᠦᠮᠡ （ ᠤᠳᠤ ᠶᠢᠨ | ᠰᠢᠯᠢ ᠶᠢᠨ ᠬᠤᠳᠠ ）᠂ ᠴᠢᠭᠤᠯᠤᠯᠲᠤ ᠬᠠᠭᠠᠯᠭᠠ ᠳᠤ | ᠬᠣᠯᠪᠣᠭᠠᠨ ᠤ ᠭᠠᠵᠠᠷ ᠪᠠᠶᠢᠭᠤᠯᠵᠠᠶ ᠃ ᠢᠦᠢ ᠰᠢᠩ ᠵᠠᠨ ᠠᠴᠠ | ᠤᠯᠠᠭᠠᠨᠪᠠᠭᠠᠲᠤᠷ ᠬᠤᠭᠤᠷᠤᠨᠳᠤᠬᠢ ᠨᠢᠭᠤᠴᠠ ᠵᠠᠮ | ᠬᠠᠷᠢᠯᠴᠠᠭᠠᠨ ᠤ ᠱᠤᠭᠤᠮ ᠢ ᠨᠡᠭᠡᠭᠡᠵᠦ ᠂ ᠡᠭᠦᠨ ᠦ ᠤᠯᠠᠮ ᠠᠴᠠ | ᠬᠡᠰᠢᠭᠲᠡᠨ ᠬᠣᠰᠢᠭᠤ ᠨᠢ ᠨᠢᠭᠡᠨ ᠦᠶᠡ ᠭᠤᠷᠪᠠᠳᠤᠭᠠᠷ | ᠢᠨᠲ᠋ᠧᠷᠨᠠᠼᠢᠣᠨᠠᠯ ᠡᠴᠡ ᠬᠤᠪᠢᠰᠬᠠᠯᠲᠤ ᠨᠠᠮᠳᠠᠨ ᠢ ᠤᠯᠤᠰ ᠲᠤ | ᠨᠢ ᠲᠣᠮᠢᠯᠠᠬᠤ《 ᠵᠥᠭᠡᠭᠡᠪᠦᠷᠢᠯᠡᠬᠦ ᠥᠷᠲᠡᠭᠡ 》 ᠪᠣᠯᠣᠭᠰᠠᠨ | ᠪᠠᠶᠢᠨᠠ ᠃ | ᠲᠠᠯᠬᠡᠷ ᠵᠥᠪᠯᠡᠯᠳᠤ ᠬᠣᠯᠪᠣᠭᠠᠲᠤ ᠤᠯᠤᠰ ᠤᠨ ᠡᠪ ᠬᠠᠮᠲᠤ | ᠨᠠᠮ ᠤᠨ ᠭᠡᠰᠢᠭᠦᠨ ᠮᠥᠨ ᠮᠥᠷᠲᠡᠭᠡᠨ ᠪᠠᠰᠠ ᠴᠤ ᠳᠤᠮᠳᠠᠳᠤ | ᠤᠯᠤᠰ ᠤᠨ ᠡᠪ ᠬᠠᠮᠲᠤ ᠨᠠᠮ ᠤᠨ ᠭᠡᠰᠢᠭᠦᠨ ᠪᠠᠶᠢᠵᠤ ᠂ ᠣᠷᠣᠰ | ᠬᠡᠯᠡ ᠳᠤ ᠴᠠᠭᠠᠷᠠᠵᠤ ᠂ 1931-1937ᠣᠨ ᠳᠤ ᠵᠠᠷᠯᠢᠭ ᠢᠶᠠᠷ | ᠭᠤᠷᠪᠠᠳᠤᠭᠠᠷ ᠢᠨᠲ᠋ᠧᠷᠨᠠᠼᠢᠣᠨᠠᠯ ᠤᠨ ᠪᠸᠢᠢᠫᠢᠩ ᠳ᠋ᠤ | ᠰᠠᠭᠤᠭᠠ ᠶᠡᠷᠦᠩᠬᠡᠶ ᠬᠠᠷᠢᠯᠴᠠᠭᠴᠢ ᠶᠢᠨ ᠲᠤᠰᠢᠶᠠᠯ ᠢ | ᠬᠠᠷᠢᠭᠤᠴᠠᠭᠰᠠᠨ ᠪᠠᠶᠢᠨᠠ ᠃ ᠲᠡᠷᠡ ᠪᠸᠢᠢᠫᠢᠡᠭ ᠳᠦ | ᠰᠤᠷᠤᠭᠴᠢ ᠶᠢᠨ ᠨᠡᠷᠡ ᠪᠡᠷ ᠬᠠᠯᠬᠠᠪᠴᠢ ᠪᠣᠯᠭᠠᠨ ᠂ ᠡᠬᠢᠨ ᠦ | ᠦᠶᠡ ᠳᠦ ᠮᠣᠩᠭᠣᠯ ᠤᠨ ᠰᠢᠨᠵᠢᠶᠠᠩ ᠤᠨ ᠳ᠋ᠸ ᠸᠠᠩ ᠤᠨ | ᠪᠸᠢᠢᠫᠢᠩ ᠳ᠋ᠤ ᠰᠠᠭᠤᠭᠠ ᠬᠡᠷᠡᠭ ᠡᠷᠬᠢᠯᠡᠬᠦ ᠭᠠᠵᠠᠷ ᠤᠨ | ᠡᠷᠬᠢᠯᠡᠭᠴᠢ ᠪᠦᠦ ᠶᠤᠸᠠᠢ ᠴᠢᠩ ᠤᠨ ᠭᠡᠷ ᠲᠦ ᠰᠠᠭᠤᠵᠤ᠂ ᠬᠤᠸᠠ | ᡁᠢ ᠠᠨ ᠂ ᠴᠧᠨ ᡁᠢ ᠵᠦᠩ ᠭᠡᠵᠦ ᠨᠡᠷᠡ ᠪᠤᠷᠤᠭᠤᠯᠠᠵᠠᠢ᠃ | 1935 ᠣᠨ ᠳᠤ ᠭᠣᠮᠢᠨᠳᠠᠩ ᠤᠨ ᠵᠠᠰᠠᠭ ᠤᠨ ᠣᠷᠳᠣᠨ ᠤ 《 | ᠭᠠᠳᠠᠭᠠᠳᠤ ᠶᠢ ᠡᠰᠡᠷᠭᠦᠴᠡᠬᠦ ᠳᠦ ᠤᠷᠢᠳᠠᠪᠠᠷ | ᠳᠣᠲᠣᠭᠠᠳᠤ ᠪᠠᠨ ᠲᠦᠪᠰᠢᠳᠬᠡᠬᠦ ᠬᠡᠷᠡᠭᠲᠡᠶ 》᠂ ᠭᠡᠰᠡᠨ | ᠲᠡᠷᠰᠯᠡᠭᠦᠦ ᠲᠦᠷᠦ ᠶᠢᠨ ᠪᠤᠳᠤᠯᠭᠠ ᠶᠢᠨ ᠳᠣᠣᠷᠠ ᠂ ᠲᠠᠯᠬᠡᠷ | ᠪᠸᠢᠢᠫᠢᠩ ᠳᠦ ᠠᠳᠠᠯᠢ ᠪᠤᠰᠤ ᠠᠷᠭᠠ ᠮᠠᠶ᠋ᠢᠭ ᠪᠡᠷ ᠡᠯᠡ | ᠵᠦᠢᠯ ᠦᠨ ᠬᠥᠮᠦᠰ ᠲᠡᠶ ᠠᠭᠤᠯᠵᠠᠬᠤ ᠡᠴᠡ ᠭᠠᠳᠠᠨᠠ ᠪᠠᠰᠠ | ᠦᠷᠭᠦᠯᠵᠢ ᠮᠣᠩᠭᠣᠯ ᠤᠨ ᠬᠤᠳᠠᠯᠳᠤᠭᠠᠴᠢᠨ ᠤ ᠬᠤᠪᠢ ᠪᠠᠷ | ᠬᠥᠬᠡᠬᠣᠲᠠ ᠂ ᠪᠤᠭᠤᠲᠤ ᠂ ᠵᠢᠨᠢᠩ ᠵᠡᠷᠭᠡ ᠭᠠᠵᠠᠷ ᠢᠶᠠᠷ | ᠬᠣᠯᠪᠣᠭᠠ ᠠᠪᠴᠤ᠂ ᠵᠣᠬᠢᠶᠠᠨ ᠪᠠᠶᠢᠭᠤᠯᠤᠯᠲᠠ ᠪᠠᠨ | ᠬᠥᠭᠵᠢᠭᠦᠯᠵᠦ ᠂ ᠮᠡᠳᠡᠭᠡ ᠴᠤᠭᠯᠠᠭᠤᠯᠬᠤ ᠂ ᠤᠯᠠᠨ ᠲᠦᠮᠡᠨ ᠢ | ᠤᠬᠠᠭᠤᠯᠬᠤ ᠵᠡᠷᠭᠡ ᠠᠵᠢᠯ ᠢ ᠬᠢᠵᠦ ᠪᠠᠶᠢᠵᠠᠢ᠃ | 1937 ᠣᠨ ᠤ 《 ᠲᠤᠯᠤᠭᠠᠨ ᠰᠠᠷᠠ ᠶᠢᠨ ᠲᠤᠯᠤᠭᠠᠨ》 ᠤ ᠬᠡᠷᠡᠭ | ᠬᠤᠪᠢᠰᠤᠯ ᠠᠴᠠ ᠡᠮᠦᠨᠡᠬᠡᠨ ᠂ ᠲᠠᠯᠬᠡᠷ ᠪᠡᠭᠡᠵᠢᠩ ᠡᠴᠡ ᠰᠠᠯᠵᠤ | ᠂ ᠬᠦᠢᠰᠦ᠋ᠢ （ ᠬᠥᠬᠡᠬᠣᠲᠠ ） ᠪᠠᠷ ᠳᠠᠮᠵᠢᠨ ᠨᠢᠩᠰᠢᠶᠠ ᠳᠤ | ᠬᠦᠷᠴᠡᠢ᠃1938 ᠣᠨ ᠤ 2 ᠰᠠᠷᠠ ᠳᠤ ᠲᠠᠯᠬᠡᠷ ᠵᠠᠷᠯᠢᠭ ᠢᠶᠠᠷ | ᠪᠥᠬᠥᠳᠡ ᠨᠠᠶᠢᠷᠠᠮᠳᠠᠬᠤ ᠮᠣᠩᠭᠣᠯ ᠠᠷᠠᠳ ᠤᠯᠤᠰ ᠲᠤ ᠣᠴᠢᠵᠤ | ᠭᠤᠷᠪᠠᠳᠤᠭᠠᠷ ᠢᠨᠲ᠋ᠧᠷᠨᠠᠼᠢᠣᠨᠠᠯ ᠲᠤ ᠠᠵᠢᠯ ᠶᠢᠨ | ᠮᠡᠳᠡᠭᠦᠯᠵᠡᠢ ᠃ ᠬᠦᠢᠰᠦ᠋ᠢ （ ᠬᠥᠬᠡᠬᠣᠲᠠ ） ᠳᠦ ᠬᠦᠷᠦᠭᠡᠳ | ᠥᠯᠵᠡᠶᠢᠸᠠᠴᠢᠷ ᠲᠤ ᠄ 《 ᠡᠨᠡ ᠤᠳᠠᠭᠠ ᠠᠷᠤ ᠮᠣᠩᠭᠣᠯ ᠳᠤ | ᠪᠠᠷᠤᠭ 40 ᠡᠳᠦᠷ ᠣᠷᠴᠢᠮ ᠪᠣᠯᠣᠮᠠᠭᠴᠠ ᠪᠣᠴᠠᠵᠤ ᠢᠷᠡᠨᠡ 》 | ᠭᠡᠵᠡᠢ ᠃ ᠭᠡᠳᠡᠯᠡ ᠡᠨᠡ ᠤᠳᠠᠭᠠ ᠬᠠᠷᠢᠨ ᠪᠣᠴᠠᠵᠤ ᠢᠷᠡᠵᠦ | ᠲᠡᠶᠢᠯᠦᠭᠰᠡᠨ ᠦᠭᠡᠢ ᠃ ᠲᠡᠭᠦᠨ ᠦ ᠲᠤᠬᠠᠢ ᠬᠤᠶᠠᠷ ᠶᠠᠩᠵᠤ ᠪᠠᠷ | ᠬᠡᠯᠡᠯᠴᠡᠳᠡᠭ᠄ ᠨᠢᠭᠡ ᠨᠢ ᠮᠣᠩᠭᠣᠯ ᠤᠯᠤᠰ ᠤᠨ ᠬᠤᠪᠢᠰᠬᠠᠯ ᠤᠨ | ᠡᠰᠡᠷᠭᠦᠴᠦᠳ ᠢ ᠴᠡᠪᠡᠷᠯᠡᠨ ᠠᠷᠢᠯᠭᠠᠬᠤ ᠳᠤ | ᠳᠠᠷᠤᠩᠭᠤᠶᠢᠯᠠᠭᠳᠠᠵᠠᠢ ᠭᠡᠳᠡᠭ ᠂ ᠨᠥᠭᠥᠭᠡ ᠨᠢ ᠤᠯᠤᠰ ᠲᠠᠭᠠᠨ | ᠬᠠᠷᠢᠬᠤ ᠵᠠᠮ ᠳᠠᠭᠠᠨ ᠶᠠᠫᠣᠨ ᠴᠡᠷᠢᠭ ᠲᠦ ᠠᠯᠠᠭᠳᠠᠵᠠᠶ ᠭᠡᠳᠡᠭ | ᠃ ᠳᠠᠬᠢᠪᠠᠯ ᠪᠠᠰᠠ ᠫᠣᠩᠰᠣᠭ ᠤᠨ ᠬᠡᠯᠡᠬᠦ ᠪᠡᠷ ᠲᠠᠯᠬᠡᠷ 1945 | ᠣᠨ ᠤ 7 ᠰᠠᠷᠠ ᠳᠤ ᠠᠷᠤ ᠮᠣᠩᠭᠣᠯ ᠡᠴᠡ ᠤᠯᠤᠰ ᠲᠠᠭᠠᠨ ᠪᠤᠴᠠᠬᠤ | ᠵᠠᠮ ᠳᠠᠭᠠᠨ ᠶᠠᠫᠣᠨ ᠤ ᠳᠡᠭᠡᠷᠡᠮᠴᠦᠳ ᠪᠠᠲᠤᠬᠠᠭᠠᠯᠭᠠ （ | ᠪᠤᠶᠤ ᠴᠠᠩᠴᠦ᠋ᠨ） ᠳᠦ ᠪᠠᠷᠢᠪᠴᠢᠯᠠᠨ ᠠᠯᠠᠵᠠᠢ ᠭᠡᠳᠡᠭ ᠃ | 1949 ᠣᠨ ᠳᠤ ᠳᠤᠮᠳᠠᠳᠤ ᠤᠯᠤᠰ ᠤᠨ ᠡᠪ ᠬᠠᠮᠲᠤ ᠨᠠᠮ ᠤᠨ ᠲᠥᠪ | ᠬᠣᠷᠢᠶᠠᠨ ᠤ ᠵᠣᠬᠢᠶᠠᠨ ᠪᠠᠶᠢᠭᠤᠯᠬᠤ ᠬᠡᠯᠲᠡᠰ ᠲᠠᠯᠬᠡᠷ ᠢ | ᠬᠤᠪᠢᠰᠬᠠᠯ ᠤᠨ ᠦᠷᠡᠭᠳᠡᠭᠰᠡᠨ ᠪᠠᠭᠠᠲᠤᠷ ᠢᠶᠠᠷ ᠨᠡᠬᠡᠮᠵᠢᠯᠡᠨ | ᠡᠷᠭᠦᠮᠵᠢᠯᠡᠵᠡᠢ᠃ | | |